Замын цагдаагийн ойролцоох гүүрэн гарцын буцах эргэлтийн зорчих хэсгийн хөдөлгөөнийг өнөөдөр /2019.10.14/ нээжээ. Олон түвшний огтлолцол бүхий буцах эргэлт нь /U turn/  замын хөдөлгөөний зохион байгуулалт, аюулгүй байдлыг хангахад чухал нөлөөтэй. Гэхдээ тухайн эргэлтийн зам барилгын ажил бүрэн дуусаагүй аж.

Иймд жолооч та бүхэн тухайн замаар зорчихдоо тэмдэг, тэмдэглэгээний дагуу анхаарал болгоомжтой хөдөлгөөнд оролцохыг Нийслэлийн авто замын хөгжлийн газраас сануулж байна.