Бид хэдхэн сарын өмнө технологийн том тэсрэлт болох анхны нумарсан дэлгэц бүхий Samsung Galaxy S6 Edge утсыг албан ёсны эрхтэй борлуулагчаас Монголдоо хэрэглэх боломжтой болсон билээ.

Тэгвэл хязгаарыг давсан энэхүү дэвшилтэт технологийн шинэ хувилбар болох S6 Edge + утасны нээлтийг тун удахгүй Юнител групп уламжлал ёсоороо хийх гэж байна.

Samsung-ийн шинээр гарч буй утас бүрийн нээлтийг Монгол улсдаа анхлан хийж, онцгой эрхтэйгээр худалдаалдаг Юнител группын салбаруудаар ирэх 7 хоногт шинэ үеийн Samsung Galaxy S6 Edge + утаснууд зарагдаж эхлэх гэнэ.

1. ИЛҮҮ ӨРГӨН БОЛОМЖ

S6 Edge+ утасны өмнөх S6 Edge-с ялгарах том өөрчлөлтүүд гэвэл илүү том дэлгэцтэй болж, батарейн цэнэг илүү уртассан. Гадна дизайны хувьд өмнөх шигээ шил болон металл материалаар хийгдсэн дур булаам төрхөө хадгалан үлдсэн. Мөн S6 Edge+ утасны бусад утсанд байхгүй давуу тал бол гоёмсог нумарсан дэлгэцтэй. Энэ нь зөвхөн урд дэлгэцээр хязгаарлагдахгүйгээр 2 талын ирмэгийг ашиглан илүү бүтээмжтэй, илүү хялбар ашиглах боломжийг олгож байгаа юм.

2. ИЛҮҮ ХУРДТАЙ

Ухаалаг утсанд хэрэгцээт бүхий л техникийн үзүүлэлтүүдийг сайжруулсан. Samsung Exynos процессор болон 4GB RAM хослол нь хангалттай хурдан ажиллагаатай болгосон байна. Ингэснээр олон төрлийн програм зэрэг ажиллуулахад асуудал гарахгүй болсон. Мөн хурууны хээ уншигч гайхмаар хурдан ажиллах болсон.

3. ИЛҮҮ ХҮЧТЭЙ

Баттарейн хүчин чадал нэмэгдэж 3,000mAh болсон ба бүхэл өдрийн турш ямар ч асуудалгүй утсаа хэрэглэх боломжтой. Баттарей цэнэглэхэд зарцуулдаг хугацаа буурч ердөө 90 минутанд бүрэн цэнэглэх боломжтой болсон. Мөн утасгүй цэнэглэгч ашиглах боломжтой болсон.

4. ДАХИН ДАВТАГДАШГҮЙ ЗАГВАР

Дизайны хувьд өмнөх шигээ гоёмсог шил болон металлаар бүтээгдсэн ба Алтлаг (Gold), Молор хөх (Sapphire), Сувдан цагаан (White), Мөнгөлөг Саарал (Silver) гэсэн 4 өнгөний сонголттой. Үүнээс Алтлаг болон Молор хөх өнгийн Samsung Galaxy S6 Edge+ утсыг Юнителийн салбараас авах боломжтой.

5. ИЛҮҮ БАТ БӨХ

Galaxy S6 Edge6+ нь өмнөх загвартайгаа адил хамгийн бат бөх гэдгээрээ гайхагдсан. Та загварлаг чамин утсаа халаасандаа хийгээд нугалж гэмтээх вий гэхээс санаа зовох хэрэггүй. Учир нь Samsung Galaxy S6 Еdge+ гар утсыг зөвхөн нисэх онгоц болон дарвуулт завь хийхэд ашигладаг хөнгөн цагаанаар гадаргууг нь бүтээжээ. Мөн зурагдах, хагарахаас хамгаалсан өндөр чанартай Gorilla Glass 4 шилээр бүтээсэн байна.

6. ӨНГӨ, ДҮРСНИЙ ГАЙХАМШИГ

5.7 инч, 1440 x 2560 pixels (515 ppi) өндөр нягтрал бүхий дэлгэц нь өнгөний тод ялгарлыг мэдрүүлэх болно. Камерны хүчин чадлыг магтахгүй байхын аргагүй. Урд талдаа сэлфи зураг авахад зориулсан 5 MP камертай ба харин ард талдаа 16 MP, дүрс тогтворжуулагч, авто фокус тааруулагчтай, өргөн өнцгөөр авах боломжтой камер байрлана. Өдөр шөнийн аль ч цагт илүү өнгөлөг, тод зурагнууд авна гэдэгтээ та хэзээд итгэлтэй байж болно.

7. ДЭЛХИЙН АНХНЫ ХОС НУМАРСАН ДЭЛГЭЦ

2 талт нумарсан гоёмсог дизайнтайгаас гадна хэрэглэхэд эвтэйхэн, тоглоом тоглох, кино үзэхэд маш өргөн цэлгэр орон зайтай харагдана.

Та зөвхөн Edge+ утасны нумарсан дэлгэцэнд зориулж гаргасан аппликейшнуудыг ашиглах боломжтой. Мөн хамгийн их хийгддэг хариу дуудлага хийх, хамгийн их ашигладаг аппликейшнаа нээх, цаг агаар харах гэх мэт үйлдлүүдийг хормын төдийд буюу хажуу хэсгийг буланд хүрэх төдийд хийж болдог онцлогтой.

ТУХАЙЛБАЛ:

Information Stream – Дэлгэцний буланд хэрэгцээт мэдээллийг гүйлгэж үзэх боломжтой.

Night Clock – Шөнийн цагт дэлгэцний нумарсанд хэсэгт цаг хэд болж байгааг харуулна.

People Edge – Дэлгэцний баруун дээд буланд дарснаар хамгийн дотны хүмүүстэйгаа цаг алдахгүй холбогдох боломжтой.

Edge Lighting – Өөрийн дотны хүмүүсийн дуудлага бүрийг өнгө ялган харуулна.