Санхүүжилтийг нь нэмээд “Үдийн цай” сайжрах уу? | News.MN

Санхүүжилтийг нь нэмээд “Үдийн цай” сайжрах уу?

Санхүүжилтийг нь нэмээд “Үдийн цай” сайжрах уу?

Санхүүжилтийг нь нэмээд “Үдийн цай” сайжрах уу?

Засгийн газар Монгол Улсын 2020 оны төсвийн  төслийг боловсруулахдаа нэг хүүхдэд өдөрт 900 төгрөг ногдож байхаар тооцон, “Үдийн цай” хөтөлбөрийн санхүүжилтийг нэмэгдүүлсэн.  УИХ-аас ирэх оны төсвийн хуулийг баталснаар ерөнхий боловсролын сургуулийн I-V ангийн сурагч өдөрт 900 төгрөгт багтсан үдийн цайтай болно.

Гэвч дээрх хөтөлбөрт эцэг, эхчүүд хяналт тавьж ажиллахгүй бол төсөв нь бага нэрийн дор хүүхдийн “Үдийн цай”-нд чанарын баталгаа хангаагүй бүтээгдэхүүн нийлүүлдэг муйхар арга зогсохгүй нь ээ.

Жишээ татвал, уржигдар /2019.10.9/ нийслэлийн ерөнхий боловсролын 79 дүгээр сургуулийн сурагчдын “Үдийн цай” -нд хатсан талх нийлүүлэгдсэн талаарх мэдээлэл цацагдаж шуугиулсан. Энэхүү мэдээллийн мөрөөр  Нийслэлийн Мэргэжлийн хяналтын газраас “Инж-Ану” компанийн үйл ажиллагааг зогсоолоо. Хаяг шошгогүй, хаана үйлдвэрлэсэн нь тодорхойгүй боорцог нийлүүлсэн, барилгын зориулалтаар ашигладаг хуванцар саванд хадгалсан тараг хүүхдэд өгч байсан гээд бичвэл урт жагсаалт болно.

Хичээлийн шинэ жил эхэлсэн үеэс Нийслэлийн Мэргэжлийн хяналтынхан сургуулиудад шалгалт хийж, зөрчилтэй аж ахуйн нэгжүүдэд торгууль ногдуулж байгаа ч “Үдийн цай” хөтөлбөр даган гарах зөрчил буурахгүй байна. Өөрөөр хэлбэл, эцэг, эхчүүд “Үдийн цай” хөтөлбөрт хяналт сайн тавьж ажиллахгүй бол төр нь санхүүжилтийг нэмэгдүүллээ ч “Үдийн цай” –ны чанар сайжрах төлөв харагдахгүй байгаа юм. Харин ч тендерт ялсан аж ахуйн нэгж, сургуулийн захирал, Засаг даргын халаасыг түнтийлгэдэг бизнес болж хувирах эрсдэл үүссэн. Учир нь сургууль бүрт “Үдийн цай” нийлүүлэх компанийг сонгон шалгаруулах эрхийг олгосон нь танил тал харж хийгддэг ажил болж хувирч мэдэхээр болгожээ.

Сургуулийн захирлыг Засаг дарга нь томилдог хуультай. Энэ нь тухайн сургуульд Засаг дарга боловсон хүчний шахаа хийхээс гадна “Үдийн цай” хөтөлбөрөөр дамжуулж бизнесийн  ашиг хонжоогоо зузаатгах суваг ч болж хувирсан гэж хэлж болно.

Хэдэн жилийн өмнө сургуулийн захиргаа нь “Үдийн цай” хөтөлбөр нийлүүлэгчийг сонгон шалгаруулдаг байхад сумын Засаг даргынх нь найман барааны дэлгүүрээс “Үдийн цай” хөтөлбөрийн бүтээгдэхүүнийг нийлүүлдэг жишээ гарч байсан билээ.

Бүтээгдэхүүнийх нь үнэ зах зээлийн үнээс өндөр, чанар муутай байлаа ч “Авахгүй” гэж хэлэх эрх сургуулийн захиралд байхгүй. Хэрэв ийм хэл ам хийвэл Засаг дарга сургуулийн захирлыг шууд чөлөөлнө. Харин “Үдийн цай” –нд нийлүүлж буй бүтээгдэхүүнийг нь үг дуугүй аваад байвал нам нь сонгуульд ялагдахгүй л бол албан тушаалаа хэвээр хашна.

Энэ сарын эхээр нийслэлийн нэгдүгээр сургуулийн сурагчид үдийн цайндаа хордсон байж болзошгүй асуудал ч хөндөгдөж байлаа. Гэхдээ энэ сургуулийн багш нар сурагчдад хаяг шошгогүй, хаана үйлдвэрлэсэн нь тодорхойгүй бүтээгдэхүүн нийлүүлэгддэг болохыг нийгмийн сүлжээгээр дамжуулан цацсанаар “Үдийн цай” хөтөлбөр даган гарч байгаа “но” илэрсэн юм. Сургууль бүр эмчтэй. Гэвч дээрх сургуулийн захирал нь эмчээ “Үдийн цай”-ны боовыг тараахгүй бол ажлаас хална гэх зэргээр дарамталсан байдаг. Харин тараасан гурилан боов нь шинжилгээний бичиггүй, хаана үйлдвэрлэсэн нь тодорхойгүй. Хөтөлбөрт анхаарал тавьж, чанартай хоол хүнс нийлүүлэгдэж байна уу гэдэгт анхаарал хандуулах ёстой атал эсрэгээр ажилласан байдаг. Энэ бол зөвхөн ганц жишээ. Өөр хэчнээн сургуульд ямар алдаа завхрал гарч байгааг хэлэх боломжгүй. Шалгалт хийхэд л хэдэн арван зөрчил илэрдэг. Зөрчлөө арилгах хугацаа өгдөг, засдаг нэгэн байхад залруулдаггүй нь ч байна.

Улаанбаатар хотын хэмжээнд өнөөдрийн байдлаар 217 сургуульд “Үдийн цай” хөтөлбөр хэрэгжиж байна. Хэдийгээр уг хөтөлбөрөөс унах унц, ашиг бага гэдэг ч сургууль бүр хөтөлбөр хэрэгжүүлэх аж ахуйн нэгжийг тодруулдаг арга барилыг өөрчлөхгүй бол сургуулийн захирал, Засаг дарга нарын үзэмжээр “Үдийн цай” хөтөлбөрийн нийлүүлэгчид тодордог жишиг тогтоож мэдэхээр байна.

Г.ХОРОЛ

 

 

"Болор дуран"-аар шалгав.
Энэ мэдээнд өгөх таны сэтгэгдэл?
6
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-11 115.65.93.30

Юу ч өөрчлөгдөхгүй нь тодорхой, харин зарим хүмүүсийн хэтэвч зузаарах уу? Эцэг эх нь хүүхдийнхээ хоол цайг бэлтгээд өгч явуулаад сургууль дээр хооллох цаг, орчин нөхцлийг нь хангаад өгвөл зөв биш үү? Ямар ч баталгаагүй хоол цай өгч байгаа биш үү? Чихэр сахар, бүх төрлийн амтлагч, халуун ногоо, бүх төрлийн гоймон, нөөшилсөн давсалсан даршилсан лаазалсан хүнс, цагаан гурил будаа хүүхдэд огт өгч болохгүй биз дээ? эдгээр нь хорт хавдрыг үүсгэгч биш үү?

Avatar

Зочин 2019-10-11 59.153.113.41

Udiin tsaind yag yu uguh ve gadiig juamlaad orts normiig n todorhoi gargah heregtei. Hiih jor technologiig n huryel standartchilj bolno. End tiriin zahirgaaniihan ajilaa hiihgui baina

Avatar

Туул 2019-10-11 103.229.121.165

Сайжрах нь худлаа ш тээ. Одоо цайны газар нь сургуулиудын захирлын мэдэлд очсон гээд тэд нар нь өөрсдийн болсон болоогүй хүмүүсээ цайны газартаа ажилуулж захирлуудын халаас л түнтийнэ. АТГ ажлаа хиймээр

Avatar

684654654 2019-10-11 202.21.108.89

эцэг эхээс н хоолны мөнгий н аваад хүн шиг хоол идүүлэл дэ. Монгол гуйлгачин улс юм байжээж юүн баярхуу юмбдээ хэхээ

Avatar

Зочин 2019-10-11 66.181.184.171

бага ангид үдийн цай хэрэггүй юм бна. Харин баталгаатай баавгайтай чихэр 2-ыг өгдөг байхад л болох юм бна.

Avatar

Зочин 2019-10-11 66.181.184.171

Бага ангид үдийн цай хоол хэрэггүй юм бна даа. Харин баталгаатай баавгайтай чихэр 2-ыг өгдөг байхад хангалттай.

Avatar

yaraltai oop nereer email need olon ylcad cetgegdel bicheerei,nyyts ygee martvaaaaaa666 2019-10-11 107.77.165.6

oyd

Avatar

aimshigtai,shynsl,UBCHin,alyyrchin xylgsich,zasaglalryy 2019-10-11 107.77.165.6

erunxiilugchiin xylgsildag

Avatar

southmoor,dayton 2019-10-11 107.77.165.6

ene2 xylgaich denvert walmartad yabnalee

Avatar

symiixan symashedlj shynaj xylgailj bn,evdej bn, 2019-10-11 107.77.165.6

Symiin Ard barsyg oposk dim 2 kolkoziin Booliin galzyygiixaa tsai,kolkoziin buusteiMagdonaldos,tser,tsystai kofegoo,Booliin baastai fankakee ugux baixdaa,yriin shingentei mopojn

Avatar

Зочин 2019-10-11 202.21.99.42

Реклам нь л нэмэгдэнэ. Эзэнд очих ашиг л нэмэгдэнэ. Хүүхдийн ходоодонд орох илчлэг нэмэгдэхгүй л болов уу даа. Энэ бизнесийг төрийн албаныхан өөрсдөө хийдэг болохоор

Avatar

Saijrahgui 2019-10-11 122.201.21.88

Said darga nariin ideh ni nemegdene

Avatar

Зочин 2019-10-11 150.129.141.199

Гал тогоогүй сургуульд караокед ороод гарахдаа хийсэн хэдэн ороомог л оруулж өгнө. Энийгээ болиод гадныхан шиг эцэг, эх нь өдрийн хоолыг нь бэлдэж явуулаад цайны цагаараа идэхэд болно. Хүүхэд хордуулдаг, цатгахгүй байгаа мөнгийг хүүхдэд ганц нэг театр, музей, кино үзүүлж номын санг нь сайжруулахад зарцуулъя. Орчин үеийн залуус маань театр, урлаг гэдгийг хошин шогоор төсөөлж бна.Эцэг, эх болсон улс байна,хүүхдийнхээ төлөө жаахан бие, сэтгэлээ чилээхгүй бол болохгүй, хоолыг нь аав ээжид даатгачих

Avatar

ХУУЛЬЧ 2019-10-11 192.82.64.190

ТЭР АЖЛЫГ ЗОХИОН БАЙГУУЛЖ ДАЛИМАНД НЬ ӨӨРИЙНХӨӨ ХАРМАЙГ ТӨӨНДИЙЛӨГДӨГ НАМАНЦААС ТОМИЛОГДСОН НӨХДӨӨС САЛВАЛЧ ХҮҮХДҮҮД ЧАНАРТАЙ ҮДИЙН ЦАЙ ИДНЭ ДЭЭ ,,,,,ЭНЭ ТОМИЛГОО ТҮҮНИЙ БАГТ ИХ ЮМ БИЙ ДЭЭ ,,,,ТЭДНИЙГ ДИЙЛЭГҮЙ Л ДЭЭ ???

Avatar

Зочин 2019-10-11 202.179.26.107

900 ТӨГРӨГӨНД НЭГ САЙХАН ТАРГАН ХУУШУУР АЯГА БОР ЦАЙ ӨГӨХӨД АШИГ УНАЖ Л ТААРНА. ТОС ӨӨХӨНД ЧАНАЖ ШАРСАН ЭРҮҮЛ БИШ ХООЛ ГЭХ БАЙХ. НЭГ ЧАНАСАН ӨНДӨГ ХОЁР ГУРВАН ЗҮСЭМ ХЭРЧИМ НОГОО НАВЧ БОЛОХ Л ЮМ ШИГ САНАГДААД БАЙНА. ХАТСАН ТАЛХ ГЭВЭЛ АРАЙ ДЭНДЭНЭ.

Avatar

Зочин 2019-10-11 139.5.219.120

Сургуулиудад хоол хүнсний бүтээгдэхүүн нийлүүлдэг компаниар дамжуулах нь зүйтэй. Эдгээр компани стандартын дагуу хүнс бэлтгэж нийлүүлдэг байх ёстой. Яагаад жил бүр ийм асуудал гардаг юм бэ. үүнийг шийдэж болдоггүй юм уу, боловсролын яам ер нь дампуураад байна даа.Хүүхдийн сурах бичиг байхгүй л гэнэ. хоол хүнснээс хордлоо л гэнэ, яагаад өөдийн хүртэл асуудлыг шийдэж чадахгүй байна.

Avatar

иргэн 2019-10-11 66.181.177.178

Сайжрахгүй. бүр хасах хэрэгтэй. Өөр замаар хүүхэд эцэг эхэд тусал. Монголчууд үнэнч үйлчилж хариуцлага хүлээх хүмүүжил чадваргүй болсон. Өөрийнхээ хүмүүсийг өөрсдөө өвчлүүлж муу хандаж байна. Зөвхөн мөнгөний төлөө…

NewsMN Гар утасны хувилбар Татах
NEWS.mn

Мэдээллийн эх сурвалж