Монголын Үндэсний сагсан бөмбөгийн холбооноос зохион байгуулж буй “Чингис хаан кап-2015” тэмцээн Спортын төв ордонд болж байна. Тэмцээний гурав дахь өдөр буюу өчигдөр хэсгийн сүүлийн тоглолтууд болсон. Энэ өдөр Монголын үндэсний шигшээ баг БНАСАУ-ын үндэсний багтай, Монголын үндэсний II шигшээ ОХУ-ын Эрхүү хотын багуудтай тус тус тоглосон юм.

Монголын Үндэсний шигшээ Vs "Альянс Тех Харцага" 95:85

Чингис Хаан Кап тэмцээний 2 дахь өдөр А хэсгийн Монгол улсын үндэсний шигшээ баг Үндэсний аварга Альянс Тех Харцага багуудын хооронд боллоо. Шигшээ багийн бүрэлдэхүүнээс энэ өдөр Т.Санчир 35 оноо 8 самбар авч багаа тэргүүлсэн бол О.Ууганбаяр 17 оноо Д.Дэлгэрням 10 оноо авч хэсгийн эхний тоглолтондоо хожил байгуулсан юм. Харин 2 дахь хожигдлоо хүлээсэн Үндэсний аваргуудаас Г.Баттөр дахин 18 оноо 7 оновчтой дамжуулалтаар багаа тэргүүлсэн бол багийн шинэ цэрэг Ц.Азбаяр 16 оноо 6 самбар П.Болортулга 16 оноо 9 самбар Э.Дөлгөөн 14 оноо авсан ч төдийлэн хангалттай байсангүй Чингис Хаан Кап тэмцээний 5-р байрын тоглох эрхтэй боллоо. Монголын үндэсний шигшээ баг хэсгийн 2 дахь тоглолтоо өнөөдөр 18,00 цагаас Спортын төв ордонд БНАСАУ-ын үндэсний шигшээ багтай хийх юм.

Залуучуудын шигшээ баг VS Монгол үндэсний 2-р шигшээ 100:92

Энэ өдрийн 2 дахь тоглолт Б хэсгийн Залуучуудын шигшээ  Монгол улсын үндэсний 2-р шигшээ багуудын хооронд болсон. 2 багийн тоглолт 4 үеийн турш тун тэнцүүхэн өрнөсөн бөгөөд 4-р үеийн сүүлийн 2 минутанд Залуучуудын шигшээ багаас Б.Батзолбоо, Г.Чинбат нарийн алсын зайн шидэлтүүд байндаа 2 дараалан тусаж улмаар 100:92-оор хэсгийн 2 дахь тоглолтондоо хожил байгуулсан юм. Тэднээс Э.Дөлгөөн 21 оноо 15 самбар авч багаа тэргүүлсэн бол Б.Батзолбоо 21 оноо 7 самбар Г.Чинбат 19 оноо 5 самбар авсан байна. Харин Монгол улсын 2-р шигшээ багаас Э.Дорж-арилд 22 оноо авсан бол Э.Цэвэлдорж  18 оноо 5 оновчтой дамжуулалт Б.Чадраабал 12 оноо М.Дорждагва 12 оноо 11 самбар тус тус авсан байна. Монгол улсын 2-р шигшээ баг хэсгийн сүүлийн тоглолтоо өнөөдөр 20,00 цагаас ОХУ-Эрхүү хотын багтай хийнэ.

Ингэснээр Монгол улсын үндэсний шигшээ баг А хэсгээс 2-р байраар шалгарч Б хэсгийн тэргүүн баг Залуучуудын шигшээ багтай тоглох бол БНАСАУ үндэсний шигшээ баг Монгол улсын 2-р шигшээ багтай тоглох юм.

Ч.БОЛОР