Улаанбаатар хотын 380 жилийн ойн хүрээнд 38000 метрт сансрын бөмбөлөг хөөргөнө | News.MN

Улаанбаатар хотын 380 жилийн ойн хүрээнд 38000 метрт сансрын бөмбөлөг хөөргөнө

Хуучирсан мэдээ: 2019.10.16-нд нийтлэгдсэн

Улаанбаатар хотын 380 жилийн ойн хүрээнд 38000 метрт сансрын бөмбөлөг хөөргөнө

Улаанбаатар хотын 380 жилийн ойн хүрээнд 38000 метрт сансрын бөмбөлөг хөөргөнө

Улаанбаатар хотын 380 жилийн ойг тэмдэглэх ажлын хүрээнд “МАРСА” ТББ, НЗДТГ-тай хамтран Монгол Улсын ЕБС-ын дунд ангийн 12-15 насны сурагчдын дунд “Бидний бүтээл сансарт” уралдаан зарлалаа. Монгол Улсын ирээдүй болсон мянга мянган хүүхдийн сансар огторгуйн талаарх чөлөөт сэтгэлгээг түгээн, тэдний шинжлэх ухаанч, бүтээлч байдлыг дэмжин, хүсэл мөрөөдлийг нь бадраахад уралдааны гол зорилго оршино. Өргөн хүрээг хамран зохион байгуулагдаж буй энэхүү уралдааны шилдэг бүтээлийг Улаанбаатар хотын 380 жилийн ойгоор тусгай зориулалтын Сансрын бөмбөлгөөр 38000 метрт хөөргөх юм.

Тус сансрын бөмбөлөгт уралдааны шилдэг бүтээлээс гадна Улаанбаатар хотын сүлд Хангарди, гэнэтийн байдлаар сонгогдсон 380 азтай иргэний нэр байх юм. Сансрын бөмбөлөг хөөрөхдөө Нийслэл хотын агаарын чанарын мэдээллийг цуглуулж, хэмжилт хийх даалгаврыг давхар гүйцэтгэнэ. Сансрын бөмбөлгийг энэ чиглэлээр 2016 оноос хойш тасралтгүй амжилттай ажиллаж байгаа Монгол Коосэн Технологийн коллеж, Япон улсын ЧИБА-ийн технологийн их сургуулийн хамтарсан баг хөөргөх юм. Ингэснээр манай улс Төв талбайгаасаа сансрын бөмбөлөг хөөргөсөн дэлхийн хоёр дахь улс болж, Нийслэл Улаанбаатар хотын бэлгэ тэмдэг Хангарди хамгийн өндөрт хөөрөх болно.

НИЙСЛЭЛИЙН АЯЛАЛ ЖУУЛЧЛАЛЫН ГАЗАР

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-16 66.181.169.70

хөөргөх ямар хэрэгтэй юм, юу өөрчлөгдөх юм

Avatar

Зочин 2019-10-16 103.14.38.136

Хөөе үнэн байгаадаа ???? Онгоц маань хамгийн ихдээ 11000 м -т нисдэг билүү. 38000 м -т байгаа юу минь яаж харагдах билээ дээ. Хэдэн метрт байгааг сайхан туух байхаа даа.

NewsMN Гар утасны хувилбар Татах
NEWS.mn

Мэдээллийн эх сурвалж