"Улс төрд нөлөө бүхий этгээдийг хардсан, сэрдсэн бол гэмт хэрэгт тооцохгүй" | News.MN

"Улс төрд нөлөө бүхий этгээдийг хардсан, сэрдсэн бол гэмт хэрэгт тооцохгүй"

"Улс төрд нөлөө бүхий этгээдийг хардсан, сэрдсэн бол гэмт хэрэгт тооцохгүй"

"Улс төрд нөлөө бүхий этгээдийг хардсан, сэрдсэн бол гэмт хэрэгт тооцохгүй"

Эрүүгийн хуульд нэмэлт, өөрчлөлт оруулах тухай хуулийн төсөлд гүтгэх үйлдлийг Эрүүгийн хуулиар зохицуулахаар оруулж байгаа нь иргэд, хэвлэл мэдээллийн хэрэгсэл, сэтгүүлчдэд маш халтай өөрчлөлт болохоор байгаа юм. Уг хуулийн төслийн талаар Хууль зүй, дотоод хэргийн яамны Хууль зүйн бодлогын газрын дарга П.Сайнзоригоос тодрууллаа.


Эрүүгийн хуульд нэмэлт, өөрчлөлт оруулж, гүтгэх үйлдлийг Эрүүгийн хуульд буцаан оруулах ямар шаардлага үүссэн бэ?

-Олон эрх ашгийн тэнцвэрийг хангах шаардлагай гэдгийг онцолмоор байна. Иргэний нэр төр, алдар хүндийг Монгол Улсын Үндсэн хуулиар хамгаалсан. Нөгөө талд нь үзэл бодлоо илэрхийлэх, хэвлэн нийтлэх эрх чөлөөний асуудал мөн яригдана. Гэхдээ энэ асуудалд тэнцвэртэй хандах хэрэгтэй. Техник технологийн хөгжлийг дагаад нэр усгүй хаягаас бусдыг гүтгэх доромжлох асуудал их гарч байна. Үүнийг Иргэний журмаар зохицуулах ямар ч бололцоо байхгүй. Өөрөөр хэлбэл нэр усгүй хаягийн ард ямар хүн байгааг хууль хяналтын байгууллагын оролцоотойгоор тогтоож байж  хохирогч нэр төрөө сэргийлгэх, учирсан хохирлоо барагдуулах нөхцөл бүрдэнэ. Тийм учраас гүтгэх үйлдлийг Эрүүгийн хуульд оруулж байгаа нь цахим хэрэгслийн зохист бус хэрэглээтэй холбоотой.

-Гүтгэх үйлдлийг Эрүүгийн хуулиар зохицуулбал иргэний үг хэлэх, үзэл бодлоо илэрхийлэх Үндсэн хуулиар олгосон үндсэн эрхтэй харшлах юм биш үү?

-Тухайн иргэн бусдыг гүтгэхгүй, доромжлохгүй бол хэнд ч  үг хэлэх, үзэл бодлоо илэрхийлэх эрх нь чөлөөтэй. Энэ нь Монгол Улсын Үндсэн хуулиар олгосон бүрэн эрх гэж ойлгож болно.

-Нөгөө талдаа хэвлэлийн эрх чөлөөнд халдсан болохгүй юу?

 -Зөвхөн сэтгүүлчдэд хамаатай асуудал биш. Хэн ч бусдыг гүтгэхгүй, доромжлохгүй бол энэ хуульд хамаагүй гэсэн үг.

-Гүтгэгдсэн нь тогтоогдвол ял эдлэх юм уу?

-Хорих заалт байхгүй. Торгуулийн хэмжээ Зөрчлийн хуулийн торгуулиас буурсан. Зөрчлийн хуулиар хувь хүнийг 2 сая төгрөгөөр, хуулийн этгээдийг 20 сая төгрөгөөр торгодгоос бууруулж оруулсан. Хүний нэр төр, алдар хүнд, хуулийн этгээдийн ажил хэргийн нэр хүндэд халдаж илт худал мэдээллийг нийтийн сүлжээгээр тараасан бол дөрвөн зуун тавин нэгжээс нэг мянга гурван зуун тавин нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ. Хүний нэр төр, алдар хүнд, хуулийн этгээдийн ажил хэргийн нэр хүндэд халдаж илт худал мэдээллийг хэвлэл мэдээллийн хэрэгслээр тараасан бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ. Мөн төрийн байгууллага хохирогч болохгүй байх, улс төрд нөлөө бүхий этгээдийг гэмт хэрэгт хардсан, сэрдсэн бол энэ гэмт хэргийг үйлдсэнд тооцохгүй байх заалтыг  хуулийн нэмэлт, өөрчлөлтөд тусгасан.

-Өнөөдөр пракиткт Зөрчлийн  хуулийг сэтгүүлчдийн эсрэг ашигладаг явдал түлхүүтэй гарч байгаа.  Олон улсын жишигт иргэн хоорондын маргаан гэж үзээд Иргэний хуулиараа зохицуулдаг. Манайд энэ нь боломжгүй юм уу?

-Улс орон болгон янз бүрээр л зохицуулсан байдаг. Иргэний журмаар явах тэр асуудал нээлттэй. Гэхдээ технологи хөгжсөн энэ үед иргэн Дорж, Дулмааг хэн нэгэн нүүрээ нуусан этгээд олон нийтийн сүлжээгээр гүтгэж, доромжлох асуудал гарна. Гэтэл иргэн Дорж, Дулмаа иргэний хэргийн шүүхээр яваад тэр хаягны цаана хэн байгааг олж чадахгүй. Тиймээс энэ асуудалд хуулийн байгууллагын мөрдөн шалгах ажиллагаа явуулсны үндсэн дээр шалгаж тогтоох асуудал яригдана. Тэгэхээр асуудалд зөвхөн хэвлэлийн байгууллага талаас нь харах хэрэггүй. Монгол Улсын Үндсэн хуулиар хамгаалагдсан хүний нэр төр, алдар хүндийг хуулиар хамгаалах асуудал.

-Хуулийн төсөл дэх “Бэлгийн дур хүслээ ёс бусаар хангах” гэдэг зүйл ангид хохирогчдыг 14-18 нас хүртлэх, бага насны хүүхэд гэж ангилсныг тодруулахгүй юу?

-Хэд хэдэн гэмт хэргийн зүйл ангиудыг олон нийт хольж яриад байна. Хүчиндэх, насанд хүрээгүй этгээдтэй бэлгийн харьцаанд орох, бэлгийн дур хүслээ ёс бусаар хангах, бэлгийн мөлжлөг гээд хэд хэдэн хэрэг байгаа. Эдгээрийн гэмт хэргийн шинж, бүрэлдэхүүн нь тус тусдаа ойлголт.  Хүчиндэх гэмт хэрэг гэдэг бол тухайн хүний хүсэл зоригийн эсрэг үйлдэл. Дээрх хэргүүд хоорондоо давхцаж, ял завших тохиолдол гарах вий гэдэг үүднээс энэ төрлийн гэмт хэргүүдийн шинжийг тодруулж байгаа. Өөрөөр хэлбэл, тодорхой үйлдлүүдийг гэмт хэрэгт тооцохоос гадна зарим гэмт хэргийн шинжүүдийг тодотгосон.

Үүн дээр нэмж хэлэхэд, хар тамхи олж авах үйлдлийг гэмт хэрэгт тооцож байгаа. Хар тамхи улсын хилээр оруулж ирсэн бол 2-8 жилийн ял оноодог. Үүнийг 8-15 жилийн ялтай болгохын зэрэгцээ зохион байгуулалттай бүлэг этгээд буюу нийлүүлэгч ашиг хонжоо олох зорилгоор оруулж ирсэн бол бүх насаар нь хорих ял оногдуулахаар тусгасан. Энэ хэрэгт хөөн хэлэлцэх хугацаа тооцохгүй. Эдгээр этгээдийг илрүүлтлээ хууль хяналтын байгууллага мөрдөж, мөшгинө гэсэн үг. Хар тамхийг хэрэглэсэн этгээд гэхээсээ илүү оруулж ирээд байгаа зохион байгуулалттай бүлэглэлтэй тэмцэх эрүүгийн хариуцлагыг чангатгана. Ерөнхийдөө зарим төрлийн гэмт хэрэгт ялын бодлогыг чангатгаж байгаа гэж ойлгож болно.

-Энэ хуулийг баталснаар хөөн хэлэлцэх хугацаа дууссан гэх үндэслэлээр хэрэгсэхгүй болсон хэргүүдийг сэргээж шалгах эрхзүй бүрдэх үү?

-Хуулийг буцаан хэрэглэхгүй гэдэг зарчим бий. Гэхдээ Хууль зүйн байнгын хороон дээр ажлын хэсэг ажиллаад тодорхой санал, дүгнэлт гаргасан байсан. Үүнтэй холбоотойгоор ажлын хэсэг дээр дагаж мөрдөх журмын асуудал яригдана. Тэр үед л тодорхой болох байх. Татварын гэмт хэргийн хөөн хэлэлцэх хугацаа нэг жил байгаа.  Хөөн хэлэлцэх хугацаа нэг жил гэдэг нь энэ төрлийн гэмт хэрэг үндсэндээ ялгүй болсон гэсэн үг. Учир нь татвараас зугтах гэмт хэрэг үйлдэгдсэнээсээ хойш 2-3 жилийн дараа, татварын хяналт шалгалтын явцад илэрдэг. Тэгэхээр энэ төрлийн гэмт хэргүүдэд хариуцлага хүлээлгэх зайлшгүй шаардлага байгаа учир таван жил хүртэл байхаар орж ирж байгаа.

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-10-30 64.119.22.214

Хуурамч сайтуудыг хаах хэргэтэй. Сонгууль дөхөөд хувь хүний нууцын тухай хууль, нотлогдоогүй баримтыг дэлгэх тарааж нэр төрд нь халдаж буй сэдэв их байна. Үнэн худлыг мэдэхгүй хэдэн сурвалжлагч нар их хуралд дэвших гээд тэнэгтэж байна.

Avatar

zochin 2019-10-30 66.181.183.215

Nirgesen hoino ni hashgirav gegch l bolj bna daa.Har tamhitai holbootoi yaliin sankts baga bna. Nemeh heregtei. Uridchilan sergiilehiin tuld.

Avatar

Монгол иргэн 2019-10-30 49.0.135.60

Хүний санал бодлыг авахгүй юм бол наад сайтаа хаа

Avatar

Зочин 2019-10-30 49.0.135.60

Хүний санал бодлыг аьахгүй юм бол наад сайтаа хаа

Avatar

Зочин 2019-10-30 49.0.135.60

Хар тамхины хэргийн нэгэн адил улс орныг дотоод, гадаадад мөхөл рүү түлхэж,
иргэдийг ядууруулж байгаа авлигын хэргийг хөөн хэлэлцэх хугацаагүй болгох хэрэгтэй .
Авлигын хэрэг бол зохион байгуулалттай гэмт хэргийг сүүдэр мэт дагалдаж явдаг
тул үндэстэн дамнасан хэргийн төрөлд багтаадаг.

Avatar

Зочин 2019-10-30 49.0.135.60

Хар тамхины хэргийн нэгэн адил улс орныг дотоод, гадаадад мөхөл рүү түлхэж,
иргэдийг ядууруулж байгаа авлигын хэргийг хөөн хэлэлцэх хугацаагүй болгох хэрэгтэй .
Авлигын хэрэг бол зохион байгуулалттай гэмт хэргийг сүүдэр мэт дагалдаж явдаг
тул үндэстэн дамнасан хэргийн төрөлд багтаадаг. Ийм ч учраас Монгол улсын "саарал жагсаалт"-д
оруулсан нь маш зөв асуудал. Авлига улстөрийн хүрээнд буурахгүй бол доод шатанд хэзээч буурахгүй.
/Төрийн өндөр албан тушаал хашдаг хүмүүсийн авлига /

Avatar

Монгол 2019-10-30 88.247.119.205

Энэ бас юун их мэдэгч вэ? Ийм худлаа гаруудыг бүү дээш нь алхуул!!!

Avatar

Зочин 2019-10-30 64.119.19.198

хардлага гүтгэлэг хоёрыг ялгах ч хэцүү дээ

Avatar

зочин 2019-10-30 64.119.22.214

Ардчилал хүний эрх нэрийн дор цахим сайтуудаар арай дэндүү их хар мэдээ, нотлогдоогүй лайв явж байна. Соен гэгээрүүлэх залуучуудад үлгэр дууриал болох, дор хаяж нус цэрээ гудамжинд хаяхгүй байх гэсэн мэдээ тавимаар. Сэтгүүлчид нэрийн дор улсын нууц, шалгагдаж буй хэрэг, нотлогдоогүй баримтуудыг сенсаци болгож ил тависанаар саарал жагсаалтад орсон. Ер нь Их хурлын чуулганы хурлыг ТВ гээр явуулах нь буруу мэт санагддаг. Улсын нууц гэж байхаа болисон юм уу

Avatar

Зочин 2019-10-30 43.242.243.252

Тэнэг

Avatar

иргэн 2019-10-30 202.179.26.180

манайд Хууль багадаагүй, Сайн ч Хууль бий Муу ч Хууль бий гэхдээ хичнээн Сайн Хууль байгаад Нам нэртэй , Улс төрч нэртэй Этгээдүүд Хуулийг бол Яаж ч өөрчилж чадаж байгаа өнөөгийн цаг үед Хууль гэхээсээ илүү Төрд байгаа Хулгайч Гэмт хэрэгтэнгүүдтэй л Тэмцэх хэрэгтэй, Тэд Эрх мэдэл Албан тушаалаа ашиглаж Хүссэн ээ хийж байгааг Дэлхий мэдээд манайхыг Саарал жагсаалтад орууллаа шүү дэ

Avatar

Зочин 2019-10-30 150.129.141.162

хорихоос өөр төрлийн ял түлхүү оноодог болох хэрэгтэй шүү!!! Монгол чинь хүн ам асар цөөтэй онцлогтой орон шүү!!!

Avatar

Зочин 2019-10-30 64.119.22.214

Торгуулийг өндөр тавих шаардлагатай.

Avatar

Зочин 2019-10-30 192.82.70.202

Татварын гэмт хэргийг 2015 оны "Гэмт хэргийн тухай хууль"-д тодорхойлноор батлах нь зүйтэй! Тодруулбал – татварын актаар тавигдсан зөрчлийг арилгаагүй бол эрүүгийн хэрэг үүсгэдэг байх! Коммунистууд 2016 онд гарч ирээд атварын алдаан дээр шууд эрүү үүсгэхээр өөрчлөн баталсан!!! Яхир хатуу араншин нь удамшдаг юмуу, хаашаа юм???

Avatar

зочин 2019-10-30 192.82.64.222

орныг дампууруулах, хууль бус үйлдэл таслан зогсоогдоно

Avatar

зочин 2019-10-30 192.82.64.222

Татвар, авилга, хахууль,эрх албан тушаалаа хэтрүүлсэн эрүүгийн хэргийг хөөн хэлэлцэх хугацаагүй болгох нь зүйтэй. Учир нь энэ хэргүүд нь улс орны үндэс болсон эдийн засгийг муутгаж, ард олныг ядууруулах учир.._. Мөн дээр нь хар тамхи, хүн худалдах, бага насны хүүхдийг хүчирхийлсэн, завдсан, хулгайлсан, хүнд байдалд байлгасан хэргүүдийн хөөн хэлэлцэх хугацааг хэрэглэхгүй байхаар оруулах… эрх албан тушаалтныг буусан хойно гэмт үйлдэл нь илэрдэг учир хугацаагүй болгох нь зөв. Ингэж ял завшиж, улс

Avatar

ИРГЭН 2019-10-30 202.21.124.22

ЭНЭ ЧИНЬ ОДОО ЮУ ВЭ. УЛС ТӨРД НӨЛӨӨ БҮХИЙ ЭТГЭЭДҮҮД ХАМГИЙН БУЗАР БУЛАЙГ ХИЙДЭГ. ЭД НАР ЭРҮҮЛ Л БАЙДАГ БАЙГАА ДАА.

Avatar

Зочин 2019-10-30 66.181.170.215

Улс төрд нөлөө бүхий этгээдийг хардсан, сэрдсэн бол гэмт хэрэг үйлдсэнд тооцохгүй гэж байгаа нь Үндсэн хуульд заасан хүнийг ялгаварлан гадуурхаж болохгүй гэснийг зөрчиж байгаа хэлбэр биш гэж үү хууль баталж байгаа болон хуулийн төсөл боловсруулж байгаа нөхдүүд нь ямар нөхдүүд байна аа

Avatar

зочин 2019-10-30 202.126.89.59

Татварын гэмт хэргийн хөөн хэлэлцэх хугацааг нэг жил болгосон хүмүүсийг яллаж шийтгэ. Санаатай оруулсан заалт байна.

Avatar

ганаа 2019-10-30 202.180.218.37

Хөөн хэлэлцэх хугацаатай холбоотой заалтууд огт ойлгомжгүй байна

Avatar

Зочин 2019-10-30 192.82.66.242

Улс төрд нөлөө бүхий этгээд хамаг муухай бүхнийг хийдэг… ЯагаадЯагаадЯагаад… хардаж болохгүй гэж…чамд өгөх зөвлөлгөө ажиллаа өг.

Avatar

Зочин 2019-10-30 66.181.176.117

Хуучны цаг үе шиг өөрсдийнхөө зураг хөргийг бүх хүмүүс тахин шүтэж гэр орон албан газар гээд бүх газар өлгөж зүүж байх ёстой гээд хууль гаргачихгүй дээ ард иргэдийнхээ шүүмжлэх үзэл бодлоо илэрхийлэх эрхийг хааж боосон юм биш үү ер нь бол хайрт нам засаг хайрт удирдагчийн яруу алдар бадартугай улс төрийнхөн түм наслах болтугай гэж хэлүүлж байх гээд байгаа бололтой

Avatar

ndmna 2019-10-30 202.9.42.52

XUTS NOVSHOO

Avatar

Зочин 2019-10-30 202.126.89.89

Nvdii ni harahad l Nyamkagiin buuni nohoi bna.

Avatar

Зочин 2019-10-30 64.119.24.93

Бямбацогтын нутгийнх нь тоодгор юмаа

NewsMN Гар утасны хувилбар Татах
NEWS.mn

Мэдээллийн эх сурвалж