Саудын Арабад өнгөрсөн Лхагва гариг (2019.10.16)-т зорчигчдын автобус хүнд даацын автомашинтай мөргөлдсөн зам тээврийн осол гарч, 36 мөргөлч амиа алджээ. Энэ талаар тус улсын Эрүүл мэндийн яамнаас мэдээлсэн байна. Цагдаагийн байгууллага энэхүү ослын улмаас 35 хүн амиа алдсаныг нотолжээ.

"Эр-Рияд" сонинд бичсэнээр, осол Мекка-Медина хоорондын хурдны зам дээр гарсан байна. Автобусаар Ази болон Ойрхи Дорнодын нийт 40 иргэн зорчиж явсан бөгөөд бэртсэн дөрвөн хүнийг эмнэлэгт хүргэсэн байна.

Б.ЖАРГАЛ
Эх сурвалж: TASS