Монгол Улсын Филармоний гоцлол дуучин Наагий буюу Н.Наранбаатарыг олон сайхан уран бүтээлээр нь үзэгч, сонсогчид андахгүй. Тэрбээр анх “Nature sound” студиэс уран бүтээлийн гараагаа эхэлж байсан бол одоо Монголын рок попын ертөнцөд өөрийн гэсэн байр сууриа эзэлжээ.

Тэрбээр энэ сарын 25-ны өдөр шинэ уран бүтээл болох Jealousy дууны клипээ цацаж эхэлсэн. Энэ дуугаа дуучин Б.Баярцэцэгтэй хамтран дуулжээ. Дууны клипийг ОХУ-ын эртний нийслэл Ленинград одоогийн Санкт-Петербург хотод дүрсжүүлсэн байна.

Дуучдын уянгалаг, яруу хоолой хотын өнгө үзэмжтэй нэгдэн нийлж, Ленинград хотноо сурч, амьдарч байсан хэн бүхний сэтгэлийг догдлуулах нь лавтай. Энэхүү уран бүтээлийн үг, аяыг продюсор Б.Наранзун зохиосон байна.