Казахстаны Астана хотноо болж буй жүдо бөхийн насанд хүрэгчдийн ДАШТ гурав дахь өдрөө үргэлжилж байна.

Эмэгтэйчүүдийн 57 кг-ын жинд барилдаж буй ОУХМ Д.Сумъяа дагах барилдаанд Португалын М.Телмаг хожиж, хүрэл медалийн төлөө барилдах эрхийг авлаа. Дэлхийн аваргын дөрвөн мөнгө, нэг хүрэл медальтай Телма гар хөшиж үүрэх буюу хориотой мэх хийсний улмаас хожлыг манай бөхөд өгсөн юм.

Мөн эрэгтэйчүүдийн 73 кг-ын жинд барилдаж буй С.Ням-Очир Израилын Муки Сагиг, Г.Одбаяр Унгарын Миклос Унгвариг дагах барилдаанд хожиж, хүрэл медалийн төлөө барилдахаар болоод байна.

Ийнхүү өнөөдөр манай дөрвөн бөх Астанагийн татамид барилдсанаас гурав нь шөвгийн наймд үлдэж, улмаар хүрэл медалийн төлөө барилдахаар боллоо.

Ч.БОЛОР