Ирэх 2020 оны нэгдүгээр сарын 1-нээс ОХУ-д нэгэн шинэ хууль хэрэгжиж эхлэх бөгөөд энэ нь автомашины борлуулагчид зарж буй машиндаа шууд дугаар олгох тухай юм. Энэ нь ялангуяа машин худалдан авч байгаа хүмүүст дугаар авах чирэгдлийг багасгана хэмээн ОХУ-ын Дотоод явдлын яамны харъяа Замын хөдөлөөгөөний аюулгүй байдлыг хангах газрын Ухуулга, сурталчилгааны хэлтсийн дарга хурандаа Антон Белан РИА Новости-д хэллээ.

Уг хууль энэ 2019 оны наймдугаар сард батлагдсан бөгөөд ирэх нэгдүгээр сараас хэрэгжих юм. Гэхдээ борлуулагч нь машины дугаар олгох зохицуулалт зөвхөн шинэ машин худалдан авсан тохиолдолд үйлчилнэ. Өмнө хэрэглэж байсан хуучин машиныг борлуулагчаас худалдан авсан бол дугаар олгохгүй, заавал улсын дугаар олгох бүртгэлийн газраас авах юм.

Шинэ машин худалдан авсан иргэн худалдан авсан өдрөөс хойш 10 хоногийн дотор машиндаа дугаар авах зохицуулалттай.