-Эрэгтэйчүүд Казахстан, бүсгүйчүүд Германы багтай хүрэл медалийн төлөө барилдана-

Багийн дэлхийн аваргын мөнгөн медалийн төлөө манай эрэгтэй жүдочид БНСУ-ын багтай барилдсан ч хожигдлоо. Ингэснээр БНСУ-ын баг алт, Монголын баг хүрэл медалийн төлөө барилдахаар боллоо. Манай эрэгтэй баг дэвжээний эзэн орны баг болох Казахстантай медалийн төлөө хүч үзнэ.

Багийн дэлхийн аваргын "D" хэсэгт багтсан эрэгтэй баг Куба (5-0), Гүржийг (3-2) хожиж, хагас шигшээд үлдсэн ч БНСУ-ын багийг дийлсэнгүй.

Манай эмэгтэй баг мөнгөн медалийн төлөө Японы багтай таарсан ч 5-0-оор хожигдлоо. Ингэснээр манай бүсгүйчүүд Германы багтай хүрлийн төлөө барилдахаар боллоо.

"D" хэсэгт багтсан эмэгтэй баг Казахстан, БНСУ-ын багуудыг хожиж, хагас шигшээд үлдсэн ч Японы хүчирхэг багт хожигдлоо.

Шигшээ барилдаан Улаанбаатарын цагаар 20.00 цагаас эхэлнэ.

ШУУД ҮЗЭХ:

Ч.БОЛОР