Монгол Улсын тогтвортой, хүртээмжтэй хөгжлийг дэмжихэд АНУ нэмэлт тусламж үзүүлнэ | News.MN

Монгол Улсын тогтвортой, хүртээмжтэй хөгжлийг дэмжихэд АНУ нэмэлт тусламж үзүүлнэ

Хуучирсан мэдээ: 2019.10.11-нд нийтлэгдсэн

Монгол Улсын тогтвортой, хүртээмжтэй хөгжлийг дэмжихэд АНУ нэмэлт тусламж үзүүлнэ

Монгол Улсын тогтвортой, хүртээмжтэй хөгжлийг дэмжихэд АНУ нэмэлт тусламж үзүүлнэ

АНУ-ын Олон улсын хөгжлийн агентлаг /АНУ-ын ОУХА/ болон Монгол Улсын Сангийн яам хоорондын хэлэлцээрийн дагуу Монгол Улсад сайн засаглал болон хуульт ёсыг дэмжсэн, найдвартай, ашигтай, хүртээмжтэй эрчим хүчний, мөн хувийн хэвшилд суурилсан тогтвортой эдийн засгийн өсөлтийг дэмжих шинэ хөтөлбөрүүд хэрэгжүүлэхэд зориулан хоёр орны хамтарсан түншлэлийн гэрээнд нэмэлт 17 тэрбум төгрөг (6.4 сая ам. доллар) олгохоор болсныг АНУ-ын Засгийн газар өчигдөр /2019.10.10/ зарлалаа.

Монгол улс дахь АНУ-ын Элчин сайд Майкл Клечески энэ үеэр “Монгол улсын Засгийн газар, ард түмэнтэй хамтдаа тогтвортой бөгөөд хүртээмжтэй хөгжлийг дэмжиж байдагтаа Америкийн Нэгдсэн Улс бахархаж байна” гэж онцлон тэмдэглэв. “Ардчиллыг дэмжигч стратегийн түншүүдийн хувьд, бэхжиж буй түншлэлийн үр дүнд бүс нутагт энх тайван, хөгжил цэцэглэлт болон тогтвортой байдлыг дэмжих хамтын ажиллагаа гүнзгийрэх болно” гэж тэрээр мөн хэлэв.

АНУ-ын ОУХА уг нэмэлт санхүүжилтээр жижиг дунд үйлдвэрийг (ЖДҮ) дэмжин Монголын эдийн засгийг төрөлжүүлэн хөгжүүлэхэд туслана. АНУ-ын ОУХА-ийн зүгээс ЖДҮ хөгжин дэвших таатай орчин бүрдүүлэх, үүнд бизнесийн санхүүжилтийг хялбаршуулах, компаний засаглал сайжруулах, эмзэг аж ахуйн нэгжүүдэд бага хэмжээний буцалтгүй тусламж олгох зэргээр засгийн газар болон хувийн хэвшлийн байгуулагатай хамтран ажиллана.

Мөн АНУ-ын Засгийн газар Монгол улсын Сангийн яамтай хамтран монгол иргэдэд зориулсан эдийн засгийн хэмнэлттэй, байгаль орчинд ээлтэй, чанартай эрчим хүчний хүртээмжийг нэмэгдүүлэх болно. АНУ-ын ОУХА эрчим хүчний үр ашигтай байдал зэргийг шингээсэн шинэ дэвшилтэт технологи нэвтрүүлэх, цахилгаан хангамжийг сайжруулах, хувийн хэвшлийн оролцоог нэмэгдүүлэхэд туслалцаа үзүүлнэ.

АНУ-ын Засгийн газар, түүнийг төлөөлж буй АНУ-ын Олон улсын хөгжлийн агентлагаар дамжуулан Монгол Улсад ардчилал, тогтвортой хүртээмжтэй эдийн засгийн хөгжил болон Монгол улсын тусгаар тогтнолыг дэмждэг. АНУ-ын ОУХА өөрийн LEAD хөтөлбөрөөрөө ардчиллыг Монголд хөгжүүлэх шинэ үеийнхэний манлайлагчдыг тодруулан гаргаж ирэхэд туслаж байна. АНУ-ын ОУХА өмнө хэрэгжүүлсэн төслийн хүрээнд жижиг дунд үйлдвэрлэгч нарт зээл авахад туслалцаа үзүүлэн санхүүгийн байгууллагатай холбож өгснөөр 750 үйлдвэрлэгчдэд зээл амжилттай олгогдож, үр дүнд нь тэдний хөрөнгө оруулалт 20 дахин нэмэгдэн 600 гаруй ажлын байр шинээр үүссэн билээ.

Эх сурвалж: АНУ-ын ЭСЯ

Энэ мэдээнд өгөх таны сэтгэгдэл?
5
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-11 202.55.188.44

Энд тэнд том гүрнүүдийн дунд их хэмжээний зээл авч өрөнд орж Иран шиг асуудалд хутгалдах вий гэж санаа зовж байна шүү.

NewsMN Гар утасны хувилбар Татах
NEWS.mn

Мэдээллийн эх сурвалж