Хөвсгөл аймгийн нийт нутгаар өнгөрсөн Мягмар гариг (2019.1022)- ийн шөнө цочир хүйтэрчээ. Тус аймгийн Ус цаг уур орчны шинжилгээний төвөөс мэдээлснээр,  Хатгалд хамгийн хүйтэн буюу -25 градус хүйтэн хоносон байна.

Ханх, Цагааннуур сумаас бусад бүх суманд бага зэргийн цас орж, өглөөний 08:00 цагийн байдлаар нийт нутгаар 0-23 см цастай байжээ. Тус аймгийн Галт, Шинэ-Идэр сумдад 23 см, Улаан-Уул суманд 16 см цастай байгаа бөгөөд ойрын өдрүүдэд нийт нутгаар цас орж, хүйтрэх төлөвтэй байгаа аж.