Саарал жагсаалтын цаадах улс төр | News.MN

Саарал жагсаалтын цаадах улс төр

Саарал жагсаалт

Саарал жагсаалтын цаадах улс төр

Саарал жагсаалтын цаадах улс төр

Монгол Улсыг мөнгө угаах, терроризмтэй тэмцэх олон улсын FATF гэх байгууллага Саарал жагсаалтад оруулсан нь сүүлийн өдрүүдийн дуулиан болж байна. Бүгд л Саарал жагсаалт мэддэг болж, өөр өөрсдийнхөөрөө ихэрхэж, элдэв мэдээлэл, мэдэгдэл хийж, буруутныг эрж хайсаар. Гайхалтай нь, Саарал жагсаалтад Монголыг оруулсан буруутан гэж алга. Засгийн газарт, холбогдох сайд нар дунд нь хариуцлагаа хүлээе, бидний буруу гээд Төв банкны удирдлагууд шиг зоригтой хэлчих хүн ч алга. Эцэстээ буруутан нь өмнөх парламентын гишүүд, сайд нар эсвэл хэн ч биш болоод үлдэх бололтой. Эрх баригч намын зүгээс хэн нэгэнд хариуцлага тооцно гэхдээ хэнд гэдгийг хэлэх боломжгүй гэх тайлбартай.

Ингэж буруутныг бусдаас хайж, хариуцлагаас зугатсан өдрүүд цаашид ч өрнөнө.

Гэхдээ энэ бүхний хажуугаар тоохгүй эсвэл анзаарахгүй өнгөрч боломгүй зүйлс эрчээ аван шил даран шуударч эхлэв бололтой. Үнэндээ Монгол Улс өмнө нь Саарал жагсаалтад орж байсан, хар жагсаалтын нь хаалгыг татаж байсан гашуун түүх бий. Тэр бүгдэд засаг барьж байгаа нь шаардлагатай арга хэмжээгээ авч, жагсаалтаас гарч, хаалгыг нь хааж байсан түүхтэй, туршлагатай. Ийм байхад энэ удаад дээрх сэдвийг хэн, ямар зорилгоор өндөр авхуулахаар "баадуудаж" эхлэв. Саарал жагсаалттай Монголын эдийн засаг, улс төрд ямар ямар шалгалт хийх, хаана ямар хууль эрх зүйн өөрчлөлт хийх, ямар арга хэмжээ авах вэ хэмээн ид бужигнаж байх учиртай.

Саарал жагсаалттай зэрэгцэн хуулийн байгууллага “хөдөлж” эхлэв. Саарал жагсаалтад ямар шалтгаанаар орсныг мэргэжлийн хүмүүс нь тайлбарлаж байгаа ч үүний хажуугаар оффшор, Оюутолгой, ЖДҮ гээд хуулийн байгууллага дээр гацаж байгаа улс төрийн зорилго агуулсан зарим хэргийн процесс өрнөж эхлэв.

АТГ-аас гэхэд Ерөнхий сайд асан С.Баяр, Ч.Сайханбилэг, Сангийн сайд асан С.Баярцогт нарын хэргийг прокурорт шилжүүлж, прокурор хянаж байгаа талаарх мэдээлэл хэд хоногийн өмнөөс ил болж эхлэв.

Одоогоос нэг жил зургаан сарын өмнө хоёр ч Ерөнхий сайдаа нэг өдөр цагдан хорих шийдвэрийг хуулийн байгууллага гаргаж, хорьж байв. Түүний өмнөхөн Сангийн сайд асан С.Баярцогтыг хориод байсан юм. Тэдний хэргийг АТГ-аас шалгаж байсан бөгөөд гэнэтхэн нэг өдөр байцаалт авах гэж дуудаад ачсан байдаг. Чухам энэ цагаас  хойш АТГ Ерөнхий сайд, Сангийн сайд асныг оффшор эсвэл Оюутолгойн алинаар нь шалгаж байгаа нь тодорхой бус, хэргийг нь шалгасаар байна гэсэн үгээр л өнөөдрийг хүртэл хэвлэлийхний амыг таглаж байв. Бараг л хоёр жилийн хугацаанд шалгаж байсан энэ хэрэг “гэнэтхэн” прокурорын хяналтад шилжсэн нь саарал жагсаалтад орсон дүйвээнтэй зэрэгцэж байгаа нь хар төрмөөр. Тэр ч бүү хэл ЖДҮХС-ын асуудлаар шалгагдаж байсан Б.Батзориг гишүүний хэрэг ч мөнө прокуророор хянагдаж, шүүх рүү шилжсэн. Энэ мэт удаан шалгагдаж, хүлээгдэж, улс төрийн том сэдэв, сенсац байсан хэргүүд эхнээсээ шүүх рүү шилжиж, шуурхайлж эхэлсэн нь хуулийн байгууллага ажлаа сайн хийж байгаа гэж дүгнэх үндэслэл харагдахгүй байгааг нуух юун. Тэр дундаа эзэн холбогдогч нь хэн байх, тэдний талаар хэн олон нийтийн сүлжээнд болон хэвлэл мэдээллийн хэрэгслээр тодотгон ярьж байгаа нь ч энэ хэргүүдийн зангилаа, гогцоо нь болов уу гэж хар төрмөөр. Түүгээр ч зогсохгүй тэрийг, энийг огцруул, огцруулна гэх идэвхтэн, иргэний нийгмийнхэн ч мэдээлэл хийж, тэмцэл өрнүүлж эхэлсэн нь цаг үеэ  ч нэг олжээ гэмээр. Чухам иймээс л саарал жагсаалтын ард улс төр байна, тэр дундаа нилээд ч том улс төр явчихав уу гэж хардмаар. Энэ бүхнийг ирэх өдрүүдэд өрнөх хуулийн байгууллагын “шуурхай” ажиллагаа харуулах болов уу.

Ш.ЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
8
БурууБуруу
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-10-22 66.181.169.116

ардчилсан намыхан засагт гарахаараа бүр долоон дор шүү дээ

Avatar

ШУДАРГА 2019-10-22 183.81.171.2

ХАХА ЧИ Ч ЁСТОЙ БААС ДОЛООГЧ БАЙНА ДАА ,, ИНГЭЖ БИЧЭЭД ХЭДИЙГ АВДАГ ЮМ ДЭЭ ,,, МАН-БӨӨС ,б**с ДОЛООГЧ ЮМ ДА ЧИ ,,ХЭХЭ

Avatar

зочин 2019-10-22 66.181.169.116

хариуцлага хүлээдэггүй учраас тийм тогтолцоо байдаггүй учраас асуудал ингэж даамжирч байгаа юм даа аливаа юмнаас ашиг харж өлөв дөлөв гэдэг кангаа монголчууд болимоор байна бас атаархуу баярхуу цээж өвчтэй хүмүүс их болоод байх шиг 4 давхар том байшин барьж суух жишээтэй тэр олон өрөөгөөр хэдийдээ орж амждагюм болоо хүний шунал гэж өчнөөн хөрөнгөтэй байж нэмээд л шунаад байна үхэхдээ бүх хөрөнгөө аваад үхэх юм шиг загнах юм мөнх юм шиг сандагаа болих хэрэгтэй өчүүхэн ч атугай гэгээрээсэй

Avatar

Тэнэгт 2019-10-22 64.119.18.167

Марзан !үзэл бодол оюун санаа нь тогворжоогүй ? ялах нялхасын өвчтөнгүүдын ээлжит тоглолт ?

Avatar

Зочин 2019-10-22 202.21.96.212

Саарал жагсаалтад орсон шалтгаан нь ерөөсөө МАН-ын хулгай, луйвартай холбоотой. 2016 оноос хойш ямар их далд эдийн засаг, авилгал хээл хахууль бий болов? Төрийн эрхийг авахдаа 60 тэрбумын хэрэг, хууль тогтоогчид нь ЖДҮ хулгай хийхдээ банк бусаар дамжуулж мөнгө хүүлдэг чинь банкнаас бусад байгууллага дээр асуудал байна гэж ФАТФ дүгнэхээс өөр аргагүй болгосон.

Avatar

Зочин 2019-10-22 119.40.103.6

Өнгөрсөн хугацаанд Шүүхэд шилжсэн авлигын бүх хэрэгт шүүх ямар ч хариуцлага тооцоогүй. МАНАН хүчтэй, түүн дээр төр засаг нь авлигатай тэмцэхийг хүсэхгүй байгаагаас энэ байдал үүссэн. Одоо хэрхэн ажиллахыг харах үлдлээ. Ард түмэн нийлж нэгдэн үзэл бодлоо илэрхийлэхэд бэлэн байгаа шүү.

Avatar

ШУДАРГА 2019-10-22 183.81.171.2

УВС НУТАГААС УХААНТАНГУУД ТӨРЖ УЛСЫН ХЭРГИЙГ ШИЙДЭЖ БАЙХАД БИД СААРАЛ БОЛНО УУ ЮУНЫ ХАМААТАЙ,,,МОНГОЛ ХЭМЭЭХ ИХ ГҮРЭН ХЭНЭЭР УДИРДУУЛСАНААР АА ДОРОЙТОХ СЭХЭХ НЬ ЦАГ ХУГАЦААНЫ Л АСУУДАЛ ,,,, МОНГОЛ ҮНДЭСТЭН ДОТРООС АРАЙ ИЛҮҮ УХААЛАГ ЧАДВАРЛАГ ЭХ ОРНОО ГЭСЭН ЭЛГЭН СЭТГЭЛТЭЙ НЬ ГАРААД ИРЭХ БАЙЛГҮЙ ДЭЭ,,,

Avatar

Зочин 2019-10-22 202.9.45.216

Үе үеийн эрх барьж байсан дарга нар өөрсдийгөө х** ухна болчихсон аятай бодоод яаж ч идэж байсан намайг хэн хэлэхэв нохойг хэн саахав гэж явсаных шүүдээ. Хороон даргаас дээших алба хашиж байсан бүх хүнийг шалгаж ял өгөх нь зөв байх. Цагдаа шүүх прокурорууд ч нотой.

Avatar

Зочин 2019-10-22 103.68.107.22

Одоо энэ Чадваргүй Засгийн газар, чадамжгүй ерөнхий сайданцараа огцруулахгүй юм уу? Заавал 2 дахь Венесуэл болж байж улсаараа дампуурах юм уу тэ !!!!!!!!!!!!!!!!!!!!!

Avatar

Зочин 2019-10-22 103.229.123.133

Ухнын Засгийн газар 2020 оны төсөвт төрийн албаны орон тоог нэмэгдүүлэхээр төлөвлөсөн нь FATF-ын 40 заалтын яг эсрэг чиглэсэн үйлдэл болжээ!!! Ийм байхад хар жагсаалтад оруулсан ч гайхах зүйлгүй!!!

Avatar

Зочин 2019-10-22 59.153.113.156

Саарал жагсаалтад орсоны олон буруу байгаа боловч хамгийн том буруу нь Хүрэлсүх, Нямдорж, Хүрэлбаатар, Баяртсайхан нарт байгааг хүлээн зөвшөөрөх хэрэгтэй. Тэд л ЖДҮчид авлигачидтайгаа тэмцэж чадахгүйгээр барам бүр хамгаалаад эвлэрээд сууж байна шүү дээ.Хүрэлсүх шүдгүй арслан бид нар чинь юу ч хийж чадахгүй байна гээд гонгиноод байхаар нь М.Энхболдыг огцруулж хууль хяналтын байгууллагын бүх удирдлагыг сольж өөрсдийнхөө хүнийг тавьлаа гэвч юу ч хийхгүй гэдэг нь тодорхой болжээ. Хүрэлсүх ОГЦОР.

Avatar

Зочин 2019-10-22 118.200.126.100

JDU-chin gishuudiin asuudliig nen yaaraltai shiideh heregtei Erunhii saidaa. Ene tanii hiih hamgiin chuhal ajil.

NewsMN Гар утасны хувилбар Татах
NEWS.mn

Мэдээллийн эх сурвалж