"Бид Монголдоо амьдрахаар ирсэн" | News.MN

"Бид Монголдоо амьдрахаар ирсэн"

"Бид Монголдоо амьдрахаар ирсэн"

Монголд төдийгүй дэлхийн өнцөг булан бүрт өөрсдийгөө таниулж чадсан влогчин хос бол Түвшөө Дөлгөөн хоёр. Тэд нийгэмд эерэг энергийг түгээгч “Positive Mongolians” төслөөрөө дамжуулан онлайн зөвлөмж, подкаст, влог, “Хосын жор” ярилцлагаа хүргэдэг билээ. Швед улсын Стокгольм хотод амьдардаг Д.Түвшинбаяр, Э.Дөлгөөн нар энэ удаа эх орондоо амьдрахаар гэр бүлээрээ ирээд байгаа гэнэ. Үргэлж шинийг эрэлхийлэгч, үлгэр жишээ залуу хос халуун ам бүлээрээ ярилцлага өгөхөөр хүрэлцэн ирсэн юм. Ингээд тэдний ярилцлагыг хүргэе.


Энэ өдрийн мэнд хүргэе. Монголдоо хэзээ ирэв. Амрахаар ирэв үү?

Д.Т: Бид Шведээс гэр бүлээрээ нүүгээд, эх орондоо бүрмөсөн ирсэн. Одоо Монголдоо ирээд бараг нэг сар болох гэж байна.

-Уламжлалт асуулт асууна. Эх орондоо ирсэн сэтгэгдлээсээ хуваалцахгүй юу?

Э.Д: Эх орондоо тухтай ирсэн учраас сэтгэгдэл их сайхан байна. Монголдоо 25 нас хүртлээ амьдарсан болохоор бүх зүйл сэтгэлд дотно санагдаж, хурдан учраа олоод явчих шинжтэй байна. /инээв/

Д.Т: Хүмүүс яг энэ асуултыг маш их асууж байгаа. Ялангуяа гадаадад ажиллаж, амьдарч байгаа монголчууд маань энэ асуултыг маш их сонирхож байна. Эндээс юу харагдаж байна вэ гэхээр эх орондоо нүүж ирэх хүсэлтэй маш олон хүн гадаадад байна. Тэр монголчууд маань бид хоёрыг яаж хөлөө олох нь вэ гээд влогоос мэдээлэл авч, харж байгаа нь ажиглагдсан л даа. Тэгэхээр бид хоёр нэг талаараа хариуцлагатай байх ёстой юм шиг. Яагаад монголчууд маань эх орондоо зориглон ирж чадахгүй байна вэ, юу ийм байдалд хүргэв гэхээр хар бараан мэдээлэл. Гадаадад ажиллаж, амьдарч буй монголчууд вэб сайт, сошиал орчноос мэдээлэл их авна. Гэтэл Монголын талаар дандаа хар бараан мэдээлэл нийтлэгдээд байхаар эргээд эх орондоо ирэхэд итгэл үнэмшил муу, айдастай болчихсон байдаг.

Тиймээс бид хоёр өөрсдийн влогоороо дамжуулан Монголд амьдарч болох юм байна, жаахан л утаа, түгжрэл байгаа болохоос биш хүн өөрөө л арчаатай, зорилготой амьдарч чадвал болно гэдгийг харуулахыг зорих болно.

Э.Д: Бас зарим хүмүүс “Мөнгөтэй л бол Монголд амьдарч болно. Цалингаа арай гэж хүргээд амьдарч буй хүмүүс эх орондоо амьдрахад хэцүү” гэж ярьдаг.  Гэтэл бид хоёр эх орондоо ирээд өнөөдөр ч гэсэн хийх ажил байхгүй, 20 орчим хоног машин тэрэггүй байж үзлээ. Хөдөө амьдрахаар заавал мөнгөтэй байж амьдрах шаардлагагүй шүү дээ. Хэрвээ нялх хүүхэдтэй хотод амьдрах хэцүү санагдаж байвал хотоос зайдуу амьдарч болох юм шиг санагдаад байгаа. Хамгийн гол нь хүмүүс ажил, сургуульдаа ойр гэдэг үүднээс хотод амьдрахыг илүүд үзээд байх шиг байгаа юм. Бид хоёр Шведэд амьдрахдаа хотын төвөөс зайтай газар амьдраад сурчихсан учраас юмаа зохицуулаад, амьдарч болдог байсан. Жишээлбэл, хоол хүнсээ авахдаа бөөнөөр нь авчихна. Ойр ойрхон дэлгүүр явах шаардлагагүй бүх зүйлээ зохицуулаад сурчихсан болохоор тэрүүгээрээ Монголд ч гэсэн амьдарч болох юм санагдаад байгаа.

Д.Т: Товчхондоо хэлэхэд эх орондоо амьдрах илүү амар, сайхан байна. Агаар, хөрсний бохирдол, замын түгжрэлээс яагаад айгаад байгаа юм бэ. Энэ чинь Монгол орон даяар биш шүү дээ. Утаа гэхэд хотын зүүн дөрвөн замаас жаахан цаашлахад байхгүй болчихож байна.

МОНГОЛД ИРЭЭД ХАМГИЙН ТҮРҮҮНД ГУДАС ХУДАЛДАЖ АВСАН

-Та хоёр Шведэд хэдэн жил амьдрав. Эх орондоо амьдрах шийдвэрийг хэрхэн гаргасан тухайгаа яриач?

Д.Т: Бид хоёр Швед улсад сүүлийн зургаан жил амьдарлаа. Зарим нэг хүмүүсийг бодоход урт хугацаа биш боловч амьдралынхаа тодорхой цаг хугацааг өнгөрүүлжээ. Бид тэндээс маш их зүйлийг ойлгож, сурч авсан. Бас гэр бүлд маань шинэ хүн мэндэлж, хөөрхөн охинтой болсон. Энэ бол бидний эх орон руугаа ирэх том шалтаг, шалтгаан болсон. Учир нь тэнд 18, 20 нас хүрч буй хүүхдүүдийг хараад, хүнд эх хэл гэдэг ямар чухал юм бэ гэдгийг мэдээд хүүхдээ эх хэлээр нь хэлд оруулах нь зөв юм байна гэж бодсон. Мөн Мөнхүүш хүү маань шилжилтийн нас нь ирж байгаа учраас ээж нь хамт байх ёстой. Энэ бүхэн маань биднийг эх орондоо ирэх шалтгаан болсон.

Э.Д: Манай хадам ээжийн маань бие нь сайжирч, ажил төрөлдөө ороод биеэ даасан. Тийм учраас бид хоёр санаа зоволтгүй болж, дараагийн асуудал болох хүүхдүүддээ анхаарахаар шийдсэн. Том хүү маань Монголд байгаа учраас дэргэд нь байж, бага охиноо ч гэсэн монгол хэлээр ярьж сураг гээд ирсэн дээ.

-Гэр бүлд нь шинэ хүн мэндэлж, охинтой болсон. Бүл нэмнэ гэдэг үнэхээр сайхан мэдрэмж шүү дээ. Та хэд маань замдаа хэр ядрав?

Д.Т: Мэдээж, шинэ хүн мэндэлсэнээр гэр бүлд маань дахин нэг шинэ зорилго, түүхийг бүтээхэд гол хувь нэмрээ оруулах болно. Сая наашаа ирэхэд охин минь тун дажгүй яваад ирлээ. Үүгээр дамжуулан хэлэхэд бага насны хүүхэдтэйгээ урт цагийн нислэгт явах гэж байгаа бол яг онгоц нисэх, буух үед хүүхдээ хөхүүлж байгаарай. Эсвэл сүүн тэжээл иддэг бол тэрийг нь идүүлж байгаарай. Тэгэхгүй бол чихнийх нь хэнгэрэгт нөлөөлдөг юм билээ. Бид хүртэл онгоц хөөрөх гэж байхад чих сонин болоод амаа өөрийн эрхгүй ангайдаг  шүү дээ. Хүүхэд тэр үед хөхөө буюу угжаа хөхөж байвал зүгээр юм билээ. Тэрийг ойлгож, мэдэж авлаа.

Э.Д: Замдаа гайгүй яваад ирсэн. Тухайн үедээ их ядарсан гэж бодож байсан ч эргээд бодоход дажгүй яваад ирсэн байна лээ. /инээв/

-Эх орондоо ирээд хамгийн түрүүнд гудас авсан гэсэн. Ямар учиртай юм бэ?

Э.Д: Монголдоо ирээд, хамгийн түрүүнд унтаж, амрахаа боддог юм билээ. Тэгээд онгоцноос буухаасаа өмнө “Очоод сайн унтаж авъя” гээд ярьж байсан юм. Бид нийт 15-16 цаг явсан. Яг нислэг нь 11 цаг, завсарт нь Туркт хүлээсэн гээд 15, 16 цаг явахад ганцхан цаг унтсан байхгүй юу. Тэгээд л хамгийн түрүүнд унтаж, амрах гудас санаанд орсон. Шууд ор худалдаж авалтай биш. Манай байр хараахан ашиглалтад ороогүй байгаа учраас айлд очихдоо амрах гудас авсан юм. Тэрийгээ л байнга яриад байсан хэрэг л дээ.

ТҮВШӨӨ ЖҮЖИГЧИН МЭРГЭЖЛЭЭРЭЭ АЖИЛЛАНА           

-Та хоёр маань Монголдоо ирээд юу хийхээр төлөвлөж байна вэ?

Д.Т: Бид хоёроос хамгийн их асууж буй дараагийн асуулт бол энэ. Одоо хаана ажилд орох вэ, юу хийх вэ гэж хүмүүс их асууж байгаа. Бид хоёр мэдээж влогоо үргэлжлүүлэн хөтөлнө. Монгол залуусынхаа оюунд хөрөнгө оруулах зорилготойгоор анх “Positivemongolia” төслийг эхлүүлсэн. Энэ төсөл маань өмнө нь онлайн орчинд байсан бол одоо эх орондоо ирсэн юм чинь гарт баригдаж, нүдэнд үзэгдэхээр юм хийхээр зориод байна. Мөн би мэргэжлээрээ ажиллана. Би чинь театр, киноны найруулагч мэргэжилтэй. Одоо Монголынхоо кино урлагт өөрийнхөө хувь нэмрийг жинтэйхэн оруулах гээд байж байна даа. /инээв/

-Харин Дөлгөөн?

Э.Д: Би одоохондоо гэртээ хүүхдээ харна. /инээв/

Д.Т: Гэхдээ Дөлгөөн маань хүүхдээ хараад байнга гэртээ байгаад байхгүй. Манай влогийн нэг тал нь шүү дээ. Тэр хэрээрээ маш том үүрэг хариуцлагатай хүн. Тиймээс влогийн чамгүй их ажлыг цааш нь хөдөлгөнө.

Э.Д: Бид хоёр чинь “Хосын жор”, “Big bib family” подкаст, влогуудаа аль болох таслахгүй хийх ёстой. Тийм учраас энэ ажлыг хариуцаад л явна.

-Монголынхоо кино урлагт өөрийнхөө хувь нэмрийг оруулна гэснээс их сургуулиа төгсөөд цөөнгүй кино, дууны клипэнд тоглосон байдаг. Анхны гол дүрд тоглосон уран сайхны кино ямар кино вэ?

Д.Т: Анх “Удам” гэдэг бүрэн хэмжээний уран сайхны кинонд дуучин С.Сэрчмаатай хамтран эхнэр, нөхрийн дүрд тоглосон байдаг юм. Тэр үед одоогоос 18 жилийн өмнө буюу 2001 онд би дөнгөж нэгдүгээр курсийн оюутан байсан. Тухайн үедээ далайцтай, түүхэн сэдэвтэй кинонд маань алтан үеийн мундаг жүжигчид тоглосон байдаг. Харин анхны кино гэвэл тавдугаар ангийн сурагч байхдаа “Соривт” гээд уран сайхны кинонд туслах дүрд тоглож байсан юм. Ер нь их сургуулиа төгсөөд киноноос илүүтэйгээр дууны клипэнд нэлээд тоглосон. Жүжигчин мэргэжлээрээ цааш нь суралцаж, мэргэжлээ дээшлүүлэх бодолтой явж байгаад 2005 онд их сургуулиа төгссөн. Тэгээд мэргэжлээрээ хоёр жил ажиллаж байгаад БНСУ-д театр, киноны найруулагч мэргэжлээр магистр хамгаалсан юм.

 

 ХОСЫН ХАРИЛЦААНЫ ХАМГИЙН ШИЛДЭГ АРГА БОЛ ЯРИЛЦАХ

-Өөрсдийн влогоороо дамжуулан залуу хосууддаа “Хосын жор”-ыг хүргэдэг. Энэ удаа та хоёрын хосын жорыг асуух гэсэн юм?

Э.Д: Манай влогийн “Хосын жор” контент гарснаас хойш хүмүүс биднээс энэ асуултыг их асуудаг. Бидний хувьд “Арай болоогүй байна”  гэдэг хариултыг өгч байсан. Бусад олон жил хамт амьдарсан хосыг бодвол бидний хамт амьдарсан цаг хугацаа тав, зургаан жил. Тиймээс ярилцаж буй хүмүүсээсээ дандаа суралцаж явж байгаа. Уулзсан хүн болгоныхоо зөвлөмж, зөвлөгөөг амьдрал дээрээ хэрэгжүүлж, туршиж үзнэ. Хүмүүсийн мэдэж байгаагаар бидний аль аль нь өмнө нь амьдрал зохиож байсан. Тиймээс энэ удаадаа алдахгүйгээр, хосын харилцаагаа хэрхэн бат бөх авч явах вэ гэдгийг бусад хосоосоо суралцаж байна. Одоогийн байдлаар ойлгоод буй хамгийн том зүйл бол ярилцах. Хэрвээ тэр хос ярилцахгүй удах л юм бол асуудал үүсэх гээд байдаг. Харин хоорондоо ярилцаж, ойлголцож байх тусмаа асуудал бага юм шиг санагддаг. Хосын ярилцах хугацаа багасаад ирэхээр стресс бухимдал, өөр өөрийгөө ойлгуулах гэсэн гомдлууд үүсэх гээд байдаг. Залуу гэр бүлүүдэд зөвлөхөд хэчнээн амьдралынхаа төлөө хөдөлмөрлөж, завгүй яваа ч гэсэн зайлшгүй бие биедээ цаг гарган, ярилцаж байх ёстой шүү. Чиний ярилцахгүй байгаа тэр хүн чинь өөрийг нь сонсох хэн нэгнийг хайж эхэлнэ. Тиймээс залуу гэр бүлүүд аль болох ярилцаж байгаарай гэж хэлмээр байна.

Д.Т: Хэрвээ хос залуус бие биедээ гомдож туньсан байгаа бол шууд “Ярилцъя” гээд хэлэхэд хэцүү байх. “Тэр тохиолдолд яах ёстой вэ” гэдэг асуултыг ч надаас залуус их асуудаг. Тийм үед бид хоёрт ч бий. Гэхдээ хамгийн шилдэг арга бол яаж ийгээд л ярилцах юм. Үнэхээр тэр үед амнаас нь үг гарахгүй байвал цаасан дээр сэтгэлээ уудлаад бичээд өгчих. Эсвэл утсан дээрээ бичлэг хийгээд яваад, ганц хоёр цаг бодох хугацааг нь өгчих. Дараагаар нь орж ирээд тэр бичсэн захиа, бичлэгийнхээ тухай л ярь л даа. Бид хоёр одоогийн байдлаар 49 дэх хостойгоо уулзаад, хосын жорын сонсоод байна. Эдгээр хосын хамгийн шилдэг жор бол ярилцах арга гэж хэлж байсан.

-Тэгвэл үл ойлголцох асуудал гарахад хэрхэн шийдвэрлэхийг хичээдэг вэ?   

Д.Т: Бидний “Хосын жор”-д зочноор орж байсан Оогий ах маань хос залуус яаж ч муудалцаж байсан бие биеэ гомдоохгүй байх таван зарчмыг хэлж өгсөн. Мэдээж амьдралд муудалцах асуудал гаралгүй л яахав. Тэр таван зарчмыг хос залуус муудалцах үедээ хэрэгжүүлж чадвал буцаад эвлэрэх хугацаа нь ойртоод ирнэ гэсэн. Тэр таван зарчмыг үнэхээр сонирхож байгаа бол Оогий ахын оролцсон “Хосын жор”-ыг сонирхон үзээрэй гэж хэлмээр байна. Учир нь би тэр үгийг нь хэлэхээр үсрээд 10-хан хувьтай л ойлгуулж магадгүй. Тийм учраас тэр бичлэгийг бүтнээр нь үзээрэй.

Э.Д: Бид хоёрын хувьд муудалцах үедээ хэдэн зүйлийг баримталдаг. Жишээлбэл, яаж ч уурласан салъя гэж хэлэхгүй, муудалцсан муухай хараалын үг болон эмзэг сэдвийг нь хөндөхгүй байх зэрэг маш сайн уурын хязгаараа барих ёстой. Нэг хязгаараас давчихвал хосын харилцаанд сэв үүсээд эхэлдэг. Яаж ч муудалцсан бие биеэ хүндлэх тэр шугамыг л давж болохгүй. Тэр хүндлэлийн шугамыг муухай үг, үйлдлээр давбал эргээд чи мянга уучлал гуйгаад уучилсан ч гэсэн сэтгэлд нь толбо үүсэх учраас бодолтой хандаарай. Бас огт гар хүрч болохгүй.

-Монгол залуус гадаад улсад ажиллаж, амьдрах хүсэлтэй болж. Үүнийг нэг талаар шүүмжлэх хүмүүс ч цөөнгүй бий. Та хоёрын хувьд юу гэж залууст зөвлөдөг вэ?

Э.Д: Хувь хүний өөрийнх нь сонголтын асуудал. Энэ нь хоёр талтай л даа. Бид гадаадад ажиллаж, амьдрахын эерэг болон сөрөг талыг хоёуланг нь хүмүүст хэлдэг. Эхлээд сөрөг талыг нь хэлье. Хүмүүс ихэвчлэн хугацаагаа тодорхойлохгүйгээр гадаад явахыг хүсдэг. Би хэдэн жил болоод эх орондоо ирнэ гэж тооцоолохгүйгээр “Зүгээр гадаад явж, мөнгө цуглуулаад, амьдралаа дээшлүүлнэ” гэдэг. Тэгж явсан хүмүүс анхнаасаа төлөвлөгөө, хугацаагүй явсан учраас тэр чигтээ олон жил болох магадлалтай. Гадаадад олон жил болох тусмаа ар гэр болон хүүхдүүдэд нь асуудал үүсээд эхэлдэг. Ирээдүйгээ тооцоолоогүй гадаад улс руу явснаас нас нь гарчихсан, Монголд ирэхээр дахин шинээр ажил төрөл, байр суурь гээд хэцүү болчихдог. Давуу тал гэвэл ид хийж бүтээх  хүсэлтэй залуус маань гадаад орон руу явж, залуус нь хэрхэн сурч хөгжиж, ажиллаж, амьдарч байгааг хараад ирэх хэрэгтэй. Тэд гэртээ хэвтээд эцэг, эхээрээ тэжээлгээд байна уу, 30 гарчихаад аав, ээжийнхээ гэрт амьдраад байна уу зэрэг ялгааг нь хараад, тухайн орны соёлтой танилцахаас гадна эх орныхоо үнэ цэнийг ойлгоод ирэх нь зөв гэж боддог. Тэрийг ойлгосон залуус эх орондоо ирэхээр “Хүмүүс ингэж, тэгж амьдардаг юм байна. Би ч гэсэн чадна” гээд эрч хүчтэйгээр ажиллаж, урам зориг авч чаддаг.

Д.Т: Бяцхан зүйл нэмж хэлэхэд Монгол Улс одоогоор дэлхийн 40, 50 орон руу визгүй зорчих эрхтэй байгаа. Тиймээс амьдралд дөнгөж хөл тавьж байгаа, насанд хүрсэн залуус ядаж тэр визгүй байгаа орнууд руу жинсэн цамц, өмдөө цүнхлээд, яваад үзээрэй. Тэнд очоод хар бор ажил хийгээд, хөгжил гэдгийг харж, нүдээ нээх хэрэгтэй. “Гэрээсээ холдож үзээгүй хүний бодол босгоо давдаггүй” гэдэг үг бий. Ядаж аав, ээжээсээ хол нэг жил хүний нутагт бие даагаад амьдраад үз. Бид хоёр их юм үзэж, харсандаа хэлээд байгаа юм биш. Тодорхой хугацаанд гадаадад амьдарч, сураад үзсэнээсээ л хэлээд байгаа юм. Хүн хүний нутагт очихоороо л өөрийгөө олж авдаг байхгүй юу. Монгол хүн гэж ямар хүн юм бэ, би гэж хэн бэ гэдгээ олж авдаг. Гадаад оронд удаан амьдрахаараа л сөрөг талыг нь олж хардаг. Одоо гэртээ ээж, аавынхаа дэргэд байгаа залуус Монголынхоо л сөрөг талыг харахаас гадаадын сөрөг талыг хардаггүй. Гадаадыг зорьж буй ихэнх залуусын хувьд гэр бүл, үр хүүхдийнхээ ирээдүйн төлөө гэж хэлдэг. Гэтэл өнөөдөр Шведэд очсон байгаа эхний үеийн хүмүүсийн хүүхдүүд одоо 18, 20 настай болж байна. Тэгэхэд нөгөө хүүхдүүд нь монгол хүүхэд биш болсон байдаг. Аав, ээж нь “Би нэг сайхан охин, хүүтэй. Гэхдээ энэ орны нийгэмд хүүхдээ өгөөд алдчихлаа” гэж халаглаж сууна. Монгол явах хүсэлгүй, үндэсний соёл, эх хэлээ мэдэхгүй. Яг үнэндээ тэр хүүхдүүдийн ч буруу биш шүү дээ. Манай таньдаг ах ярихдаа “Хүүхэдтэйгээ амралтаараа сар гаруй хугацаанд Монголд байхад аргаа барсан. Хүүхэд нь Монгол заваан байна. Хурдан харимаар байна” гээд их хэцүү байсан тухай хэлж байсан. Тэгээд энэ жил дахин “Монголд очиж амарна” гэхээр “Монгол оронд очиж үзсэн. Одоо өөр орноор аялъя л даа” гэж хэлж байгаа юм. Тэр хүүхдийн сэтгэхүйд “Монгол орныг үзнэ” гэж харж байна. Тэр хүүхдүүд насанд хүрэхээрээ хэзээ ч монгол хүнтэй суухгүй, монголд ирэхгүй шүү дээ. Бас нэг харамсалтай зүйл нь эх хэлээ мэддэггүй. Харахад монгол хүүхэд хэрнээ монгол хэлээр нэг ч үг мэддэггүй. Үүнд аав, ээжийг нь буруутгахад бас хэцүү. Хүний нутагт ажил хийхгүй л бол амьдрал зогсоно шүү дээ. Тэгэхээр амьдралаа авч явахын тулд өдөр, шөнөгүй ажил хийх хэрэгтэй болно. Хүүхдүүд нь сургуульдаа яваад, хүссэн хүсээгүй тэр орны хэлийг сурна. Монгол хэл заах ямар ч бололцоо байхгүй. Зарим нэг эцэг, эхчүүд гадаад хэлээ сайн сур гэдэг. Гэтэл хүүхэд нь шилжилтийн насанд хүрч, хүнд дурлана. Тэр бүхнээ эцэг, эхтэйгээ ярилцах гэхээр аав, ээж нь англиар ярьж чадахгүй, хүүхэд нь монголоор ярьж чадахгүй болсон байх жишээтэй. Ингээд л эцэг, эхээсээ холдож, найз нөхөдтэйгөө сэтгэлээ уудлах болно. Энэ бодит зовлон найм, арван жилийн дараа угтдаг шүү. Тэгэхээр тодорхой зорилго, төлөвлөгөөтэй гадаад орныг зорих хэрэгтэй.

-Монголдоо залуус амьдрах боломж хэр байна вэ?         

Д.Т: Энд маш их боломж байна. Бид хоёр гэхэд энэ олон боломжийн яг алинаас нь эхлэхээ мэдэхгүй байна. Улаан бизнесийн салбар руу орохгүй ч мөрөөрөө ажлаа хийгээд явахад хийх юм маш их байна. Жишээлбэл, тэнд хогийг бүгдийн ангилж хаяад, дахин боловсруулж, автобус явж байна. Ингэж болдог юм байна. Цэвэрхэн хоттой байж болдог юм байна. Гэтэл энд бүх юм задгай байгаа учраас бидэнд хийх юм маш их байна гэсэн үг.

“ХОСЫН ЖОР” ЯРИЛЦЛАГААРАА НОМ ГАРГАНА                            

-Сүүлд Монголдоо ирсэнээсээ хойш хийж буй контентуудаасаа яриач?

Э.Д: Сүүлийн “Хосын жор”-ын зочноор Монгол Улсын гавьяат жүжигчин Х.Баттулга буюу Аглуу гэргийтэйгээ оролцсон байгаа. Шинэ контент болох “Big big family”-ийн зочноор Топ модель Э.Сэлэнгээ ханийнхаа хамт оролцсон. Дараа дараагийн дугаарууд бичигдэх гээд байж байна. “Big big family”-гээрээ дандаа гэр бүлийн үнэ цэнэ, хүмүүжил, одоогийн нийгэмд бие биеэсээ үлгэрлэн дууриах боломжийг олгож байгаа. Харин “Хосын жор” бол хосын харилцааны талаар ярилцдаг гэдгээрээ онцлог. Зарим хүмүүс “Хосын жор”-д дандаа олны танил хүмүүсийг оролцуулах юм гэдэг. Бид хоёр чинь аль болох хүмүүсийн санал, хүсэлтээр зочдоо сонгодог. Эгэл жирийн 80 гаруй насалсан эмээ, өвөө хоёрыг зочноор урьж ярилцаж байсан. Тухайн үедээ хэн боломжтой цаг завтай байгаа нь бидэнтэй ярилцдаг. “Яг тийм хос орно” гэсэн цензур байхгүй. Хүмүүсийн санал болгосон хостой холбогдож, асууж байгаад зөвшөөрсөн тохиолдолд бичлэгээ хийдэг. Цаашдаа олон сонирхолтой хос, гэр бүлийн зочид хүлээж байгаа шүү.

Д.Т: Бид хоёр эхний хосын жороороо “Хосын жор” гэсэн ном гаргах төлөвлөгөөтэй байгаа. Яг үнэндээ бидэнд хосын харилцааг арван жилийн сургууль, их дээд сургуульд ч заадаггүй юм байна. Аав, ээж маань тэр болгонд “За найз залуутайгаа муудалцвал ингэдэг шүү” гэж заадаггүй шүү дээ. Бид энэ харилцааг аав, ээж болон найз нөхдөөсөө алдан ононо сурч авдаг юм байна. Тиймээс доод тал нь долоо найман жил, дээд тал нь 40, 50 жил хамт амьдарсан туршлагаас дүгнэлт хийх бололцоог олгох юм. Шинэ контент болох “Big big family”-гээр бид монгол гэр бүлийн хүмүүжлийг хайж байгаа. Гэтэл өнөөдрийн техник технологийн эрин зуунд уламжлалт хүмүүжлийн арга барилаар хүүхдээ хүмүүжүүлэх үү. Энэ бүхнийг яаж сүлэлдүүлж, дахин шинэ хүмүүжлийн арга барилыг гаргаж ирэх гээд байна.

-Орчин цагт залуус хуримын ёслолыг өргөн дэлгэр сайхан хийдэг болсон байна. Бараг нэг жишиг тогтчихсон боллоо. Та хоёрын хувьд маш сайхан хуримыг хийсэн. Ер нь хос залуус хурим хийх ёстой юу?

Э.Д: Хос болгон хуримаа хийгээсэй гэж боддог. Хурим хийж буй тэр өдөр гоёж, гангалаад л, ресторанд зочдоо уриад л. Тэр бүхэн тухайн үедээ болоод л өнгөрөх зүйл. Хамгийн чухал нь тэр хосын хуримын өдөр бүх ойр дотныхоо хүмүүсийн нүдэн дээр бие биедээ өгсөн амлалт. Хурим хийснээр хамтдаа амьдрахад илүү хариуцлагатай болдог юм билээ. Өмнө нь зүгээр л бие биетэйгээ хамт байдаг байсан бол хурим хийсний дараа бие биедээ хариуцлагатай ханддаг болсон. Түвшөө “Би энэ хүнийг чинь ингэж хэлээд аваад суусан шүү дээ” гэж хэлэх жишээтэй. Хос залуус заавал хуримаа хий. Хийхдээ заавал бусадтай адилтгаж, үнэтэй, тансаг хийх шаардлагагүй. Байгальд, ресторанд, гэртээ хиймээр байна уу. Эсвэл цөөн хэдхэн хүний хүрээнд сэтгэл хөдөлгөсөн хуримаа хиймээр байна уу. Энэ бол та хоёрын хүсэл сонирхол. Хуримаа хийж, амьдралаа батжуулж аваарай.

Д.Т: Хос залуус хуримын мөн чанар нь юу юм бэ гэдгээ сайн ойлгоосой. Бид хоёр маш сайн бодсон л доо. Одоогийн хуримын ёслолыг ажиглахаар үнэтэй, тансаг хийхэд гол ач холбогдол өгөөд байна. Урилгаар ирж буй хүмүүс тэрийг нь сонирхох гэж ирээд байна. Гэтэл хуримын ёслолын мөн чанар нь тэр биш шүү дээ. Хуримын дараа “Тэр хэдэн төгрөг өгч, тийм үнэтэй бэлэг өгсөн байна, зардлаа нөхсөн байна лээ” гэж ярьдаг. Гэтэл тэр олон хүний нүдэнд баяр баясал тодорч, мундаг амлалт өгч чадав аа, одоо энэ хоёр маань тэр амлалтандаа хүрч амьдраасай гэдэг дээр л ач холбогдол өгөөсэй. Бие биедээ тангараг өргөж байгаа нь л гэр бүлээ тамгалж байгаа гэсэн үг. Бид хоёроос зарим хүмүүс “Та хоёр хуримын зардлаа нөхсөн үү” гэж их асуусан. Харагдах байдлаар маш их мөнгө гарсан гэж ойлгоод байх шиг байгаа юм. Яг үнэндээ тэр мөнгөндөө ч биш. Бид хоёр маш олон хүнийг үзээсэй гэж албаар амлалтаа сошиалд байршуулсан юм. Магадгүй бид хоёр тийм том зүйл бие биедээ амлачихаад, бие биеэ гомдоогоод яваад байвал яах вэ. Энэ бүхэн хүссэн, хүсээгүй намайг маш том хариуцлагатай болгож байгаа юм.

 

"Болор дуран"-аар шалгав.
Энэ мэдээнд өгөх таны сэтгэгдэл?
72
ЗөвЗөв
4
ХахаХаха
3
ТэнэглэлТэнэглэл
2
ГайхмаарГайхмаар
2
БурууБуруу
1
ХөөрхөнХөөрхөн
1
ХарамсалтайХарамсалтай
Баярлалаа!

72 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochko 2019-10-14 202.126.89.185

Ih zov setgeltei daichin ounlag zaluus baina..amjilt sain saihaniig husie

Avatar

Zochin 13 2019-10-14 202.9.43.111

Gadaad orond amidarah saihan zuil bish shuudee..huuhduud ter niigmiin hun boldog ny unen..za tegeed ih goid oun uhaantai medleg bolovsrolgui bol tend har ajil hiigeed amidrah bol tun hecuu..50 dohood ajlaa hiij chadahaa bolino..tegeed l mongoloo sanaad hecuu l baidag ny haragddag..manai tomchuud gadaadad amidrahgui baigaa l bizdee

Avatar

Ххх 2019-10-14 202.21.108.197

Мундаг 2 , хэн ч яаж ч амьдарч болно гэхдээ энэ 2 шиг камерны өмнө гараад үздээ та нар өнцөгөө ч тааруулж чадахгүй дээр маш өөдрөг хосууд

Avatar

Zochin 2019-10-14 74.214.251.12

Ene 2 uneheer bagarhmaar. Iim zaluuchuud Mongold olon boloh boltugai. Uneheer ulger durailal sain ogch bgaa zaluusdaa bayar hurgii! Gadaadad bgaa Mongolchuudaa munhruulj avchrah bish harin tsug temtsii Mongoloo hogjuulii l geed bgaa ni int bn. Buruugaar oil good bgaa humuus tsug eh orgoo hogjuulii geed zutgevel iluu hurdan hogjino doo eh iron mini. Minii saipan eh iron utaagui stressgui tseverhen bolchihvol yamar goyo ve. Bugdeeree dor burnee ene 2 oosoo jishee avaad hicheeh heregtei.

Avatar

Ooo 2019-10-14 98.204.176.201

Za tegeed hamag Yumaa deeremduuleed helmegdeed irheeree goy yum ch bolno do

Avatar

Зочин 2019-10-14 73.92.12.67

Мэдээж диваажинд ирээгуй нь ойлгомжтой. Харин диваажинд байсан гэдгийг нь захын юм узсэн хумуус мэднэ. Харин диваажинд ч гэсэн ажил хийж амьдрах хэрэг гарна. Элдэв блог влог гаргаад амьдрахгуй. Одоо монголд монгол сайхан монгол гое ямарч урвагч улс тер хулгай зэлгий байхгуй влог доторх амьдрал шиг сайхан амьдрал байна. Ажил ч хийх хэрэггуй, ажил ч байхгуй сайхан влог гаргаад л менге олоод л утаа байхгуй ургэлж зунаараа гээд л урвагчийн ажил хийж гадаад дахь монголчуудыг дуудах юм байна л даа…

Avatar

Зочин 2019-10-14 73.92.12.67

2011 оны уед монгол улс туухэндээ 17 хувийн эдийн засгийн еселттэй гарж Оюу Толгой, гадаадын херенге оруулагчид монгол руу хандсан, ОТ- байхад солонгосоор яахийн гээд ярьдаг болцон олон ч улсаас монголчууд нутаг буцсан. Очсон нэг нь аа яаяа , ухснээ хийгээд наанаа байгаад байгаан, монгол удахгуй Катар болох гэж байна гээд л, хумуус монгол руу буцаад л…….Нээг их удаагуй дээ…. Яаж буцнаа, арга чарга юу байна….. Естой хулхидууллаа, хэрэг алга, хаашаа ч хамаагуй, эндээс явмаар байна болсон

Avatar

Иргэн 2019-10-14 66.181.190.196

#ТүвдэндоржийнХурц: Хүний нутагт суугаа та бүхэнд:
Эх орондоо хайртай юм бол одоо ирцгээ.
Асуудалаас зугтах биш, тулж давна.
Миний нутаг муухай харийн нутаг сайхан гэж бодож буй бол та нэг тунгаагаад үз.
Эх оронд чинь эрдэм мэдлэгтэй, эх оронч сэтгэлтэй, юм үзэж нүд тайлсан, эрүүл, зөв Монгол хүнээр дутаж байна. Тиймээс та бүхэн ирж өөрийн чадах чинээгээрээ эх орноо өөд татахын тулд зүтгэх хэрэгтэй байна аа. https://www.facebook.com/groups/249977552099093/permalink/571893076574204?sfns=mo

Avatar

Иргэн 2019-10-14 66.181.190.196

Харийн нутагт юу сурч мэдсэнээ одоо гаргах цаг нь боллоо.
Харь улсуудын бодлого хүчтэй явагдаж буй энэ эгзэгтэй мөчид эх орноо гэсэн хүн бүрийн сэтгэл зүрх үгүйлэгдэж байна.
Та бүхэн мэргэн оюундаа тунгаан бодож, хөгжил дэвшилд хувь нэмэрээ оруулж эх орноо хөгжүүлээч.
Монгол түмнийг минь Их өвгөдийн минь аз, од хийморь мөнхөд ивээг.

Avatar

Иргэн 2019-10-14 66.181.190.196

Монголдоо ажиллаж амьдрахаар зорьж ирсэн Түвшинбаярын гэр бүл гэргий Дөлгөөн нартаа баяр хүргье.

#ТүвдэндоржийнХурц: Хүний нутагт суугаа та бүхэнд:
Эх орондоо хайртай юм бол одоо ирцгээ.
Асуудалаас зугтах биш, тулж давна.
Миний нутаг муухай харийн нутаг сайхан гэж бодож буй бол та нэг тунгаагаад үз.
Эх оронд чинь эрдэм мэдлэгтэй, эх оронч сэтгэлтэй, юм үзэж нүд тайлсан, эрүүл, зөв Монгол хүнээр дутаж байна. Тиймээс та бүхэн ирж өөрийн чадах чинээгээрээ эх орноо өөд татахын тулд зүтгээр

Avatar

Зочин 2019-10-14 73.92.12.67

Тэгээд ?????…..

Avatar

аө 2019-10-14 103.16.15.126

Энэ ярилцлагад хүмүүст, ялангуяа залуу хүмүүст шал буруу ойлголт өгөх зүйлүүд маш их байна. Гадаадад амьдардаг монголчууд мэдээж үзэж харж байгаагаараа өөрчлөгдөнө. Гэхдээ, дийлэнх олонхи нь оркоороо л байдаг ш дээ. Энэ ярилцлага нь шал худлаа үлгэрийн юм болсон байна. Сошиалын шинэ од гарч ирэх гэж байгаа юм уу хаашаа юм. Гадаадад байдаг ямар ч монгол ямар нэг гачигдал зовлон тохиогоогүй бол, эвсэл бүр хөв хөдөөний гаралтай болоод адуу мал уул усаа санаж үхэх дээрээ тулсан бол л монгол буцдаг

Avatar

а 2019-10-14 103.16.15.126

Энэ ярилцлагад хүмүүст, ялангуяа залуу хүмүүст шал буруу ойлголт өгөх зүйлүүд маш их байна. Гадаадад амьдардаг монголчууд мэдээж үзэж харж байгаагаараа өөрчлөгдөнө. Гэхдээ, дийлэнх олонхи нь оркоороо л байдаг ш дээ. Энэ ярилцлага нь шал худлаа үлгэрийн юм болсон байна. Сошиалын шинэ од гарч ирэх гэж байгаа юм уу хаашаа юм. Гадаадад байдаг ямар ч монгол ямар нэг гачигдал зовлон тохиогоогүй бол, эвсэл бүр хөв хөдөөний гаралтай болоод адуу мал уул усаа санаж үхэх дээрээ тулсан бол л монгол буцдаг

Avatar

Зочин 2019-10-14 66.181.176.29

Эх орноо гоочилж байгаа голж байгаа хүмүүс Монголдоо битгий ирээрэй. Ээж аав хамаатан саднаа хаяаад ганцаараа сайхан амьдарцгаагаад яв яв. Хөгширсөн хойноо эргээд ирэх гэхвий!
Монгол хөгжсөн хойно ч битгий ир! Өөрсдийн хувь нэмэрээ оруулаагүй байж ямар нүүрээрээ ирэх юм бэ?? Тэр гадааддаа үхэн үхтлээ л ажилцгаа!

Avatar

зочин 2019-10-14 66.181.161.117

Монгол гэж хэлэхэд хэцүү хүмүүс мэр сэр бнаа яах гэж зорилгодоо хүрэхээр мөн эх орон элгэн садан аав ээж ахан дүүсээ гээд зорилго тавин ирсэн 2 залуу гэр бүлийг хэлэх хэлэхгүй үгээр доромжилж бгаа юм бэ ингэж хүнийг муухайгаар хэлээд мөнгө өнгөөр дүүрч ходоод чинь цатгалан үр хүүхэд чинь эрүүл энх байж чадаж бна уу хөгцөрсөн соёлгүй бүдүүлэг боловсролгүй муу зангаа бүү гайхуул монголчууд бүгдээрээ дорой тэнэг хүмүүс биш гэдгийг сана уншсан хүн бүхэн чамайг ямар хүн гэдгийг ойлгон зэвүүцэж бна

Avatar

Зочин 2019-10-14 66.181.188.180

XAXA 2la huuhed onchruulson garuud tegsnee hosiin jor ch geh shig nuhur bol saihan babnik gar bnalee bi 2 nudeeree harj l bailaa…

Avatar

Жирийн үнэн нь гэвэл 2019-10-14 150.129.141.192

Тэнд олигтой амьдарч чадахгүй болоод л ирсэн хэрэг шүү дээ. Үнэхээр болоод байсан бол энэ муу муухай дүүрчихсэн Монголдоо яалаа гэж ирэхэв. Энэ комментууд дээр буй хараагсдыг ихэнх нь энэ хоёр шиг хүмүүс байгаа.

Avatar

Зочин 2019-10-14 103.212.117.203

Ажил хийж чаддаггүй болоод л …..

Avatar

Humuus yarij baigaa shigee hiij chadahuu? 2019-10-14 64.119.26.98

6-han jil bol dunguj ter orniig medej ehleh gej baisan bn. Bi eh nutgaasaa hol 11 jil amidarch bn. Haaya amraltaaraa ochood 1 sar hirtei amraad butsdag. Ene 2 shig youtube-iin baingiin undur orlogotoi bol zorigtoi ochij amidrahad yuhan baihav. End bi sanhuugiin baiguullagad ajildag. Medeej orlogo bol hamgiin chuhal tuunees gadna yanz buriin huchin zuil: batalgaatai huns, eruul agaar, chanartai emneleg surguuli, tohilog ochin zam teever, shudarga huuli zuin orchin, g.m.

Avatar

иргэн 2019-10-14 76.107.165.63

Баяр хүргэж сайн сайхан бүхнийг хүсье.

Avatar

Зочин 2019-10-14 202.9.42.27

Күй ээ! Ирээ л биз! Монголыг аварчихсан юм шиг юун сүртэй юм. Нээх мэдээ зэдээ тавьж ирээд л.хүний газар ямар олиг бдгийн!

Avatar

zochin 2019-10-14 116.45.175.249

ene muulaad bgaa humuust helhed ugaasaa eh ornoosoo oor orond amidarhaar eh orondoo eej aaw ah duu narinhaa hajuud amidarmaar bdin. hunii nutagt yamar baidgig medehgui baijiij olon yum hutsaj baihin. tiim l yum bol ta nar oorsdoo oor nutag ruugaa yawaach. chadahgui n baij

Avatar

Зочин 2019-10-14 139.5.217.65

Uursduu ulger jisheech baij busdad zuvluh heregtei, Ur huuhdee uuruusuu hol 6 jil bailgaj chadsan gedeg ni l ene huuhni baidal ni oilgomjtoi yum bish uu Unekheer bolovsrol undurtei, hel ustai bol gadaadad huluu olood amidarch bolno sh te Tiim bish l yum shig b a

Avatar

Youtube-iin orlogooroo l ajil hiihgui amidarch chadna 2019-10-14 66.181.165.168

Youtube-iin orlogo l gehed 150000 garan subscribe-tai yum chin sard dor hayaj $4000 – $5000 orj baigaa. Mongold ajil hiihgui baisan ch youtube-iin orlogooroo dajgui amidarna. Mongol tugruguur bol sar bur 13 saya orood baihad hen ch zorigtoi mongoldoo irne, tegeed mongol chin amidrah urtug arai hyamd yum chin. Tegeed l zorigtoi mongold amidrah geed irsen baihgui yu, tend uvchtei hun asarch, hool hiij shaardlagagui bolson

Avatar

Зочин 2019-10-14 149.205.250.155

mgl ees 150000 baitugaa 1 sayiig awsan h naad mungu chin orj irekhgui

Avatar

4-5000$ ch yu yum 2019-10-14 122.201.21.88

4-5000$ ch haashaa yum, tehdee youtube-s 150000 subscribe bol 2-3000$ bol orj baigaa baihaa. 2000$ ch orohgui gej hudlaa bitgii yariarai 2-oo

Avatar

Зочин 2019-10-14 73.92.12.67

Одоо монголд хэн эднийг тоож YT- д хандах вээ дээ, гадаадад байхад нь сонирхдог байлаа. Одоо монголын олон халтаруудтай ерселдеед л жил хурэхгуй дуусна.

Avatar

зочин 2019-10-14 202.21.127.170

баяр хүргэе. хүний газар боолын хөдөлмөр эрхэлж амьдрахаар төрсөн эх орондоо амьдарч ажиллах нь чи бол энэ нутгийн эзэн гэдгээр бахархах хэрэгтэй. хүний газар ажиллаж амьдарч сурч байхдаа сурсан мэдсэн зүйлээ эх орноо хөгжүүлэхэд хувь нэмэр оруулна гэдэг бурхны даалгавар. гадаадад байгаа монголчуудаа эх орондоо ирж эх орноо хөгжүүлэхэд чи хувь нэмрээ оруулаачээ. эх орон чинь чамаар дутаж чамайг үгүйлж байна гэдгийг сана саад бэрхшээл бол юуч биш байдаг л асуудал чагаад гэвэл чиний эх орон

Avatar

Зочин 2019-10-14 103.26.195.195

tegeel udahgui butsana doo end ymarch amidral alga

Avatar

Зочин 2019-10-14 213.196.250.149

Agaariin ym yrisan 2 alia daldagk ve bas od boloh mungu olon uhsen atsanii hosiin jor uursduu end tend huuhed unchiruulej hoorondoo suuchaad olon ym hutsah ymdaa

Avatar

Bod bod bas dahib bod 2019-10-14 202.55.188.42

Aldaj vzsen bolohoor hvmvvsg bitgii aldaasai oornh n aldaag dawtaasai gsndee l hiij bgaashvvde naanatai tsaanatai oilgooch
Ym gdg olon ontaogtshvde

Avatar

Bold 2019-10-14 213.196.250.149

Uhsen atsanii hosiin jor uursduu end tend huuhed unchiruulej hoorondoo suuchaad olon ym hutsah ym ene 2 nusan b** borivnii b***** sain arilgaj chadahgui baij zaluuchuudad amidral zaan gej yu baihavdee agaariin ym yriad ter sewddee jorlongoo ugaagaad ayga tavgaa uugaagaad bolson boloogui agaariin yriltslagaa hiigeed baij bisan deer bailgidee

Avatar

Зочин 2019-10-14 66.181.161.100

бүр хөдөө суманд гарч амьдарсан нь дээрдээ

Avatar

oo 2019-10-14 202.179.4.94

Тэнгэрээс иржээ. Болох байхаа ч гэх шиг хэхэхэхэхээххээ

Avatar

Зочин 2019-10-14 202.131.227.42

aan tegeed ugaasaa vizni hugatsaa ni duusaad l irsen bailguidee. saindaa bish

Avatar

why iim ym be 2019-10-14 202.131.225.53

very negative

Avatar

Зочин 2019-10-14 202.131.227.42

Uls orondoo hairtai durtaidaa irev uu esvel hel us, bolovsrol muutai uls bol tegeed harid ochij jorlon ugaaj, hog shuurdeh zereg end tendhiin tsagiin ajil gorilj niigmiin doodiin dood davharga bolj amidarch baisnaas endee ireed bair suuria olohiig hicheesen ni deer baih l daa hehe.

Avatar

Зочин 2019-10-14 202.21.107.244

Яаж ийм сөрөг байдаг юм бэ.

Avatar

Зочин 2019-10-14 202.55.188.88

eh orondoo irsen n mash zuv . manaihan zarim n shunaliin tulamnuud margaash uheh gej bai hari orond shunahii n yana . uhej hurdan dald orvol taarnaa. dev shingesen l******d baih yumaa

Avatar

Зочин 2019-10-14 2.248.187.70

"Гадаадад хөл гараа олоод амьдарч чадахгүй болохоор Монголдоо ирчээд их олон юм яриад " гэж бичсэн хүмүүст хэлэхэд " Залуучуудын эх орноо" гэж зорьж ирсэн хүсэл эрмэлзэлийг битгий хорон үгээрээ гутаа. Тэгээд ч хүний амьдрал , хүсэл мөрөөдлийг заах шүүх эрх танд байхгүй. Хүний нутагт цаг наргүй боолын ажлыг нь нугалж байгаагаа амжилтанд хүрлээ гэж бүү бод . Өтөл насандаа эх орондоо ийм зүйл хийсэн гэж үр хүүхдүүдийнхээ өмнө хэлэх үгтэй ам бардам амьдрах ёстой. Хичээж байгаа залуучууддаа амжилт

Avatar

Зочин 2019-10-14 83.97.157.201

Saihan bichsen bna. Gehdee gants wmyg eruusuu oilgohgvi bololtoi. Gadaad ad boolyn hudulmur erhelsenee amjiltand hvrlee gej bitgii bod gesentei sanal niilehgvi bna. Busad gazar yamar baidgiig medehgvi wm. Europt bol tednii irgedtei adilhan tsag ajillaj, tsalin avch bdag. Bi l gehed neg barilgyn kompanid ajilladag. Udriin 8 tsag, eeljiin amralt, 13,14 deh saryn tsalin, jil bvten ajillaad 4 sar sul zogsoh erhtei boldog. Sul zogsoltyn deed hugatsaa 24 sar. Ene ni 6 jil ajillaval 24 sar sul zogsoj

Avatar

Зочин 2019-10-14 83.97.157.201

24 sar sul zogsoj bolno gesen vg. Sul zogsoltoor ta tsalingiinhaa 70 huviig avaad l gertee hevtej bj bolno gesen vg l dee. 1500 eurony tsalintai bol 1050 euro 2 jil avna gesen vg. Ene ni ajillasan jildee orood yavdag 15 jil ajillaval tetgever avah erhtei bolno. Endhiin irgen bish ch blaa gesen. Manaid iim boolyn hudulmur bdag wm bolov uu? Deerees ni emneleg ni vne tulburgvi, ih deed surguuli ni vne tulburgvi. Hool hvnsnii vne manaihaas baga. Tamhi l tasarhai vnetei. Uur hvnd wu heregtei wm be?

Avatar

Зочин 2019-10-14 103.87.255.78

Эд нарын хаана амьдрах хэнд хамаа байнаа. өөрсдөө л төлбөртэй ярилцалга өгч нийтлүүлж байгаа. Өөрсдийгөө сурталчлах арга юм даа

Avatar

Зочин 2019-10-14 202.21.100.210

Та хоёр маш гоё харагдаж байна амжилт хүсье

Avatar

Зочин 2019-10-14 150.129.141.199

Дутуудуулжээ, хэдэн төг зээлээд ч хамаагүй хүүгээ татах ёстой байж. 5+ жил болж байж л тэр орны амьдралд дасч, аргаа олох магадлалтай. Дөнгөж эхлэх гэж байхад.орхиод ирждээ

Avatar

Иргэн 2019-10-14 172.58.139.149

Хаана ч явсан юу хийж байсан санах эх оронтой буцах нутагтай хүн шиг баян хүн байхгүй л дээ. Залуустаа амжилт хүсье. Зөв бодолтой хүмүүсийн ажил үйлс бүтэмжтэй байх болно.

Avatar

Хар ажил хиййдэг бол 2019-10-14 150.129.141.192

Харьд хар ажил хийдэг бол хэцүү л дээ. Харин хэл амтай, боловсрол мэргэжилтэй, тэндхийн хүнээс дутахааргүй ажилладаг бол яалаа гэж гэж шударга бус, авилгал, хээл хахуульд баригдсан, шүүх хууль хамгийн заваан, ядахад утаа униар, түгжрэл, хэрүүл амтай Монголд ирэх вэ дээ. Гэтэл энэ тэнэг монголчуудын комментийг хараарай.

Avatar

Зочин 2019-10-14 202.21.96.134

Яг үнэн. Цалин өндөр, шударга нийгэм, түгжээгүй, цэвэр агаар, хоол нь амттай хямд гээд

Avatar

Зочин 2019-10-14 66.181.187.46

МИНИЙ ХУВЬД ИРЭЭД Л ШУУД СТРЭСТСЭН. МЭДЭЭЖ ӨМНӨ НЬ АМЬДРААД Л БОЛООД БАЙСАН Л ДАА. ГЭХДЭЭ Л 10 ЖИЛИЙН ӨМНӨХТЭЙГЭЭ ЯАГ ХЭВЭЭРЭЭ ХӨГЖИЖ ДЭЭРДСЭН ЮМ Ч БАЙХГҮЙ, АВТУУС ХҮЛЭЭЖ НЭГ ЦАГ БОЛНО, ЧИХЭЛДСЭН АВТУУСАНД 2 ЦАГ ЯВНА, БӨӨН ТООС ШОРОО. БӨӨДИЙСӨН ХАР БАРААН ХУВЦАСТАЙ, БАРГАР ЦАРАЙТАЙ ХҮМҮҮС!!!

Avatar

Зочин 2019-10-14 64.119.24.142

Монголыг хэн өарчлөх юм хэн хөгжүүлэх юм монголчууд залуучууд эх орондоо амьдарч байж гар бие сэтгэл зүрхээрээ оролцож байж хөгжүүлэх ёстой шүү дээ ӨЧҮҮХЭН ХУВИЙН ТОХЬ ТУХ АЖ АМЬДРАЛААСАА ИЛҮҮ ГАРАХ ЗҮРХГҮЙ байж энд олон 7 юм бичих хэрэггүй

Avatar

З 2019-10-14 202.179.4.94

Чи өөрчлөөчээ. Эс бөгөөс зайлаач ээ цагаан царайтаа

Avatar

Зочин 2019-10-14 202.9.42.241

20-30 ЖИЛИЙН ӨМНӨ ГАДААДАД СУРЧ БАЙГААД АМРАЛТААРАА ЭХ ОРОНДОО ИРЭХЭД ЯГ Л ИЙМ ДҮР ТӨРХ УГТДАГ БАЙСАН ХЭВЭЭРЭЭ Л ЮМ БАЙНА ОДОО Ч ДОТОР НЬ ОРООД УУСЧДЭЭ ХӨӨРХИЙ ГЭЖ

Avatar

Ih medegch 2019-10-14 161.29.42.102

Hun hun uur shuudee, hen haana durtai gazraa amidarahad yu ni buruu gej….Neg l ih hund zaasan humuus baih yum

Avatar

иргэн 2019-10-14 66.181.177.178

зөв шийджээ залуус минь сайн байна. Амжилт хүсье.

Avatar

Зочин 2019-10-14 122.201.31.232

ТЭР САЙХАН ГАЗРААС ИРЖ Л БАЙДАГ . ДӨЧ ГАРСАН БИ ҮР ХҮҮХЭДҮҮДЭЭ БОДООД ЗӨРӨӨД ЯВНА ДАА.

Avatar

зочин 2019-10-14 66.181.169.116

хуримын зардлыг дийлэхгүй олон айл бий байх шүү дураараа ярих юм

Avatar

Зочин 2019-10-14 202.126.89.96

Сэтгэл байвал ах дүү, олон түмний буянаар болдог л юм. Даанч байхгүй байхгүй гээд сэтнэл гаргах хүн алгаа

Avatar

Зочин 2019-10-14 66.181.170.2

Маш зөв санагдаж байна, бич бас Америк орныг орхиод л ирж байлаа, хүмүүс миний тэнэгийг гайхаж л байсан, гэхдээ би өөрөөрөө бахархдаг

Avatar

Зочин 2019-10-14 103.229.122.159

Гол нь Монголыг гаднаас ирсэн монголчууд л илүү засч өөрчилж, хөгжүүлнэ гэдгийг хүмүүс ойлгохгүй, харахгүй, хүлээн зөвшөөрөхгүй байгаа юм.
Энд байсанууд, төрд байсаар байгаанууд нь биш, орос хятдууд ч биш гадагшаа явж үзсэн хүмүүс л бурууг засч, хөгжүүлж чадна.
Анх баруун яваад ирсэн хүмүүс ч тухайн үедээ улс орныг хөгжүүлж байсан.
Тиймээс гадаадад байгаа Монголчууд олноороо ирэх нь зөв, тэгж байж улс хөгжинө.

Avatar

ззз 2019-10-14 103.14.38.144

эх орон элгэн садан ээж ааваас өөр сайхан юм хаана байхав дээ, авилгал,гүй шударга ёс, газрын ддорхи баялгаа нэгэнт ухсан бол тэгш хувиарлах нь дээр дээ. уг нь газраа ухаад өөдлөхгүй л дээ. мал аж ахуйгаа өөд татаад явбал сэхэх нь дээр. боловсрол, хүүхдийн хүмүүжил их чухал. дээр нь эрүүл амьдрах орчин.

Avatar

Zochin 2019-10-14 122.201.31.158

Ern chuluu gedgiig eh orondoo l mederdeg, hari oron hugjiltei saihan bolovch eh oron iluu iluu

Avatar

Хөл гараа олоогүй 2019-10-14 203.91.116.98

Шведэд 6-хан жил амьдарсан юм байна. Хөл гараа олоогүй байх л даа. Түүнээс биш тэнд үнэлэгдэх боловсрол, мэргэжил, хэл устай бол Монголын энэ амьдралд юунд нь татагдах вэ дээ. Байдаг л нөгөө монголчууд. Ийм коммент бичсэнд уучлаарай, гэхдээ үнэн нь энэ.

Avatar

Зочин 2019-10-14 66.181.167.239

Hun bolgon cham shig "uyanaasaa alduursan nohoi" shig baihgui shu de. Hul garaa olood heden jil ajillasan chin eh orondoo butsaj irehed uneheer "muu" ch gesen eh oron mini uur baidag um da…

Avatar

Зочин 2019-10-14 150.129.141.199

6 жил амьдраад гудасны мөнгөтэй ирсийн бишүү, аав ээж нь авч өгч бас болох юм. 6 жил гадаадад амьдарчихаад бид монголдоо ирлээ ч гэх шиг. 30 жил болоод ирсэн юм байх, яанадаа гэж бодлоо. 25 тайдаа явж 6 жил болсон юм байна. Монгол хэлээ мартсан байх вийдээ. Баруунд мөнгөтэй болох хэцүү нь хэцүү, гэхдээ яриа хөөрөө нь бишээ биш

Avatar

зочин 2019-10-14 64.119.24.142

Тань шиг хүмүүс холхон байсан нь дээрээ бэртэгчид хаана ч амьдарсан адилхан

Avatar

Зочин 2019-10-14 92.223.73.142

harin ch hol garaa olood irsen bololtoi. odoo ooriin blogooroo sweded baisanaas ihiig oloh biz.

Avatar

хх 2019-10-14 202.179.4.94

Монгол эх орон минь дэндүү сайхан юун чиниЙ америк ВЭ ЭЦЭГ ЧИНЬ ИЧМЭЭР

Avatar

Zochin 2019-10-14 67.81.189.74

Abilgaliig ni ustgaad,agaar,us ni tsever bol saihan l nutag

Avatar

Зочин 2019-10-14 64.119.16.63

Маш зөв ярьж байна. Монголд маш их боломж байгаа. Бид эндээ ажиллаж, хөдөлмөрлөж ихийг бүтээж орон зайгаа эзлэх хэрэгтэй. Гадаад гараад 2 нарны хооронд боолын хар ажил хийнэ шүү дээ. Олсон хэд нь байр хоолондоо таарна шүү . Би сонсож байсан . Солонгос руу байраа зараад ажил хийх гэж яваад буцаж ирээд байр ч үгүй, гэр бүл ч үгүй болсон ганц нэг тохиол.
Ажил хүнийг голно. Монгол орныг монголчууд бид нар л хөгжүүлнэ.

Avatar

хол очиж х** 2019-10-14 202.126.89.48

Энэ хоёрыг хэн хаанаас барьж аваад тийшээ аваачиж боолчилсон юм. өөрсдөө сайн дураараа л явцгаасан.Мөн тэндээс хэн ч хөөгөөгүй. Өөрсдөө л эргэж ирсэн. Үг олж ярь. Харин энд чам шиг юмнууд л жинхэнэ боолчилж байгаа. Ямар ч хөдөлмөрийн гэрээ байгуулахгүй ажиллуулчихаад хоногийн хоолоо залгахтай үгүйтэй цалин өгчихөөд дургүй нь хүрвэл хөөгөөд явуулчихдаг биз дээ, муу МАНАН-гийн шаар аа.

Avatar

Болормаа 2019-10-14 122.201.31.243

Энэ дэлхийн олон орноор явж үзлээ. Монгол орон минь хамгийн сайхан нь шүү.

Avatar

монгол хүн 2019-10-14 66.181.186.200

монгол шиг сайхан орон хаана байнаа

NewsMN Гар утасны хувилбар Татах
NEWS.mn

Мэдээллийн эх сурвалж