Нийслэлийн хэмжээнд өндөржүүлсэн бэлэн байдлын зэрэгт шилжсэнтэй холбогдуулан өнөөдөр Сүхбаатар дүүргийн Шуурхай штаб 9, 11-20 дугаар хороонд ажиллалаа. Шуурхай штабын бүрэлдэхүүн тус хорооны нөхцөл байдлын мэдээллийг сонсож, сайжруулсан түлш борлуулах зарим жижиглэнгийн цэг болон дундын төвийн үйл ажиллагаатай танилцав. Энэ үеэрээ сайжруулсан түлшний борлуулалт, нөөц, татан авалт хэр байгааг газар дээр нь үзэж, түлш худалдан авч буй иргэдтэй уулзан галлагааны аюулгүй ажиллагаагаа хангах, мэргэжлийн байгууллагаас гаргасан зөвлөмж, аргачлалтай сайтар танилцаж, аливаа эрсдлээс урьдчилан сэргийлэхийг анхааруулав.

Эх сурвалж: СБД