Сайд нарт иргэд угаартах хамаагүй юу? | News.MN

Сайд нарт иргэд угаартах хамаагүй юу?

Сайд нарт иргэд угаартах хамаагүй юу?

Сайд нарт иргэд угаартах хамаагүй юу?

УИХ дахь Ардчилсан намын зөвлөл өнөөдөр /2019.10.21/ өргөтгөсөн хуралдаан зохион байгуулж, шахмал түлш тойрсон асуудлаар албаны хүмүүсээс мэдээлэл сонссон юм. Уг арга хэмжээнд Засгийн газрын сайд нар оролцоогүйд УИХ-ын гишүүн Я.Санжмятав бухимдлаа илэрхийлэв. Арга ч үгүй юм, албаны мэдээллээр аравдугаар сарын 4-21-ний өдрийг хүртэлх хугацаанд Улаанбаатар хотын хэмжээнд “Тавантолгой түлш” компанийн сайжруулсан түлшинд хордсон гэх 206 дуудлага ирж,  549 хүн хордож,  8 иргэн амиа алдаад байгаа юм. Гэвч  эрх барьж буй намынхан энэ асуудлыг өмнөх долоо хоногт УИХ-ын чуулганы нэгдсэн хуралдаанаар хэлэлцсэн гэж үзэн санаа амарсан уу, эсвэл өдөр бүр энэ тухай мэдээллийг сонссоор чих нь дөжирсөн үү,  өргөтгөсөн хэлэлцүүлэгт оролцсонгүй.

УИХ-ын гишүүн Я.Санжмятав “Сайд нар нь яагаад ирэхгүй байна. Байгаль орчин, Хууль зүй, Эрчим хүчний сайд нарт хамааралгүй асуудал юм уу. Дэндүү хариуцлагагүй хандаж байна. Хэний Засгийн газар хийж байгаа нь чухал биш. Хэн ч байсан хийх ёстой. Гэхдээ нэг нь зөв юм хийж байхад Ардчилсан нам эсэргүүцээд л, ард түмэнтэйгээ нийлээд улстөржүүлээд байна гэсэн энэ гажуудалтай зар сурталчилгаагаа болиоч та нар. Яасан их мөнгөтэй юм бэ?. Тэрнийхээ оронд зөв сурталчилгаа хий. Хотын дарга айлд очсон, гал түлээд сууж байна билээ. Хэдэн айлд очиж гал түлэв. Нэг айлд баахан телевизийхэнтэй очоод гал түлсэн бол буруу тийшээ харсан Засаг дарга байна. Тэр мэт айлуудад түлээд яваад байгаа юм уу?. Хамгийн ноцтой зүйл бол энэ Засгийн газар, хотын удирдлага буруугаа хүлээсэн сурталчилгаа хийгээгүй. Энэнийхээ төлөө уучлалт гуй л гээд байгаа юм. Найман хүний амь нас эрсэдсэн байхад үүнээс илүү эмгэнэл гэж юу байх вэ? Д.Ядамдоржоо чи ардын хүүхэд, найман хүн алтан амиа алдчихаад байхад ямар хариуцлагагүй үг хэлж байна. Дуудлагаас бусад тохиолдол нь өөрсдөө хордсон, өөрсдөө очиж эмчлүүлсэн гэх юм. Бас түлшнээс гадна бензин шатахуунд хордсон гэх юм. Тэр зуух дэлбэрсэн айлд бензин байсан юм уу, амь насаа алдсан гэр бүл бензинд хордсон юм уу?. Гэтэл энэ Засгийн газрын хүүхэд шиг л ярих юм. Найман хүн тодорхой бус шалтгаанаар амиа алдсан гэх юм, Ж.Батбаясгалан. Цагдаагийн газраас чинь 4 нь тодорхой болсон гэж байна. Ийм хариуцлагагүй байж болохгүй. Айл өрх рүү оруулж байгаа хор уршигаа  сайн шалгаач. Нийт айл өрхийн 65 хувь нь энэ түлшийг хэрэглэх зуух байхгүй байна гэх юм. Тэр 65 хувьд багтах айл өрхөө хордож үх гэж байгаа юм уу?. Маш буруу ноцтой мэдэгдэл хийгээд сууж байна” гэж зэмлэлээ.

 

Г.ОЮУ

 

 

"Болор дуран"-аар шалгав.
Энэ мэдээнд өгөх таны сэтгэгдэл?
10
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-21 124.158.95.187

Орон сууцанд амьдардаг иргэд гадаа утаа үнэрлэхгүй байгаадаа сэтгэл хангалуун бичээд байна. Тулган хүлээлгэсэн түлшийг нь түлээд амь насаараа хохироод байгаа хүмүүс яах ёстой вэ. Тэр нэг галлагаа буруу, зуух яндан болохгүй байна гэдэг бусдад бурууг тохсон дүгнэлт чинь цаашаа ахиад олон хүний амь насанд заналхийлээд байна. Анхаараач!!!! Авраач!!!

Avatar

Зочин 2019-10-21 124.158.95.187

Иргэд төрд анх удаагаа ачаагаа үүрүүлж сайжруулсан түлш гэгчийг хэрэглэж байна. Харин төр маань яаж үүрэв дээ. Орон сууцанд амьдардаг нөхдүүд утаа багассанд л баярлаад байх юм. Үүнээс болоод амиа алдаад байгаа хүмүүсийг өрөвдөөч ээ

Avatar

иргэн 2019-10-21 192.82.66.152

Агаарын бохирдол буурч байгааг хэнч үгүйсгээгүй.Баталгаатай түлшээр ханга.Энэ түлшнийхээ болохгүй байгаа зүйлийг соль сайжруул гэж ард иргэд хүсээд байгаа.Хэнч үхнэ гэж бодохгүй шүү.Хүн хордоод үхээд байгаа чинь ямар нэгэн зүйл байгаа болоод хордоод байна..Түүхий нүүрс түлж байхад хэзээч ингэж олон хүмүүс угаартаж байгаагүй.Харин өөрсдийнх нь буруугаас л болж нөгөө хэлээд байгаа 10 гаруй хүн чинь угаартсан.Үүнтэй харьцуулаад ярьж байгаа эрхэмүүд ич ухаар хариуцлагатай бай.

Avatar

Зочин 2019-10-21 202.179.26.147

Улаанбаатарынхан бид цэвэр агаартай орчин амьдрах эрхтэй. Улс төр хийхээ боль. Иргэдээ сайжруулсан зуухтай болох ёстой. Даөндаа төрт ачаагаа үүрүүлэх боль. Сайжруулсан зуухаа ав.

Avatar

1115 2019-10-21 103.26.195.147

би уг нь ардчилсан намыг дэмжигч.гэхдээ Хүрэлсүх эдний хийж чадаагүйг хийлээ.улаанбаатарын утаа багаслаа.энэ бол бодит үр дүн.

Avatar

ЧД 12-р хорооны айл 2019-10-21 49.0.213.33

Юун сайд нар ч гайгүй, Жидүүчин Хүүкийнхээ нам засгийг ухаангүй дэмждэг хуучинсаг үхэр монголын хар массуудад хүртэл иргэд гэртээ угаартах нь хамаагүй болчоод байна

Avatar

Зочин 2019-10-21 202.131.245.243

Утаагүй болчихсон чинь AHyc намын гамингууд боож үхэх нь ээ?

Avatar

Зочин 2019-10-21 202.179.27.232

ЧИ ГАРААД ГЭР ХОРООЛОЛ ХАВИАР ЯВААЧ. УТАА БӨЙЖ Л БАЙНА ШД. БАЙНА ГЭДГИЙГ ҮНЭРТЭЖ БАЙНА ГЭДГИЙГ УЛААНБАЛ ХЭЛЭЛЦҮҮЛЭГТ ОРСОН МАН-ЫН УТААТАЙ ТЭМЦЭГЧИД БОЛОХ АГААРЫН БОХИРДЛЫН ГАНТУЛГА НМХГ-ЫН ДАВААСҮРЭН ТҮЛШ ХИЙСЭН ИНЖЕНЕР БАТБИЛИГ БИЛҮҮ БҮГД Л НЭГЭН ДУУГААР ХҮЛЭЭН ЗӨВШӨӨРСӨН. УДАХГҮЙ УЛАМ ХҮЙТРЭЭД ГАЛЛАГААГАА НЭМЭХЭЭР ХОТЫН ТӨВ Ч ГЭСЭН УТАА НЬ ИХСЭНЭ. 50% БУУРУУЛАХ ГЭЖ Л ЗҮТГЭЭД БАЙГАА ЮМ. ТҮҮНЭЭС БИШ НӨГӨӨ ПМ2.5 ПМ10 ТОДОРХОЙ ХЭМЖЭЭНД БАЙЖ Л БАЙГАА. УУЛ НЬ ИХ Ч БАЙСАН ҮМХИЙ БАГА Ч ҮМХИЙ Л ГЭДЭГ.

Avatar

Зочин 2019-10-21 103.57.92.108

Баахан хүн угаартуулчихаад өмнө зүгт байгуулсан замыг будаа болгосон энэ шийдвэрийг хэн хариуцах вэ?
Юм юмны эхэнд явдаг ерөнхий сайд яагаад хөшигний ард нуугдаад байна.

Avatar

Зочин 2019-10-21 210.145.10.251

Malnuud hedhen say hyntei baij arai denduu archaagyi ymaa

NewsMN Гар утасны хувилбар Татах
NEWS.mn

Мэдээллийн эх сурвалж