Нийслэлийн Засаг даргын 2019 оны 10 дугаар сарын 01- ний А/1034 тоот’’ Авто зам, замын байгууламжид даацын болон цагийн хязгаарлалт тогтоох тухай захирамж, ХУД Засаг даргын үүрэг даалгаврын дагуу ХУД ЗДТГ-ын Тохижилт нийтийн аж ахуйн хэлтэс, Мэргэжлийн хяналтын хэлтэс хамтран  2019 оны 10 дугаар сарын 11-ний өдөр тус захирамжийн хэрэгжилт болон Монгол Улсын Засгийн газрын 2018 оны “Түүхий нүүрс хэрэглэхийг хориглох тухай” 62 дугаар тогтоол, Байгаль орчин, аялал жуулчлалын сайд, Нийслэлийн Засаг дарга бөгөөд Улаанбаатар хотын Захирагчийн 2019 оны A/433-A/820 дугаартай хамтарсан тушаал, захирамжийн биелэлтэд  хяналт тавьж, тус дүүргийн  Өлзийт, Таван толгой, Морингийн давааны авто тээврийн шалган нэвтрүүлэх товчоодод хяналт тавин  ажиллалаа.

Энэ өдрийн байдлаар  авто тээврийн шалган нэвтрүүлэх товчоодоор түүхий нүүрс тээвэрлэгдээгүй, тарвага болон  хууль бус байгалийн дагалдах баялаг нэвтэрсэн  зөрчил дутагдалгүй, товчоодын хяналт шалгалт  хэвийн явагдаж байна.

Нийслэлийн Засаг дарга бөгөөд Улаанбаатар хотын Захирагчийн А/1034 тоот’’ Авто зам, замын байгууламжид даацын болон цагийн хязгаарлалт тогтоох тухай захирамжийг хэрэгжүүлж хайрга ачсан машинуудыг оройн цагаар явуулахгүй байхыг анхааруулж, товчоодод гарч буй байцаагч, төрийн байгууллагын ажилтнуудад зөвлөгөө өгч, АТҮНТовчоодын үйл ажиллагаанд  хяналт тавьж ажиллалаа.

                      ХАН–УУЛ  ДҮҮРГИЙН ЗАСАГ ДАРГЫН ТАМГЫН ГАЗАР