Москва-Санкт Петербургийг холбосон хурдны шинэ замын тариф хэд байх талаар ид хэлэлцээ хийж байна хэмээн төрийн өмчийн "Автодор" компани мэдээлсэн байна.

М-11 трасс хэмээн нэрлэж буй энэ зам нь суудлын хөнгөн тэрэгт зориулагдсан зам юм. Замын тарицын сүлжээг хараахан эцэслээгүй ч Москвагаас Санкт-Петербург хүрэх төлбөр 1300-2000 орчим рубль байх магадлалтай байгаа ажээ.

Москвагаас Тверь ороход 870 рубль, Тверээс Петербург ороход 1150 рубль байх урьдчилсан тооцоо байгаа хэмээн “Автодор” мэдээлсэн байна.

Үнийн сүлжээнд нөлөөлөх гол хүчин зүйл замын урт боловч өөр нэг хүчин зүйл нь долоо хоногийн зарим гаригт ачаалал их, бага байдаг гэдгийг мөн харгалзаж байгаа юм.

Шинэ замаар Москвагаас Петербург ороход дунджаар 5,5 цаг зарцуулах юм.

М-11 трассын урт 669 километр бөгөөд ирэх арваннэгдүгээр сарын 15-нд хөдөлгөөний бүрэн нээнэ хэмээн Зам тээврийн дэд сайд Иннокентий Алафинов хэллээ.

Эх сурвалж: РИА НОВОСТИ