Амралтын өдрийг нэмж болно, БҮТЭЭМЖТЭЙ АЖИЛТНЫГ БИЙ БОЛГОЁ! | News.MN

Амралтын өдрийг нэмж болно, БҮТЭЭМЖТЭЙ АЖИЛТНЫГ БИЙ БОЛГОЁ!

Хуучирсан мэдээ: 2019.10.24-нд нийтлэгдсэн

Амралтын өдрийг нэмж болно, БҮТЭЭМЖТЭЙ АЖИЛТНЫГ БИЙ БОЛГОЁ!

Амралтын өдрийг нэмж болно, БҮТЭЭМЖТЭЙ АЖИЛТНЫГ БИЙ БОЛГОЁ!

Монголчуудын бүх нийтээрээ амрах өдөр нэгээр нэмэгдэх гэж байна. Тодруулбал, УИХ-ын Төрийн байгуулалтын байнгын хорооны өчигдрийн /2019.10.23/ хуралдаанаар Бурхан багшийн их Дүйчин өдрийг баярын өдөр болгох хуулийн төслийг хэлэлцэн, дэмжсэн билээ. Тус хуулийн төслийг УИХ-ын чуулганаар батлах учиртай. Хуулийн төсөлд тусгаснаар, Бурхан багшийн их Дүйчин өдөр буюу зуны тэргүүн сарын шинийн 15-нб өдрийг нийтээр тэмдэглэх баярын өдөр болгож, монголчууд энэ өдөр бүх нийтээрээ амрах юм.

Өнөөдөр Монгол Улсын хүн амын 53 хувь нь буддын шашинтай, тус шашин нь Монгол төрийн шашин хэмээн тодорхойлогдож байсан. Иймээс Бурхан багшийн их Дүйчин өдрийг тэмдэглэн өнгөрүүлэх нь зүйтэй гэдгийг бурханы шашины судлаачид хэлдэг. Энэ баярыг БНСУ, Тайланд, Шри-Ланк, Сингапур, Япон, Энэтхэг, Вьетнам, Мьянмар зэрэг орнуудад мөн адил тэмдэглэн өнгөрүүлдэг бөгөөд бусад улс орнуудад ч гэсэн шашны баярыг өргөн дэлгэр тэмдэглэдэг, Монголд амралтын өдөр ихдээгүй гэдгийг УИХ-ын гишүүд өчигдрийн хуралдааны үеэр онцолж байсан юм.

Энэхүү хуулийн төсөлтэй зэрэгцээд иргэдийн зүгээс ч шүүмжлэл гарах болсон. Учир нь, Монгол Улсад амралтын өдөр ихэдлээ, ажил хийх хүн олдохгүй нь, ажлаа хийцгээе гэх шүүмжлэл дагуулсан юм. Эдийн засагчдын үзэж буйгаар, энгийн нэг ажлын өдрийг баяр болгон бүх нийтийн амралтын өдөр болгоход тухайн өдөр хийгдэх ёстой байсан бүтээмж эргэн нөхөгдөх нь маш хэцүү, энэ нь улс орны эдийн засгийг доош нь татах нэг үндэслэл болдог гэдгийг сануулсаар удаж буй.

Хэдийгээр, бүх нийтийн амралтын өдөр их байна, ажлаа хийцгээе гэж байгаа ч гэсэн Монгол Улсад өнөөдөр ажил хийх хүн олдохгүй, тэр хэрээр улс орны эдийн засаг маш том хохирол учруулж буй ажилтнууд хүртэл бий болж эхэлсэн гэдгийг судлагааны байгууллагууд ярих болсон.

Судалгааны байгууллагын судалгаанаас ажиглавал, Монгол Улсад ажил хөдөлмөр эрхэлж буй дөрөв хүн тутмын нэг нь цалин авдаг хэр нь байгууллагадаа хувь нэмэр оруулдаггүй, бүтээмжгүй ажилтан байдаг ажээ. Өөрөөр хэлбэл, 900 мянган хүн ажил хөдөлмөр эрхэлж байна гэж үзвэл үүний 200 мянган нь бүтээмжгүй ажилтан байх магадлалтай гэнэ. Эдгээр ажилтны дундаж цалингаар нь тооцоолж үзвэл тэд улсдаа 1.5 их наяд төгрөгийн хохирол учруулдаг юм байна.

Жилийн дөрвөн улиралтай Монгол Улсад хийж бүтээх цаг нь дулааны улирал байдаг ч үндсэндээ энэ үеэр ажлын бүтээмж буурч, урт удаан үргэлжлэх баяр наадмаар зунжингаа амралтын байдалд шилжчихдэг гэж хэлж болно. Тэгвэл өнөөдөр Монгол Улсад хэн ажил хийх вэ? Ажлын бүтээмжтэй ажилтныг хэрхэн бий болгох вэ? Бид өөрсдөө тав тухтай байдлаасаа гарч чадахгүй байсаар эдийн засаг, нийгмийн хөгжлөө хамтад нь уруудуулах уу?

Энэ мэдээнд өгөх таны сэтгэгдэл?
7
ЗөвЗөв
3
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-24 192.82.75.209

Munkhnaran eej munkhnaran eej munkhnaran eej

Avatar

Зочин 2019-10-24 49.0.213.33

Наад чинь аль бурхан багшийнх нь бурхан болсон өдөр вэ, бурхан багш чинь 2 янз байдаг даа, нэг нь энэтхэгийн буддын шашны бурхан багш Сидхарта, нөгөө нь түвдийн шарын шашны Зонхов багш, чухам аль нь юм бэ буддынх уу шарынх уу

Avatar

Хувийн бизнес эрхлэгчдэд, эрхэм боссуудад 2019-10-24 66.181.170.229

Та нарын зарим нь баяр амралтын өдөр нэмэгдвэл ашиг орлого буурч, зээлийн төлбөр нь нэмэгдээд, зээлээ төлж чадахгүй болно гэж гомдоллоод байгаа билүү. Ингэж "Би" болоо гэсэн өчүүхэн сэтгэл чинь, монгол хүний ухааны цар, уужим сэтгэлийг хязгаарлаж, эргэн тойрондоо худалч, хулгайч, бурангуй үзэлтнүүдийг цуглуулж байдаг юм. Ингэлээ гээд ашиг орлогоос нь хэр зэрэг хасагдаж байгаа бол тэрийг хэмжээд үз. Тэгж тооцоолоход энгийн томьёог ашиглаад үз. Энд програм хангамж, нарийн тооцоолуур хэрэггүй.

Avatar

Харийг шүтсэн, түүхээ сөхөж харж унших чадваргүй оюун мунхарч хоосорсон зарим цөөн монголчуудад 2019-10-24 66.181.170.229

Дэлхийн хөгжилтэй, тэргүүлэгч ухаалаг улс орон Бурханы шашны оюуны боловсролыг сурч мэдэх гэж, үүгээр нэр төрийн хэрэг болгож, гангарч, эдийн засгаа нэмэгдүүлэхийн тулд өрсөлдөж байхад (Хятад vs Энэтхэг) манайх шиг ийм буян заяатай монголчууд бид шашин соёлоо цааш гээд хоорондоо хэрэлдээд, учраа мэдэхгүй, ганц номын хуудас уншаад учир начрыг нь эрэлцээд ярьдаггүй ийм ТИИИИНЭГ хүмүүс дэлхийн хаа ч байхгүй. Монголчуудыг харийхан биш бид өөрсдөө, бид өөрсдийн уламжлал, оюунаараа нэгдэж байж аварна!

Avatar

Ёс суртахуунлаг ажилтантай бол олон өдөр амарсан ч бүтээмжтэй, ашигтай 2019-10-24 66.181.170.229

Ёс суртахуунлаг бол олон өдөр амрахад нь ашигтай орлоготой бүтээмжтэй болно. Дэлгүүрт ажилладаг зарим худалдагч нар дотроосоо ямар их хулгайлдагийг мэдэх үү Босс захирлуудаа. та нар тэдний оюуны боловсролтой нь тулж ажиллаж, дээшлүүлэхгүй болохоор тэгж байгаа юм. Босс нь өөрөө ч оюуны боловсрол нь доройтсон дөө. Ийм заваан нийгмээс салья. Арван хар нүглийг цээрлэдэг өвөг дээдсийн уламжлуулж дамжуулсан өв соёл, зан заншил, шашин соёлоо дахин сэргээе гээд байгаа бишүү.

Avatar

Зочин 2019-10-24 202.70.37.2

Бурханд мөргөж нүгэл үйлдэхгүй өдрийг амарч тэмдэглэнэ гэнэ ээ.Монголчууд тэгэж аятайхан тэмдэглэж чадах уу.5сарын сүүл 6 сарын эхээр болно.Зуслан руу очдог цаг Очсон хүмүүс архиа ууна ямаагаа иднэ махаа шарна. Орой нь зодолдоно Ганц нэг нь бурхан болно. Ийм л өдөр шинээр гаргаж өгөх гээд байгаа юм. Урт насгүй амралтын өдөр дараагийн жил энэ баярыг авч хаях гээд нэг нөхөр хууль санаачилаад бас 30 саяын зардал гаргана.

Avatar

??? 2019-10-24 103.10.22.29

Амраана гээд л мунхарцгаах юм даа

Avatar

Иргэн 2019-10-24 202.21.118.138

Баар цэнгээний газруудын орлого л нэмэгдэх байх даа, мөн манай улсыг сүйрүүлэх гэсэн бодлого юм болов уу. Амралтын өдөр нэмэгдэнэ гэдэг ажил олгогчдод хичнээн хүндрэлтэй байдгийг хүнээс зүгээр мөнгө аваад сууж байдаг лам нар нь ч яаж ойлгохов дээ. Тэд ямар татвар төлөгч биш, түүнийг дэмжиж, далдуур бизнес эрхлэгчдээ хорлож байдаг УИХ-н гишүүд бас байдаг юм байна

Avatar

Зочин 2019-10-24 203.91.114.244

манайхан 18-22 цаг хүртэл бас ажилладаг баймаар байнаа. Ээлжийн горимоор ч юмуу. Хийх ажлаа тодорхой болгож, нэммээр байнаа. Хувийн үйлдвэрлэл үйлчилгээний ажлын цагийг нэмж, тэр хэрээр ажилтаны тоогоо нэммээр байнаа.

Avatar

Зочин 2019-10-24 192.82.64.168

Гандан хийд орлогоо нэмэх гэж хүмүүсийг амрааж байгаад л мөргөл үйлдүүлэх нь. Лам бөө исус шүтсэнээрээ бол мөнч амар амгалан байхсан. тийм юм харагдахгүй л байна шүү.

Avatar

зочин 2019-10-24 202.131.227.30

Солонгос Буддын шашинтай биш Христийн сүмүүд л харагдаг Япон бол Шинтоши гэх үндэстний шашинтай тэгээд хөгжил буурай хэдэн ядуу орнууд л Будда гэдэг дээ
Хувийн хэвшлүүд бол энэ өдөр амрахгүй дээ Төрийн албан хаагчид ашгүй дээ гэж байгаа Жишээ нь Ерөнхийлөгч асан Энхбаяр 12 сарын 29 ныг бүх нийтйин амралтын өдөр болгосон энэ бол буруу

Avatar

Иргэн 2019-10-24 103.57.95.178

Хагас дутуу англи хэлтэй хоолныхоо гурил ч аятайхан хэрчиж чадахгүй юмнууд бүх албан газруудаар дүүрэн хүний нөөц хөдалмөр хамгааллын инженер гэх мэт мундаг аймаар хүмүүс

Avatar

Зочин 2019-10-24 202.126.89.93

ТӨРИЙН АЛБАНЫХАН БҮТЭЭМЖТЭЙ АЖИЛЛАЖ ХАРАГДААЧ !!! ХУВИЙН ХЭВШИЛИЙНХЭН Л АРАЙ ДЭЭР !!! ШАР ШАШИНЫ АМРАЛТАА БОЛЬЖ ҮЗ !!! ГУЙЛАГЧИН РУУ ЯВЖ БАЙГАА УЛСАД ШАШИН ХӨГЖИДӨГ ТҮҮХТЭЙ !!!

Avatar

Зочин 2019-10-24 192.82.78.56

Үнэн. Ажлын цагаараа интeрнэтэд хэрүүл хийгээд л, орой нь шоудаж гэр бүлтэйгээ өнгөрөөх цагаа хумслаад эцжст нь үхэх цагтаа хайртай хүмүүсдээ илүү их цагийг зарцуулж байсангүй, буян ном ч үйлдэж явсангүй гэж харууссаар одох нь их юм даа

Avatar

Үхсэн бурхан багш 2019-10-24 171.25.193.77

Тангадын бурхан багш хааныхан төрсөн өдрийг тэмдэглэх л одоо дутаж гэнэ дээ. Бурхан гэдэг тангадын шарын шашины дээд цол хэргэм юм шүү. Тангад улсын эзэн бурхан байж байгаад мөхсөн. Тангадууд мэдээж Монголчуудын дайсан.

Avatar

Зочин 2019-10-24 192.82.78.56

Тэнэгээ эхлээд түүхийн мэдлэгээ жаахан ч гэсэн нэм. Тангад гэдэг улс мөхөөд 600 жил болж байна. Тангад угсааны 200 мянган хүн л хятадад одоо байна уу үгүй юу дээрээ тулсан.

Avatar

vv 2019-10-24 103.140.11.117

aa

NewsMN Гар утасны хувилбар Татах
NEWS.mn

Мэдээллийн эх сурвалж