Пара байт харвааны ДАШТ Герман улсад болж байна. Тус тэмцээнд оролцож буй манай улсын шигшээ багийн тамирчдаас Хөдөлмөрийн баатар, гавьяат тамирчин, паралимпийн аварга Д.Баатаржав “Рио-2016” паралимпийн наадамд оролцох эрхээ авлаа. Тэрбээр 1/48 шигшээ харваанд гоц мөргөж, 1/32-д Малайзын тамирчин Суреш Тангвеллоог 6:2-оор, 1/16-д БНСУ-ын тамирчин Лее Хонг Гуг 7:1 онооны харьцаагаар хожиж, "Рио-2016"-д оролцох эрхээ авчээ.

Энэ жил 54 настай Д.Баатаржав шигшээ багийн дасгалжуулагчаар ажиллаж байгаа бөгөөд Дэлхийн аваргад өөрийгөө сорьж, хоёр дахь паралимпт оролцох эрхээ гардлаа. Түүний хувьд "Бээжин-2008" паралимпээс аваргын алтан медалийг эх орондоо авчирч байсан юм.

Ч.БОЛОР