НҮБ-ын Ерөнхий ассамблейн I хороог АНУ-ын Нью-Йорк хотоос нүүлгэх албан ёсны саналыг ОХУ тавьжээ. “Tass” агентлагт мэдээлснээр АНУ нь Оросын төлөөлөгчдөд виз олгохдоо хойрго ханддаг гэх шалтгаанаар Ерөнхий ассамблейн I хороог Австрийн Вена хот руу эсвэл Швейцарийн Женева хот руу нүүлгэх саналыг гаргажээ. Саналын төслийг албан ёсоор НҮБ-д өргөн барьжээ.

АНУ нь Оросын төлөөлөгчдийн гуравны нэгд нь хугацаанд нь виз олгоогүйгээс НҮБ-ын чухал хуралд оролцож чаддаггүй аж. Ерөнхий ассамблейн I хорооны үйл ажиллагаа аравдугаар сараас эхэлж, тухайн сардаа бараг өдөр бүр шахуу хурал зохион байгуулдаг байна.

Эх сурвалж: Tass