ОХУ-ын Хөдөлмөр, нийгмийн хамгааллын дэд сайд Алексей Вовченкогийн хэлснээр, төрийн албан хаагчдын дийлэнхийг буюу 72 хувийг эмэгтэйчүүд эзэлж байна. Гэхдээ албан тушаалын зэрэг дэв буурах тусам эмэгтэйчүүдийн тоо ихэсч байгааг дэд сайд онцоллоо.

“Оросын төрийн албан хаагчдын хүйсийн тэнцвэрт байдал алдагдсан. Нийт албан хаагчдын 72 хувь эмэгтэйчүүд байна. Ингэхдээ шийдвэр гаргах, бодлого боловсруулах шатанд төлөөлөл буурч байгаад анхаарал хандуулах хэрэгтэй” хэмээн дэд сайд хэллээ.

Төрийн албаны удирдах албан тушаалтны 40 хувь эмэгтэй байгаа ажээ.

Эх сурвалж: РИА НОВОСТИ