Том, жижиггүй утсаа “мааждаг” болсон энэ үед эцэг эхчүүдийн хувьд хүүхдээ унтуулах нь “толгойны өвчин” болж хувирдаг гэхэд хилсдэхгүй. Ээж аавууд хүүхдийнхээ унтах орчныг бүрдүүлж өгөх хэрэгтэй. Телевизээ унтраах, гэрлээ бүдгэрүүлэх, унтлагын хувцсыг нь өмсгөх, шүдээ угаах, ном унших, мэдээж утсыг “нуух” зэрэг нь орчин бүрдүүлэхэд орно.

Нэгэнт эрт унтаж хэвшээгүй хүүхэд эцэг эхийн тэвчээрийг барж, орондоо хөрвөөх нь дамжиггүй. Ийм үед тайван хүлээцтэй хандаж чадвал таны хүүхэд тогтмол цагт, эрт унтаж хэвших болно. Хүүхдийн эмч нарын зөвлөснөөр, хүүхэд их унтах тусам өндөр, чийрэг болдог аж. Аль ч насны хүүхэд хамгийн багадаа 10-12 цаг унтах ёстой. Тиймээс хүүхдээ оройн 21:00-22:00 цаг гэхэд унтуулах нь хамгийн тохиромжтой юм.

Б.ЦЭЦЭГ