Онгоцноос унасан механикчийн биеийн байдал хүнд байна | News.MN

Онгоцноос унасан механикчийн биеийн байдал хүнд байна

Онгоцноос унасан механикчийн биеийн байдал хүнд байна

Онгоцноос унасан механикчийн биеийн байдал хүнд байна

“Хүннү Эйр” ХХК-ийн ажилтан энэ сарын 13-наас 14-нд шилжих шөнийн ээлжинд ажиллаж байхдаа өндрөөс буюу онгоцны далавчнаас унасан осол гарчээ. Тодруулбал, тус компанийн онгоцыг хучиж байсан механикч 23 настай О.Мэргэншагай онгоцны далавчнаас унаж тархиндаа хүнд гэмтэл авсан байна.

Ослын улмаас хохирогч ухаангүй байдалтай ГССҮТ-д хүргэгдэн, улмаар тархиндаа хагалгаа хийлгэсэн талаар ар гэрийнхэн нь мэдээлсэн юм. Одоогийн байдлаар О.Мэргэншагайгийн биеийн байдал хүнд байгаа бөгөөд Сэхээн амьдруулах тасагт эмчлүүлж байна. Бид мэдээллийг тэнцвэртэй хүргэх үүднээс хоёр талын эх сурвалжийн байр суурийг хүргэе.


КОМПАНИЙН ЗҮГЭЭС БОЛОЛЦООТОЙ БҮХИЙ Л ЗҮЙЛЭЭР ТУСАЛНА

Тус компанийн Нислэгийн аюулгүй байдал хариуцсан захирал Д.Батпүрэвээс тодрууллаа. 

-Тухайн өдөр болсон ослын талаар мэдээлэл өгөхгүй юу?

-2019 оны аравдугаар сарын 14-ны оройн 23.00 цагийн орчимд дээрх осол болсон. Онгоц нислэгээс буух үед нислэгийн дараах буюу зогсолт хангах үйлчилгээ хийдэг. Өвлийн нөхцөлд маргаашийн нислэгийнхээ аюулгүй байдлыг хангах үүднээс онгоцыг бүтээж хучдаг. Тухайн өдөр энэ ажлыг хийж байсан механикч О.Мэргэншагай бүтээлгээ хучиж дуусчхаад онгоцны сүүл хэсгээс буухдаа халтирч унаад гэмтсэн.

Бид мэдээллийг тэр дор нь нислэг хяналт үйлчилгээ зохицуулах төвд мэдэгдэж түргэн тусламж дуудсан. Хамт ажиллаж байсан залуусын хэлснээр О.Мэргэншагайг унасны дараа гар хөлөө хугалаад гэмтсэн байж магадгүй гээд дараа өдрийн нислэгт хэрэглэхээр бэлдсэн байсан эмнэлэгийн дамнуургыг ашиглаж нисэх буудлын жижүүрийн эмч рүү зөөсөн байгаа юм. Ингээд жижүүрийн эмч үзлэг хийгээд ямар нэгэн гаднын гэмтэл байхгүй учраас түргэн тусламжийн эмчид яаралтай үзүүл гэсэн. Дараа нь Гэмтэл согог судлалын үндэсний төвд эмрай зураг авч О.Мэргэншагайг тархиндаа хүнд гэмтсэнийг илрүүлсэн.

Манай залуусын ярьж байгаачлан О.Мэргэншагайг нисэх буудлын эмчид үзүүлж байхад нь тухайн өдөр ажил үүргээ гүйцэтгэж байсан цагдаагийн ажилтан хамт байсан гэсэн. Болсон явдлын талаар өгүүлэхэд ийм байна.

-Цагдаагийн байгууллагад ар гэрийнхэн нь гомдол гаргасан гэв үү?

-Бид нар ослын дараа журмынхаа дагуу Мэргэжлийн хяналтын газар мэдээлэл өгсөн. Гэмтсэн залуугийн ар гэрээс цагдаагийн байгууллагад гомдол гаргасан. Энэ хэрэгт цагдаагийн байгууллагаас шалгалтын ажиллагаа явуулж байгаа. Бид үүний дагуу шаардсан мэдээлэл, материал болгоныг  гаргаж өгч байна.

-Осолд орсон залуугийн ар гэрийнхэнтэй нь уулзсан уу?

-Эмнэлэгт очсон эхний мөчөөс бид ар гэрийнхэнтэй хамт байж хагалгааны өмнөх болон дараах ар гэр эмчийн хамтарсан уулзалтанд байлцаж үзлэг эмчилгээнд шаардлагатай бүхий л талаар туслаж дэмжиж байна. Бидний зүгээс маш их харамсаж байна. Иймээс осолд өртсөн залууг яаж эрүүл болгох талаас нь бололцоотой бүхий л арга хэмжээг авч байна.

-Ар гэрийнхний зүгээс танай компанийг мэдээллийг нуун дарагдуулж байсан гэх мэдээллийг өгч байгаа. Энэ хэр бодитой мэдээлэл вэ?

-Яагаад тэгж байгааг үнэхээр мэдэхгүй байна. Ямар ч нуун дарагдуулах шаардлага байхгүй. Яагаад гэвэл тэр хүүхдийн амь насыг аврахын тулд аль болох хурдан шуурхай бүхий л үе шатыг дамжсан арга хэмжээ авч ажилласан. Өчигдөр ах нь ирээд яагаад тээвэрлэсэн барьсан гэж ярьж байсан. Гэтэл тэр хүүхдийг тархины гэмтэл авсныг нарийн зураг авалтаар л оногшилж илрүүлсэн шүү дээ. Аль болох эмнэлгийн байгууллагад хүлээлгэн өгч яаралтай арга хэмжээг авсан. Цагдаагийн байгууллагаас шалгаж байгаа асуудлыг компанийн зүгээс олон нийтэд цацах үүрэггүй шүү дээ.

-Хөдөлмөрийн аюулгүй байдал хангаагүйн улмаас осол гарсан байж болзошгүй гэж хэвлэлээр мэдээлж байна. Үүнд тайлбар өгөхгүй юу?

-“Хүннү Эйр” компани иргэний нисэхийн багц дүрэм, Монгол Улсын хууль тогтоомжийн дагуу үйл ажиллагаа явуулдаг. Үүний дагуу бүх хууль дүрэм, журмыг биелүүлж ажилладаг. Жил бүр холбогдох байгууллагуудаас шалгалт ирээд гэрчилгээ, тусгай зөвшөөрөл сунгах эсэх зэрэг бүхий л асуудлыг шалгадаг. Ингээд бүх асуудал ном журмынхаа дагуу байдаг. Хөдөлмөр хамгааллын хувцас хэрэглэл заавар, зааварчилгаа журмынхаа дагуу байдаг. Журмынхаа дагуу гэхээр бөөрөнхийлсөн мэтээр ойлгож болохгүй. Түүн дээр бичигдсэн хөдөлмөрийн хууль, эрүүл мэндийн тухай хуулийн заалтуудыг бид заавартаа тусгаад агаарын тээврийн үйлчилгээ явуулдаг.

-Хохирсон иргэний ар гэрт компанийн зүгээс ямар туслалцаа үзүүлэх вэ?

-Компанийн зүгээс бололцоотой бүхий л зүйлээр тусална. Эд материалын болоод сэтгэл санааны гэх мэт.  Бид Энэтхэгийн эмнэлэг рүү тархины зураг бичлэгийг нь явуулсан. Хариуг нь хүлээж байна. Бидний зүгээс гэмтсэн залуугийн эрүүл мэндийг юун түрүү анхааръя гэж өчигдөр өглөө ахтай нь ярилцсан. Эмнэлэг дээрх анхны эмчийн уулзалтанд эгчийг нь хүлээж байгаад би хамт эмчтэй нь уулзсан. Тэгээд цаашид яах вэ хагалгааны дараа ийм байна. Тав хоногийн эм тариа аваад өг гэхээр нь бид авч өгсөн. Тухайн үед эмчилгээний зардлыг бүгдийг нь манайх даана гэдгээ хэлсэн. Ар гэрийнхэн нь Хөвсгөлд байдаг учраас бид нар онгоц явуулаад авчиръя гэсэн боловч хэрэггүй гэсэн. Одоогоор манай ажилтнууд ГССҮТ-д ээлжээр жижүүрлэн хонож ямар тусламж дэмжлэг үзүүлэх талаар бүхий л бололцоогоор хангаж байна.

-Бүтээлгээр хучихад нийт хэчнээн хүн ажилладаг юм бэ?

Онгоцныхоо хэмжээнээс хамаарч гурваас дөрвөн хүн ажилладаг.

-Гэмтсэн залуугийн биеийн байдал ямархуу байгаа юм бол?

-Гэмтсэн залуугийн тухайд манай компанид жил гаруй ажиллаж байгаа үндсэн  ажилтан юм. Уг нь онгоцны далавчнаас буухдаа зөөлхөн буух байтал хүчтэй үсэрч бууснаас болоод доошоо халтирч унасан ийм л золгүй байдлаар осол  гарлаа. Эмнэлэгийн зүгээс шаардлагатай бүхий л арга хэмжээг авч ажиллаж байна даа.

-Ярилцсанд баярлалаа.

 “МИНИЙ ДҮҮ РҮҮ БУРУУГ ЧИХЭХ ГЭЖ БАЙНА”

Бид ослын талаар хохирогчийн ах Д.Совдоос тодрууллаа.

Д.Совд “Хүн ухаангүй болчихлоо, хажууд нь байсан хоёр хүн ямар арга хэмжээ авах вэ гэдгээр бүх хүмүүс нь зааварчилгаа авсан байгаа. Хүн ухаангүй байхад яах ёстой вэ 103 дуудах ёстой. Энийг хэн ч мэднэ. Гэтэл яагаад миний дүүд 103 дуудаж өгөөгүй юм бэ. Яагаад чирээд автобусанд чихээд нисэхийн эмч рүү зөөж байгаа юм. Энэ бүх мэдээллийг дээрээс нь нууж байна. Тийм чиглэлийг хэн өгсөн юм бэ. Осол гарахад нөхдүүд ямар арга хэмжээ авсныг хар ухаанаар хардаж байна. Миний дүүг ачиж авч яваад нисэхийн эмчид аваачиж өгсөн.

Одоогийн байдлаар дүүгийн биеийн байдал хүндхэн, ухаан ороогүй байна. Анхны онош нь гавлын ясны цууралт хугарал, баруунаас зүүн хүртэл тархины суурь яс руу орсон цууралттай. Тархины заадал дагасан гол судаснаас цус алдаж, баруун зүүн хоёр тал руу цус хуралдсан, харвалттай. Хамгийн гол нь талбай дээрх зурвасын хяналтын камерын бичлэгийг харуулсан. Бүх явдал автобус дотор болсон байна. Эмч очихоос өмнө хоёр ажилтан автобус руу дур мэдэн зөөгөөд нисэх буудлын гадна аваачиж эмч, цагдаа хоёр хамт байсан байна. Ингээд зөрүүтэй мэдээлэл өгч байна.

Компанийн захиралд би маш их гомдолтой байна. Хүнээ бодоод тохиролцъё гэсэн. Би болохоор тийм юм байхгүй гэж хэлсэн. Хамгийн түрүүнд миний дүүг босгоод өг гэж хэлмээр байна.

Миний дүү үнэхээр касктай явсан юм уу. Хөдөлмөрийн аюулгүй байдал хангагдсан байсан уу гэдгийг ил болгомоор байна. Хоёрдугаарт, нислэгийн аюулгүй байдал гэдэг юм байна уу. Энэ хэргийг хөдөлмөрийн осол болгоод өөрийнхөн буруу болгоод хаах гэж байна. Дээд түвшинд хуйвалдаад дарах гэж байна. Эмч нар хэлэхдээ тархины гэмтэл авсан хүнийг хөдөлгөөд зөөчихсөн байна гээд байна шүү дээ” гэсэн юм.

Дашрамд дурдахад, дээрх хэргийг прокурорын хяналт дор шалгаж байгаа бөгөөд энэ сарын 15-ны өдөр цагдаагийн байгууллагаас хэрэг бүртгэлтийн хэрэг нээжээ.

Э.АРИУН

"Болор дуран"-аар шалгав.
Энэ мэдээнд өгөх таны сэтгэгдэл?
17
ХарамсалтайХарамсалтай
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

37 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-17 202.55.191.205

ХАМГИЙН ГОЛ НЬ ХҮНЭЭ ЭРҮҮЛ БОЛГОХ ШҮҮ ДЭЭ ЭНЭ АХ НЬ ЖААХАН ТИЙМ ҮҮ.ГЭМТСЭН ХҮНИЙГ БУШУУ Л ЭМЧИД ҮЗҮҮЛЭХ ЁСТОЙ БИЗ ДЭЭ.ЯАРАЛТАЙ ЭМЧИД ҮЗҮҮЛСЭН ХАМТ АЖИЛЛАГСАДЫН БУРУУ ЮУ

Avatar

Зочин 2019-10-17 66.96.212.46

Нисэх Буудлын эмчид хүргэж өгөөгүй бол хүйтэн шалан дээр хэвтүүлсэн. Анхны тусламж үзүүлээгүй л гэх байх даа. Анхаарал болгоомж илүүдэхгүй шүү. Олон жил анхаарал болгоомж, бүтээмжтэй ажилласан хүмүүсээс жишээ авч байгаарай залуус аа.

Avatar

Зочин 2019-10-17 202.179.24.208

Энэ ах нь арай л шуналтай юу? Каск өмсье гэхэд нь компанийх нь дарга хориглосон юм уу?? Онгоцны дээр каскгүй гардаг энэ хүн шувуу юу? ХАБ гэдэг зүйлийг хувь хүн өөрөө сахих хэрэгтэй. Захирал очоод хөл рүү өшиглөсөн үү? Дүүгийнх нь амь нас хутганы ирэн дээр байгаа юм бол их мөнгө салгахын төлөө ингэж поопорч арай болохгүй ээ. Бас цаашдаа компаний зүгээс ХАБ сахиагүй ажилтныг цалингаар нь торгодог болох хэрэгтэй. Тэхгүй бол иймэрхүү гайнууд олон гарна дөө

Avatar

Сэтгүүлч Ариун 2019-10-17 108.170.182.183

Бөөн алдаа! Сэтгүүлч та ч харалган юм. Болор Дуран нь ч сохор юм. Эмрай дуран гэнэ үү?

Avatar

Зочин 2019-10-17 208.54.80.171

Yadaj ongots huchij chadahgui ulbiisen unhiagui garuudiig ajild avsanaas boljdee

Avatar

Хүннү 2019-10-17 202.179.27.93

Хувь хүний санамсар болгоомжгүйгээс болж элдэв осол гараад байна. Энэ маш харамсалтай байна шүү. Тэр хоёр хүн найздаа тус болох гээд л зөөвөрлсөн байна.Тархиндаа гэмтэл авсныг мэдээчгүй, мэдэхч сөхөө байгаагүй байх түргэн тусламж очсонч зөөвөрлөж л таарна. Сүүлийн үед нийгэмд буруу сөрөг мэдээлэл өгдөг боллоо. Сүүлийн үед хувь хүнд буруу байхгүй төр л буруутай, дарга л буруутай болж байна. Уул нь 1-рт хувь хүн өөрөө, 2-рт байгуулга, 3-рт төр хариуцлагатай байвал ийм осол гарахгүй.

Avatar

Зочин 2019-10-17 103.212.116.18

Safety First

Avatar

Зочин 2019-10-17 103.212.116.18

Хүннү эйр ХАБ даа анхаарал хандуулж төсөв хөрөнгө гаргахгүй бол ингэж ажиллаад хол явахгүй шүү, хуулиараа бол 1,5 м-с дээш бол өндөрт ажиллах дүрэм буюу зориулалтын шат хөдөлгөөнт тавцан ашиглах мөн өндөрийн бүс зүүх, хатуу малгай \каск\ заавал өмсөх гэх мэт маш олон дутагдал байна даа. Хүннү эйр Оюу толгойгоос орлогынхоо ихэнхи хувийг бүрдүүлдэг тогтмол нислэгтэй бодвол ОТ-н Safety improvement- г хангасан гэж үзсэн учраас л гэрээт нислэг үйлддэг байлгүй дээ

Avatar

Зочин 2019-10-17 117.111.14.87

Huue ene chin bas Elbegdorj bolon AH-aas bolson ym bishuu !? Saihan uls torjuuleed Elbegee AH 2 oos bolloo geed 100 uulaa bichtsen baihad omhii mulguu Mongolchuud shuud itgeneshdee !

Avatar

Зочин 2019-10-17 103.229.122.229

Байгууллага болгонд осол аваар гарахад дагаж хэрэгжүүлэх алхмуудыг дүрэм журмаараа баталж ажилтан бүрд өдөр тутам ажил эхлэхийн өмнө танилцуулж гарын үсэг зуруулдаг байх ёстой. Хөдөлмөр хамгааллын хувцаснаас эхлээд шаардлагатөй газруудад эрүүл мэндийн үзлэгт оруулснаар эхэлдэг байх ёстой. Тeхникмйн ажилд заавал харгалзагч ахлагч байх ёстой. Энэ залуугийн хэрэг дээр ахлагч нь тэнд байсан уу үгүй юу гэдэг чухал . Ослын дүрэм журмынхаа дагуу ажилласан эсэх бас чухал

Avatar

Mongol 2019-10-17 66.181.161.42

Mergen duug medeh hunii huwid HAB aa zorchih torliiin Huuhd bish..Sowd ah n bol duugeeeree bizness hiih Hun bish..hairtai duu ni uhel amidraliin zaagan deer bhd ingej tewdej sandrah enuuhend…tsaad company n tohiroltsoe gedg chne yamar gazar we gdg oilgomjtoi bn. Tsagdaad ch mdgdeegui bn..tuhain ued bolson buh hyanaltiin bichlegee yaagd nuugaad bgam…

Avatar

гэрэл 2019-10-17 66.181.164.222

ЗАА КОМПАНИ Ч ЯАЛТАЙ Ч БИЛЭЭ. УГААСАА Л ХАЛЬТАРЧ УНААД Л ГАЙ Л ТААРЧ ДЭЭ.

Avatar

Зочин 2019-10-17 202.131.225.197

Хөдөлмөрийн аюулгүй байдлаа хангаж ажиллах тал дээр манайхан нэг барууны команиудаас сурах юм их байна. Үйлдвэрлэлийн осол болно ХАБ-ын ажилтнаа буруутгаад явуулчихдаг үнэндээ компани ямар ч хариуцлага хүлээдэггүй, өмнө гарсан ослуудаас суралцаж холбогдох арга хэмжээг авдаггүй, төлөвлөдөггүй, ХАБ-ын зардлыг зайлшгүй хийх ёсой хөрөнгө оруулалт гэж тооцож эхэлтэл энэ мэт олон ослууд ар араасаа гарсаар л байх байхдаа.

Avatar

Зочин 2019-10-17 167.160.113.96

МАК нямтайшир ажилчны амь нас авч хэлэлцэхгуй

Avatar

Зочин 2019-10-17 45.41.180.14

Novshiin Nomtoibayriin company khodolmoriin ayulgui baidal gej medekhgui l dee

Avatar

Иргэн. 2019-10-17 202.5.198.22

Үйлдвэрийн осол байна. Хамт ажиллаж байсан хүмүүс яаралтай л арга хэмжээ авсан байна. Хамт ажиллагсад болон компанийг буруутгах нь буруу байхаа. Хөдөлгөхгүй эмчийг хүлээхээс илүү сандраад эмч рүү яарсан байхаа. Залуу бие нь сайжраад ирэхээр ар гэрийнх нь гомдол багасах байлгүй дээ. Манайхан ер нь их хүлээцгүй болжээ. Юм л бол сенсаацлаад хэн нэг рүү дайрах гээд л. Хүн өөрийгөө бодож эрүүл мэнд амь насаа хамгаалахгүй бол өөрөө л хохирч үлдэнэ. Мөнгө яахав дээ орж гарч л байдаг. Хурдан эдгээрэй.

Avatar

Монгол 2019-10-17 103.14.37.4

Хөдөлмөрийн аюулгүй байдлаа сахиж чадаагүй дүүгийнх нь л буруу байна шүү дээ. Харин ч компанийн зүгээс зөв л арга хэмжээ авч. Тэнд нь хэвтүүлж байгаад 103 дуудаад тэгээд хугацаа алдаад харамсалтай юм болсон бол маш хурдан авч яваад эмчид үзүүлэхгүй яасан юм вэ? гээд л хэрүүл хийх нөхөр байна даа тэр Совд гэл үү нөхөр…

Avatar

MN 2019-10-17 202.131.243.186

БУРУУТАЙ ЭТГЭЭД НЬ ХАРИУЦЛАГАА ҮҮРЭХ Л ЁСТОЙ. ҮЙЛДВЭРЛЭЛИЙН ОСЛЫГ СУДЛАН БҮРТГЭХ КОМИСС Л ОСОЛ ГАРСАН ШАЛТГААНЫГ ТОГТООХ ҮҮРЭГТЭЙ. НААНА НЬ ИЛҮҮ ЮМ ЯРЬЖ МЭРГЭЖЛИЙН ДҮГНЭЛТ ГАРГАХАД СААД БОЛЖ БАЙГАА ЭНЭ МЭТИЙН НӨХДҮҮД ИХ Л БАЙХ ШИГ. ХАМГИЙН ОЙР БАЙГАА ЭМЧДЭЭ ХАНДААД ДАРААГИЙН АРГА ХЭМЖЭЭГ ЗӨВ Л АВСАН БАЙНА.

Avatar

Зочин 2019-10-17 66.181.182.61

Үйлдвэрлэлийн осол болсон нь харамсалтай, байна, залуу хүн анхаарал болгоомжгүйгээс эрүүл мэндээрээ хохирч дээ. Харин Энэ нэг ах гээд өвчтэй юм. Дугуй дугуйгаа олно гэгчээр зариг.мн дээр мэдрэлтээд байсан. Хаа газар шантаажилж ашиг олох зорилготой хүмүүс байх юмаа.

Avatar

Зочин 2019-10-17 202.126.89.94

ХАБ алдагдаж дээ

Avatar

ХАРАМСАЛТАЙ 2019-10-17 202.21.100.210

ДҮҮГЭЭ НИСЭХЭД АЖИЛД ОРУУЛСАН ИХ АРЫН ХААЛГАТАЙ ЭНЭ НӨХРИЙГ ӨӨРИЙГ НЬ ДАВХАР ШАЛГАХАД ГЭМГҮЙ Л БАЙХ. НЭГ ИХ Л ЗАВТАЙ ХЭЛ АМ ТАТАЛСАН ДАРГА БАЙРЫН, ӨӨРӨӨ Ч ДАРГА НАРЫНХАА НО-Г МЭДДЭГ ШИНЖТЭЙ ҮГ ЯРЬСАН БАЙХ ЮМ. ЭСВЭЛ НИСЭХЭЭС ЖИЙГДСЭН НАМ ДАГАСАН ПАЛЬДАГА БАЙХ

Avatar

Зочин 2019-10-17 122.201.23.201

тэнэгтээ байгаачээ өөрөө дүүгийхээ төлөөл тэмцэж байга хүн байна мал минь

Avatar

иргэн 2019-10-17 202.131.227.82

яаралтай арга хэмжээ авсан нь буруудаж дээ. Талбай дээр нь хэвтүүлээд байх байсан юм болов уу.

Avatar

novshiin ork 2019-10-17 122.201.31.151

tegsen bol arga hemjee avalgui udaasan gej hel am tatlana daa. yamar ch huvilbaraar hel am hiij, shantaajilj heden tsaas olchih gesen zolbinguudiin neg baina.

Avatar

zochin 2019-10-17 202.179.26.216

ajliin bairandech auulguin ajillagaa gej Mongold bnuu ???, ajil uurgee guichetgej yvsan ajiltan yagaad zaaval bertej chochirdog um ????, genet .bas geneteer ajilchdaa schalgaj boldoggui umuu ? ene darga nar.

Avatar

bat 2019-10-17 192.82.65.182

tarhiih ni gej bichdeg yum shuu dee setguulchee.

Avatar

Зочин 2019-10-17 144.138.79.185

хамгаалалтын малгай, ажлын хальтардаггүй гутал байсан уу тэрийг шалгах хэрэгэй

Avatar

Зочин 2019-10-17 202.126.88.65

Буруугүй

Avatar

Зочин 2019-10-17 202.126.88.65

Совд минь битгиии иим золбин хэрүүл хии наад компани чин

Avatar

22 2019-10-17 203.169.48.34

хүний амь яригдаж бхад яагаад золбин хэрүүл гэж. Хэрэв ингэж гаргаж ирээгүй бол энэ компани тохиролцоод чимээгүй өнгөрөх бсан

Avatar

zochin 2019-10-17 66.181.186.203

ajlaa khiij chadakhguy osold orchikhood nuukh gej baysan , bur turgend khurgesen ni buruu, khuuli shuukh geed l , mongolchuud bur shantaajlakh argaa oldog boljee , ajil khiij baygaa bol uuruu kharyutslagatay bayj surakh kheregtey , zakhiral ni khajuud ni baysanguy gekh ni l kholguy yum yarikh yum.

Avatar

S 2019-10-17 202.179.27.16

сэтгэгдэл бичмээр санагдаад байвал ядаж зөв бичиж сур!!!

Avatar

Зочин 2019-10-17 202.131.227.82

мэргэншагай байсанаа мөнгөн шагай болоод л явж өгөх юмаа,

Avatar

Зочин 2019-10-17 202.21.112.195

дүүгийнхээ эрүүл мэндээр шантааж хийхээ болио залуу минь.
Наад компани чинь харин ч бүх талаар дэмжий тулая эрүүл болгоё гээд байгаам биш үү.
Ер бол хөдөлмөрийн аюулгүй байдлыг зөрчсөн бол нялуураад байх ч шаардлага байхгүй шд

Avatar

shunaltai er 2019-10-17 122.201.31.151

boon dalim bolj dee ene nohort. duugiinhee eruul mendeer heden tsaas tsohichih sanaatai. uul n ooroo durmee zorchson bol ooriin buruu geed hayaj bolno shuu dee. avtobusand nemj gemtene gej yu baihav dee.

Avatar

Zochin 2019-10-17 202.21.110.38

Tarhinii gemteltei huniig buruu urguj damnuurga deer buruu bairluulj teeverlesnees bolj tarhind nemj tsus harvadag hvn amisgal huraadag gedgiig medehgui yu. Hii hooson medemhiirsen medrel muutai mongolchuud.

Avatar

Уншигч 2019-10-17 202.126.89.135

2 талын байр сууриас харвал нөхцөл байдал бараг л ойлгомжтой юм байна. Гэмтсэн хүний ар гэр бухимдалтай байх нь ойлгомжтой боловч байгууллага нь хүний амь нас эрүүл мэндийг бүхэээс чухалчилж байгаа хандлага нь сайхан харагдаж байна.

NewsMN Гар утасны хувилбар Татах
NEWS.mn

Мэдээллийн эх сурвалж