Хүүхдийн паркийн газартай холбоотой асуудлыг судална | News.MN

Хүүхдийн паркийн газартай холбоотой асуудлыг судална

Хүүхдийн паркийн газартай холбоотой асуудлыг судална

Нийслэлийн Иргэдийн Төлөөлөгчдийн Хурлын төлөөлөгч Н.Батсүмбэрэл Нийслэлийн Газар зохион байгуулалтын албанд албан тоот хүргүүлж, "Үндэсний соёл амралтын хүрээлэн"-гийн газар буюу бидний нэрлэж заншсанаар Хүүхдийн паркийн газрын 1995 оны үеийн нийт эдэлбэр газрын кадастрын зураг болон түүнээс хойш хийсэн газар олголт, шилжүүлэлттэй холбоотой бүхий л мэдээллийг ирүүлэхийг хүслээ.

Тэрбээр уг албан тоотдоо нийслэлдээ ганц байдаг Хүүхдийн паркийн газрын асуудлыг судлан үзэх нь төлөөлөгчийн ч, төрийн байгууллагын ч үүрэг хэмээн тодотгожээ.

Түүнчлэн “Нийслэлд зориулалтын бусаар болон хууль зөрчин олгосон, нийтийн эрх ашгийг хохироосон, хот төлөвлөлт болон газар зохион байгуулалтын төлөвлөгөөг зөрчсөн газрын асуудлууд өнөөг хүртэл байсаар байгааг шуурхай, ил тод шийдвэрлэж ажиллах нь зүйтэйг сануулж  зарим зөрчлийг арилгах нь зүйтэй” гэжээ.

Тэрбээр мөн “Зам чөлөөл”, “Хашаа” арга хэмжээнүүд болон удаан хугацаагаар ашиглаагүй болон хууль зөрчин олгосон газруудын зөвшөөрлийг цуцлах зэрэг хуулийн хүрээнд нийгмийн шударга ёсыг тогтоох, нийтийн эрх ашгийг хамгаалах ажлуудыг өрнүүлж байгааг бүрэн дүүрэн дэмжиж байгаагаа илэрхийлсэн байна.

Үндэсний соёл амралтын хүрээлэнгийн хууль бус газар олголттой холбоотой гарсан нэгэн шийдвэрийг тэрбээр энэ удаад дэлгэжээ. Энэ нь нийслэлийн ИТХ-ын 2005 оны 9 дүгээр сарын 21-ний өдөр гарсан тогтоолоор тухайн үеийн ИТХ-ын дарга Н.Болормаа, Нарийн бичгийн дарга Т.Билэгт бусад тэргүүлэгчдийн хамтын шийдвэр юм. Уг тогтоолд "Үндэсний соёл амралтын хүрээлэн" нийслэлийн өмчит үйлдвэрийн газрыг татан буулгаж, Япон улсын “Иточу” корпорациас боловсруулсан төслийг дэмжиж Улаанбаатар хот-Япон улсын “Иточу” корпорацийн хамтарсан хөрөнгө оруулалттай компани байгуулахыг зөвшөөрсөн агуулгатай ажээ.

Нийслэлийн ИТХ-ын ХМОНХТ

"Болор дуран"-аар шалгав.
Энэ мэдээнд өгөх таны сэтгэгдэл?
1
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-10-23 59.153.114.67

Songuuliin show eheljee hoorhii

Avatar

Зочин 2019-10-23 192.82.71.111

Шуналтангууд Монголын хүүхдүүдийн газрыг луйвардсан даа, нэхэх хэрэгтэй.

Avatar

Зочин 2019-10-23 66.181.179.42

Айлаас эрэхээс авдраа уудал гэж….Энэ Батсүмбэрэл гэж сайн дүү байна. Хүн бас дэргэдээ байгаа эрдэнээ мэддэггүй юм байна, энэ олон жил ах нь мэдээгүй явж. Зүгээрээ ах нь өөрийн нэр дээр байгаа тэр паркийн газрыг чинь буцааж өгнө за юу, та нар битгий санаа зов. Тэрийг чинь буцаагаад өгчихнө гайгүй, хэд нугалуулж авмаар байна?

Avatar

Зочин 2019-10-23 203.91.114.244

Шинэ гүүр Парк 2ын хооронд хичнээн гоё модтой явган зам байлаа????

Avatar

Зочин 2019-10-23 203.169.49.104

Явган зам , явган гүүр маш хэрэгтэй байна.

NewsMN Гар утасны хувилбар Татах
NEWS.mn

Мэдээллийн эх сурвалж