Хөдөлмөрийн хөлсний доод хэмжээг нэмэгдүүлэх хуулийн төслийг ОХУ-ын Төрийн Дум эхний хэлэлцүүлгээр өнгөрсөн Баасан гариг /2019.10.25/-т баталлаа. Ингэснээр 2020 оны нэгдүгээр сарын 1-нээс Орост хөдөлмөрийн хөлсний доод хэмжээ 850 рублиэр нэмэгдэж, 12130 рубль болж байгаа юм.

Энэ шийдвэр 3,2 сая орчим хүний цалин хөлсөд хамаарна гэдгийг хуулийн төсөл боловсруулагчид тайлбарлалаа.

Гэхдээ бүс нутгийн онцлогоос хамааран хөдөлмөрийн хөлсний доод хэмжээ Орост өөр байдаг. Тухайлбал, төвийн болон өмнөд бүсийн нутгаар хөдөлмөрийн хөлсний доод хэмжээ 850 рублиэр нэмэгдэх бол алслагдсан бүс нутагт, жишээ нь, Чукоткийн автономит тойрогт 2550 рублиэр нэмэгдэх юм.