Германы эрдэмтний популизмын талаарх есөн эшлэл | News.MN

Германы эрдэмтний популизмын талаарх есөн эшлэл

Хуучирсан мэдээ: 2019.10.16-нд нийтлэгдсэн

Германы эрдэмтний популизмын талаарх есөн эшлэл

Германы эрдэмтний популизмын талаарх есөн эшлэл

ХБНГУ-ын Билёфёльдийн их сургуулийн профессор, доктор Стёфан Мёрл өчигдөр /2019.10.15/ шинжлэх ухааны академийн эрдэмтэн судлаач нарт “Популизмын тэлэлт ардчилал уу, хямрал уу: ирээдүйгээс харах том харьцуулсан тойм” лекцээ уншиж, хэлэлцүүлэг өрнүүллээ.

Тэрбээр Орос, зүүн Европ судлалаар мэргэшсэн нэртэй эрдэмтэн бөгөөд энэ удаа Олон улсын харилцааны хүрээлэн, Монгол Улсын боловсролын их сургуулийн урилгаар Монголд зочилжээ. Нэрт эрдэмтэн С.Мёрл нь ОХУ, Монгол, Узбекистан зэрэг орны их сургуулиудад Европын холбооны хэрэгжүүлсэн олон улсын төслийн зохицуулагчаар ажиллан, эрдэм шинжилгээний байгууллагад зочин профессор, судлаачаар ажилласан хүн ажээ. Ингээд түүний илтгэлээс онцлох эшлэлүүдийг хүргэе.


  • Монголын улс төр сонгуулиас сонгуулийн хооронд өнгөрч байна. Жинхэнэ улс төр хийх ямар ч цаг хугацаа байдаггүй.
  • Зарчмын хувьд популизм бол ардчиллыг дэмжинэ. Бас дэмжихгүй ч байж болох юм. Учир нь, популизм бол эрх баригч намын алдаа дутагдлыг нь илрүүлж, эрх мэдлээ буруугаар ашиглаж буй үйл явдлыг нь шүүмжлэхэд хэрэгтэй. Нөгөө талаасаа бол улс оронд нэлээн асуудал үүсгэдэг. Улстөрчид нь өөрийгөө танилцуулахын тулд популизмыг ашиглан бусдыг дайсан гэж цоллож, нийгмийг хуваагаад өөртөө өндөр оноо авах гэж оролддог. Энэ нь маш том аюул.
  • Популизмтай улс орны иргэдийн сэтгэл хөдлөл, айдас төрүүлэх замаар ухаалаг бодлыг нь саармагжуулахыг оролддог. Жишээлбэл, монголчуудын хувьд хятадуудыг, Украин бол оросуудыг дайснаа гэж үздэг. Популистууд хүний сэтгэл хөдлөл дээр тулгуурлаж, тоглолт хийдэг. Хувьсгалын замаар энэ бүхнийг шийдэх нь хамгийн зөв хэмээн ард иргэдийг төөрөгдүүлж, эхэлдэг.
  • ХБНГУ-ын баруун жигүүрийн популистууд зөвхөн нэг сэдэвт төвлөрдөг. Асуудлыг шийдвэрлэх хялбар аргыг санал болгодог. Асуудал байгааг зарласан ч шийдвэрлэх сонирхол байдаггүй.
  • Популизм нь Сталин болон нацист Гитлерийн улс төрийн коммуникацийн стратегитай ижил.
  • Популистууд руу дайрах нь зөвхөн тэднийг бэхжүүлдэг. Элитүүд болон олон нийтийн хэвлэл мэдээллийн хэрэгсэл нь популистуудын дайсан бөгөөд энэ чиглэлийн дайралт нь популистуудын тээрмээр ордог. Тэд өөрсдийгөө гаднын дайралтад өртөж байгаа гээд халдашгүй байдлын тухай ярьдаг.
  • Сошиал медиа нь тэдний амжилт гаргах нөхцөл нь болдог. Мөн хуурамч тайлбар тараах боломжийг олгодог.
  • Популистууд парламентад бүтээлч ажил хийдэггүй. Зөвхөн эрх баригч нам, элитүүдийн эсрэг ард түмнийг дайчлахыг хүсдэг.
  • Ардчиллын эсрэг тэдний тэмцэлд үндсэрхэг популистууд олон улсын түвшинд зохион байгуулах боломжтой. Тэд дайны үеийг сануулагчид юм.

А.СҮРЭН

Гэрэл зургийг Г.БИЛГҮҮН

Энэ мэдээнд өгөх таны сэтгэгдэл?
5
ЗөвЗөв
4
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

батзандан арайл нааштай популист шүү 2019-10-16 66.181.161.78

монголд хамгиин аюултай популист бол танай хүрэлсүх гэхдээ та нар үүнииг жилиин дараа ойлгоно буянтай жагай гэгчээ одоо хүртэл шүтсээр

Avatar

Зочин 2019-10-16 66.181.184.167

МАНАЙ БАТЗАНДАНГ ХЭЛЭЭД БАЙГАА ЮМ УУ ДАА

Avatar

Зочин 2019-10-16 66.181.161.34

Энэ хүн дэлхийн хэмжээний том эрдэмтэн юм бол Монголчуудын дотор үүнээс ч илүү одоогийн улс төрийн дүр төрхийг ойлгож ярих хүн олон байгаа Харамсалтай нь улс төрчидийн олонхи нь ард түмний үнэмлэхүй олонхи нь шуналдаа хөтлөгдөж ашиглаж завших зүгээр орлого олохын дон шүгэлж ядуу гэж цоллуулах сонирхолд хөтлөгдсөн учраас ямар ч үнэн юм яриад хүлээж авах нийгэмгүй болчихоод байна

Avatar

зочин 2019-10-16 202.21.127.166

ЛИБЕРАЛУУД ӨӨРСДӨӨ ХООСОН ЯРЬДАГ ПОПУЛИСТУУД БАЙЖ ХҮЧТЭЙ БОДЛОГО ЯВУУЛДАГ БАРУУН ЧИГЛЭЛИЙН ХҮМҮҮСИЙГ ПОПУЛИСТ ГЭЖ ДАЙРЧ ДАВШИЛДАГ БОЛСОН, ГЕРМАН БҮР ТОД ЖИШЭЭ

Avatar

Зочин 2019-10-16 150.129.143.44

ЗҮГЭЭР Л ЯМАР АРД ТҮМЭН БАЙНА ТИЙМ Л ТААРСАН ТӨР БАЙНА .

Avatar

мөнх 2019-10-16 150.129.141.137

яг манай попуудын үйлдэлийг хэлсэн байнадаа баахан дайсан илэрүүлээдл

Avatar

Зочин 2019-10-16 103.111.68.3

ЭРэн сурвалжлах сэтгүйүүл гэж огт байхгүй. Дээр нь хэвлэл мэдээлэл бүгд хаалтын гэрээгээр мафуудын МАНАН гарт орсон улсад ПоПулизм хийж л байж л ард түмэнд үнэнийг хүргэнэ дээ өөрөөр боломжгүй.

NewsMN Гар утасны хувилбар Татах
NEWS.mn

Мэдээллийн эх сурвалж