20 хүртэлх насны Дэлхийн залуучуудын аварга шалгаруулах шатрын тэмцээн ОХУ-ын Ханты-Мансийск хотноо үргэлжилж байна. Тус тэмцээнд манай улсаас эрэгтэйчүүдийн ангилалд ФИДЕ мастер С.Билгүүн, эмэгтэйд ФИДЕ мастер Э.Баярмаа, спортын мастер Н.Бадамханд нар оролцож байгаа билээ.

Шатарчид швейцарь оноолтын 13 тавилтаас одоогоор зургаан өрөг тоглосон бөгөөд С.Билгүүн 3,0 оноотой 62 тамирчнаас 35-р байрт бичигдэж байна. Харин эмэгтэйчүүдийн ангилад 48 тамирчин өрсөлдөж байгаагаас Э.Баярмаа 4.0 оноогоор 12-р байр, Н.Бадамханд 2.0 оноогоор 40-р байрт жагсаж байна.

С.Билгүүн бодлого бодолтын энэ оны ДАШТ-д амжилттай оролцож ФМ цол хүртсэн билээ. Тэмцээн энэ сарын 16-ны өдөр өндөрлөнө.

Тэмцээний албан ёсны сайт: http://wjcc2015.fide.com

Ч.БОЛОР