Залуус дуучин Т.Ариунааг role model-оороо нэрлэв | News.MN

Залуус дуучин Т.Ариунааг role model-оороо нэрлэв

Залуус дуучин Т.Ариунааг role model-оороо нэрлэв

“Нарны хаан хүүхдүүд” дуугаа эх хэлээрээ дуулж, олон орны зочдод “Хүүхдийн төлөө “За” гэж хэлье” хэмээн уриалж явсан уран бүтээлч бол Монгол Улсын гавьяат жүжигчин, дуучин Т.Ариунаа юм. Түүний дуулсан энэхүү дуу НҮБ-аас зарласан уралдаанд “Азийн шилдэг дуу”-аар шалгарч, дуучин бүсгүй маань Нью-Йорк хотноо 2002 оны тавдугаар сард “Дэлхий ертөнцийг хүүхдүүдтэйгээ хамт хөгжүүлье” уриан дор болсон концертод “Нарны хаан хүүхдүүд” дуугаа дуулж, Монголоос анх удаа НҮБ-ын Хүүхдийн сангийн элч дуучнаар тодорч байжээ.

Шүлгийг нь Монгол Улсын Соёлын гавьяат зүтгэлтэн Ү.Хүрэлбаатар бичиж, аяыг нь Л.Балхжав зохиосон энэ дуу НҮБ-ын байранд хоёр өдрийн туршид эгшиглэсэн түүхтэй юм байна. Монголын төдийгүй дэлхийн хэмжээний лидерүүдэд “Хүүхдийн төлөө “За” гэж хэлье” хэмээн уриалж, “Ариун сэтгэл сан”-г үүсгэн байгуулсан дуучин Т.Ариунаа энэ удаад хүүхэд залуус төдийгүй бүх хүнд “Тэнгэрлэг бай. Тэмүүлсэн зорилгодоо эзэн бай” гэсэн уриалгыг фэйсбүүк хуудсаараа дамжуулан дэвшүүллээ. Олон нийтийг сайн сайханд уриалсан энэхүү уриалгад нь нийгэмд байр сууриа идэвхтэй илэрхийлдэг салбар бүрийн залуус нэгдэж, өөрсдийнхөө үзэл бодлыг сошиал ертөнцөд илэрхийлж байна.

Урлаг соёлынхноос дуучин Наки, жүжигчин Б.Цэцэг нар дуучин Т.Ариунаагийн уриалгад нэгджээ. Жүжигчин Б.Цэцэг “Нэгдүгээр хорооллын хүүхдүүд бид Т.Ариунаа эгчийн гэрийн цонхны доор олноороо багшралдаж зогсдог байсан нь санаанаас гардаггүй юм. Яагаад гэвэл, тэр үед түүний бүх зүйл нийгэмд хит болдог байсан. Шинэ дуугаараа олон нийтийг байлдан дагуулдаг нь Т.Ариунаа, стиль имижээрээ дуулиан тарьдаг нь мөн л дуучин Т.Ариунаа байсан. Ер нь урлагийг Т.Ариунаа эгчээр тодорхойлдог байсан үе бий. Тэгэхэд бидний үеийнхэн Т.Ариунаа эгчийг дэмжиж, ойроос харахыг хүсдэг байсан. Т.Ариунаа эгч хоёр хаалгатай, улаан өнгийн машин унаад нэгдүгээр хороолол дахь гэрийнхээ гадаа ирдэг байлаа.

Хүүхдүүд бид “Пөөх, Т.Ариунаа эгч ирлээ” гэж тэрүүхэндээ шуугилдан машиныг нь очиж үзэж, цонхных нь доор цугларцгаадаг байсан. Дуучин Т.Ариунаа шударга, хөдөлмөрч, дайчин, ямагт шинийг сэтгэж бусдад үлгэрлэдэг чанараараа яах аргагүй залуус бидний role model болсон уран бүтээлч” гэж ярилаа. Дуучин Накигийн хувьд “Дуучин Т.Ариунаагийн дуунуудыг хүүхэд байхаасаа л сонсож, дагаж дуулсаар ирсэн. “Нарны хаан хүүхдүүд” дуугаа дуулахад нь хүүхдийн найрал дууны хэсэгт би дуулж байлаа. Т.Ариунаа эгч их гоё бэлэг, CD, плакатаа бэлэглэж бид бөөн баяр хөөр болцгоож байсан. Дараа нь стадионд тоглолтоо хийх үеэр нь бид бас дуулж байв” хэмээн дурсамжаасаа хуваалцав. Монгол Улсын гавьяат жүжигчин, дуучин Т.Ариунаа 2009 онд “Гайхамшигт үдэш” тоглолтоо хийснээс хойш яг арван жилийн дараа буюу ирэх сарын 08-нд “Буянт-Ухаа” спортын ордонд “Тэнгэр шиг бай” тоглолтоо хийх юм байна.

Д.ЭНХ

"Болор дуран"-аар шалгав.
Энэ мэдээнд өгөх таны сэтгэгдэл?
4
ХахаХаха
2
ТэнэглэлТэнэглэл
1
ЗөвЗөв
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-24 49.0.213.33

"Газар шиг бай"

Avatar

Зочин 2019-10-24 119.40.103.37

Албан мэдээлэл бичиж буй тохиолдолд Наки энэ тэр гэж бичих утгагүй. Наранбаатар гэнэ үү бүтэн нэрээр нь бичих хэрэгтэй. Ядаж л Наки гэж заавал бичиг гээд байгаа бол "Наки" гэдэг ч юм уу хашилтанд бичмээр юм. Сэтгүүлчинд өөрсдөө бичгийн соёл муутай нь боловсрол нимгэнийг нь батлах юм. Манайхаас өөр оронд дуучид улс төрийнхөн юу байна бичихдээ бүтэн бичдэг. Ядаж л хувь хүний нэрийг овгийн үсэгтэй нь бичиж сурмаар юм. Наки гэдэг чинь нэр биш. Энэ тэнэг юмыг нь залуу үе нь уншаад тэгж л бичицгээнэ.

NewsMN Гар утасны хувилбар Татах
NEWS.mn

Мэдээллийн эх сурвалж