Дэлхийн гар угаах өдөр | News.MN

Дэлхийн гар угаах өдөр

Дэлхийн гар угаах өдөр

НҮБ-ын Ерөнхий Ассамблейгаас жил бүрийн 10-р сарын 15-ны өдрийг “Дэлхийн гар угаах өдөр” хэмээн тунхагласан. НЭМҮТ-ийн ОЭМА-наас 2019 оны Гар угаах Дэлхийн өдрийг тохиолдуулан “Нян устгагчид” хэмээх дохионы хэлний нэмэлт тайлбартай видео шторк болон 5 төрлийн инфографик мэдээллийг олон нийтэд хүргэхээр бэлтгэлээ. Тус албаны ажилтнууд Гар угаах Дэлхийн өдрийн үйл ажиллагааг өргөжүүлэх зорилгоор бэлтгэсэн мэдээлэл сурталчилгааны материалуудаа Өрхийн эрүүл мэндийн төв, сургууль, цэцэрлэг зэрэг байгууллагад түгээн хамтран ажиллав.

Жил бүр уг өдрийг тэмдэглэн өнгөрүүлэх нь дэлхийн сая сая хүмүүсийг гараа савандаж угаахыг уриалсан томоохон компанит ажил болдог бөгөөд гараа савандаж угаах нь нийт хүн ам, ялангуяа бага насны хүүхдийг суулгалт болон амьсгалын замын цочмог халдварт өвчнөөс урьдчилан сэргийлэх энгийн, хүн бүрийн хийж чадах хялбар арга гэдгийг ойлгуулахад чиглэдэг.

Жил бүр дэлхийн 100 гаруй улсын 200 сая хүн энэхүү өдрийг тэмдэглэхэд оролцдог бөгөөд төрийн болон төрийн бус байгууллага, иргэний нийгмийн байгууллагууд, хувийн хэвшил болон хувь хүмүүсийн дэмжлэгтэйгээр үйл ажиллагаа нь явагддаг.

Хүний эрүүл мэндэд нөлөөлөх олон хүчин зүйлүүдээс амьдралын хэв маяг 50-70 хувийг эзэлдэг болохыг ДЭМБ-аас тогтоосон. Эрүүл амьдралын хэв маягийг хэвшүүлж, гараа тогтмол, савандаж угаах дадлыг хэвшүүлэх нь эрүүл мэндээ хамгаалахад хувь хүний зүгээс оруулж буй том хувь нэмэр болох юм.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж