Тайвань удаан хүлээсэн дизель-цахилгаан хөдөлгүүртэй шумбагч онгоц бүтээх төслийг ирэх жилээс эхлүүлэхээр болжээ. Үүний тулд Тайвань 2016 оны батлан хамгаалахын төсөвтөө гурван тэрбум тайвань долларыг тусгасан байна. Тайвань дотооддоо шумбагч онгоц бүтээх тухай яриа 2000 оны үед АНУ-аас дизель-цахилгаан хөдөлгүүрт  найман шумбагч онгоц авах гэрээ нь бүтэлгүйтсэнээс хойш гарчээ.

Тайвань шумбагч онгоц бүтээх төслийг гацаанаас гаргасан нь  Өмнөд Хятадын тэнгисийн арлын маргаан болон Хятадын цэргийн хүчирхэгжилтийн эсрэг авч хэрэгжүүлж буй арга хэмжээ юм. Тайваньд дэлхийн II дайны үеийн насжилттай дөрвөн хуучин шумбагч онгоц байдаг аж. Гэтэл Хятад улс нь олон төрлийн зориулалттай 70 орчим шумбагч онгоцтой юм. Түүнчлэн Хятадын зүгээс олон улс Тайваньд ямар ч төрлийн цэргийн техник, хэрэгсэл худалдахыг хүчтэй эсэргүүцдэг байна.

Тайвань 321.7 тэрбум тайвань.долларыг батлан хамгаалахын 2016 оны төсөвт суулгасан байна.

Б.АНХТУЯА

Эх сурвалж: Reuters