ОУВС дэлхийн улс орнуудын энэ оны эдийн засгийн өсөлтийн урьдчилсан төсөөллөө танилцууллаа. Уг төсөөллөөр ОХУ-ын ДНБ 1,1 хувиар өснө гэжээ. Харин 2020 онд Оросын эдийн засгийн өсөлтийг энэ оны төвшинд буюу 1,9 хувьд хадгалагдана гэж үзсэн байна.

ОУВС Оросын энэ оны эдийн засгийн төлөв байдлыг энэ ондоо ийнхүү гурав дахь удаагаа бууруулж байгаа юм. Нэгдүгээр сард өмнөх төсөөллөөс 0,2, долдугаар сард 0,4 хувь, сая 0,1 хувиар тус тус бууруулан 1,1 хувь хэмээн зарлалаа.

Оросын эдийн засгийн төлөв ийнхүү буурахад нефтийн үнийн уналт нөлөөллөө хэмээн ОУВС тайландаа дурджээ.