Говьсүмбэр аймгийн Сүмбэр сумын зэс баяжуулах үйлдвэрт үйлдвэрлэлийн осол гарчээ. Ослын улмаас 39 настай залуу нас барсан байна. Тодруулбал, өчигдөр /2019.10.15/ 14.09 цагийн үед гурван метрийн гүн бутлуурын машинд ажилтан Б унаж, нас барсныг аймгийн Онцгой байдлын газрын алба хаагчид гаргаж, аймгийн Прокурорын газарт хүлээлгэн өгсөн байна.

Эргэн сануулахад, өнгөрсөн наймдугаар сарын 25-ны өдөр Дорноговь аймгийн Даланжаргалан суманд үйл ажиллагаа явуулдаг  жонш баяжуулах үйлдвэрийн хүдрийн нөөцийн агуулахад бөглөрсөн хүдрийг гаргахаар ажиллаж байсан ажилтан, 26 настай эрэгтэй шороонд дарагдаж, амиа алдсан хэрэг гарсан юм.

Э.БУРАМ