Шутенков Игорь Юрьевич: Улаанбаатарын утаа, агаарын бохирдол багасч өөр өнгө төрхтэй болсон байна | News.MN

Шутенков Игорь Юрьевич: Улаанбаатарын утаа, агаарын бохирдол багасч өөр өнгө төрхтэй болсон байна

Хуучирсан мэдээ: 2019.10.22-нд нийтлэгдсэн

Шутенков Игорь Юрьевич: Улаанбаатарын утаа, агаарын бохирдол багасч өөр өнгө төрхтэй болсон байна

Шутенков Игорь Юрьевич: Улаанбаатарын утаа, агаарын бохирдол багасч өөр өнгө төрхтэй болсон байна

Нийслэлийн Засаг дарга бөгөөд Улаанбаатар хотын Захирагч С.Амарсайхан өчигдөр ОХУ-ын Бүгд Найрамдах Буриад улсын Улаан-Үд хотын дарга Шутенков Игорь Юрьевич тэргүүтэй төлөөлөгчдийг хүлээн авч уулзлаа. Уулзалтад Нийслэлийн Хүний хөгжил, нийгмийн бодлого хариуцсан орлогч Ш.Анхмаа, Нийслэлийн Засаг даргын зөвлөх М.Мэнд-Очир, НЗДТГ-ын Гадаад харилцаа, хамтын ажиллагааны хэлтсийн дарга Д.Чинзориг, Улаан-Үд хотын Иргэдийн Төлөөлөгчдийн хурлын дарга Балжинимаев Чимит Валерьевич, Улаан-Үд хотын Гадаад харилцааны хэлтсийн дарга Дашиев Дмитрий Апексеевич нар байлцав.

Нийслэлийн Засаг дарга бөгөөд Улаанбаатар хотын Захирагч С.Амарсайхан “Манай хоёр орон, ард түмэн нь дэлхийд ховор нандин харилцаа, хамтын ажиллагааны түүхтэй. Анх 1996 онд найрамдалт харилцаа тогтоох тухай санамж бичигт гарын үсэг зурсанаас хойш хоёр хотын харилцаа, хамтын ажиллагаа улам өргөжсөөр байгаад сэтгэл хангалуун байдаг. Цаашид хоёр хот аялал жуулчлал, боловсрол, худалдаа, эдийн засгийн хамтын ажиллагааг улам өргөжүүлж, соёлын арга хэмжээ болон жижиг, дунд үйлдвэрлэгчдийн бараа бүтээгдэхүүнийг сурталчилсан үзэсгэлэн худалдааг хамтран зохион байгуулах нь зүйтэй гэж хардаг. Түүнчлэн Зүүн хойд Ази болоод Монгол, Орос, Хятад гурван улсын бүс нутгийн аялал жуулчлалын хамтын ажиллагааг өргөжүүлэхэд Улаанбаатар, Улаан-Үд хотууд чухал үүрэг гүйцэтгэх нь дамжиггүй” хэмээлээ.

Бүгд Найрамдах Буриад улсын Улаан-Үд хотын дарга Шутенков Игорь Юрьевич “Таны ярьсан хамтын ажиллагаагаа өргөжүүлэх санал санаачилгуудыг талархан дэмжиж байна. Цаашид хоёр орны харилцаа, хамтын ажиллагааг хөгжүүлэхэд аль аль талдаа анхаарах ёстой. Ямар чиглэлээр хөрөнгө оруулалт хийх сонирхолтой байгаа дэлгэрэнгүй саналаа “Улаанбаатар олон улсын өдөрлөг” дээр тавих илтгэлдээ тусгасан. Танай хот 380 жилийн түүх уламжиллаа хадгалсан орчин үеийн сайхан хот болон хөгжиж байгааг харлаа. Энэ ойн арга хэмжээний үеэр хоёр хотын удирдлагууд болон бизнесийн төлөөлөгчид харилцан туршлага солилцох боломж олдож байгаад талархалтай байна. Танд нийслэл хотын 380 жилийн ойн баярын мэнд хүргээд өмнөө тавин хийж хэрэгжүүлж байгаа зоригтой шийдвэрүүдэд тань амжилт хүсч байна. Би Улаанбаатар хотод дөрөв дэх удаагаа ирлээ. Өмнө нь ирэхэд утаа, агаарын бохирдлын асуудлыг нэлээд эмзэг хүлээж авч байсан. Энэ удаа ирэхэд харин өөр өнгө төрхтэй болсон байна. Энд авч хэрэгжүүлж байгаа ажилд тань дахин амжилт хүсье” гэсэн юм.

Уулзалтын төгсгөлд Хотын Захирагч С.Амарсайханыг Бүгд Найрамдах Буриад улсад айлчлал хийхийг Улаан-Үд хотын дарга Шутенков Игорь Юрьевич урьсан юм.

Нийслэлийн ЗДТГ-ын Хэвлэл мэдээлэлтэй харилцах хэлтэс

Энэ мэдээнд өгөх таны сэтгэгдэл?
5
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2019-10-22 203.91.115.249

Энэ Амарсайхан дарга хүн сайтай залуу юм. Хорт утаан дунд байсан сая сая хбиднийгээ улаан гараараа угаараас салгаж өгсөн гавъяатай. Ямар ээж хүүгээ ингэж өсгөж хүмүүжүүлдэг байна аа. Үр хойчууд нь сайн сайхан явах болтугай.

Avatar

zochin 2019-10-22 66.181.186.203

olon yum khutsalguy utaany esreg temts , muukhay boloosoi gesen setgelee nuuj chadakhguy manangiin buusnuud yu bicheed bayna

Avatar

Өвөл болоогүй байна 2019-10-22 103.57.94.219

Тийм учраас утаа багассан гэж хэлэх эрт байна. Хүн амьтанд хоргүйгээр утаа багасан гэж найдаж байна

Avatar

Зочин 2019-10-22 49.0.213.33

Худлаа шааах гэж амаа олохгүй хуцах юм, их утаа эхлэх болоогүй налгар сайхан намар болж байна, 11/20-ноос эхлээд зэс нь цухуйна, тэр үед худлаа ярьсан бөөлжсөө эргээд иднэ дээ энэ муу пост улаантан

Avatar

Зочин 2019-10-22 202.126.89.112

Утаа багассанд яагаад уурлаад байнаа. Утаа багссан нь нүдэнд илт байнаа. Тайвшар даа

NewsMN Гар утасны хувилбар Татах
NEWS.mn

Мэдээллийн эх сурвалж