Будапештийг зорих бөхчүүдээ сонгов | News.MN

Будапештийг зорих бөхчүүдээ сонгов

Будапештийг зорих бөхчүүдээ сонгов

Будапештийг зорих бөхчүүдээ сонгов

Бөхийн төрлүүдийн 23 хүртэлх насны Дэлхийн аварга шалгаруулах тэмцээн аравдугаар сарын 28-наас арваннэгдүгээр сарын 3-нд Унгарын нийслэл Будапештэд болно. Тус тэмцээнд оролцох Монголын баг тамирчдыг сонгох сонгон шалгаруулах тэмцээн өнөөдөр “Хасу-Мегаватт” компанийн “Эко” спорт цогцолборт боллоо.

Тэмцээнд нийт 18 байгууллагын 126 тамирчин эрэгтэй, эмэгтэйчүүдийн тус бүр 10 жинд өрсөлдөв. “Нур-Султан-2019” ДАШТ-ий хүрэл медальт Б.Болортуяа, ДАШТ-ий тавдугаар байрын шагналт Б.Бямбадорж, Азийн АШТ-ий мөнгөн медальт, өсвөр үеийн Азийн аварга З.Занабазар, 23 хүртэлх насны ДАШТ-ий хүрэл медальт Г.Ганхуяг, Ц.Намуунцэцэг, залуучуудын ДАШТ-ий мөнгөн медальт Э.Дэлгэрмаа, Б.Халиунаа, Н.Анударь, хүрэл медальт Н.Насанбуян, Э.Тэмүүлэн, Б.Энхцэцэг, залуучуудын олимпийн наадмын хүрэл медальт Т.Оюун-Эрдэнэ, өсвөр үеийн ДАШТ-ий мөнгөн медальт Д.Отгонжаргал, 23 хүртэлх насны Азийн аварга Ө.Пүрэвсүрэн, Б.Хонгорзул, медальт М.Лхагвагэрэл, Ц.Чинзориг, Т.Мөнгөншагай, Х.Болортуяа, П.Отгонбаяр, Н.Загардулам, Д.Цогзолмаа, залуучууд, өсвөр үеийн Азийн АШТ-ий медальт Э.Бямбадорж, Б.Түмэнцогт, Э.Даваанасан, Б.Чимгээ тэргүүтэй Монголын чөлөөт бөхийн залгамж халаа болсон залуу хүчтэнүүд хүч үзсэн юм.

Эрэгтэйчүүдийн 57 кг-ын жинд З.Занабазар (Хилчин), 61 кг-д Ц.Чинзориг (Хангай хүчтэн), 65 кг-д А.Мөнх-Эрдэнэ, 70 кг-д Э.Тэмүүлэн (хоёул Хасу-Мегастарс), 74 кг-д Б.Бямбадорж (Алдар), 79 кг-д Д.Батзул (Хасу-Мегастарс), 86 кг-д Г.Ганхуяг (МУБИС), 92 кг-д Б.Билгүүн (Хасу-Мегастарс), 97 кг-д Э.Батмагнай (Баянхонгор), 125 кг-д М.Лхагвагэрэл (Аварга), эмэгтэйчүүдийн 50 кг-д Ц.Намуунцэцэг (Хасу-Мегастарс), 53 кг-д Н.Анударь (Хилчин), 55 кг-д Б.Болортуяа (Женко), 57 кг-д Б.Хонгорзул (Баянхонгор), 59 кг-д П.Отгонбаяр (Женко), 62 кг-д Х.Болортуяа (Аврагч), 65 кг-д Ө.Пүрэвсүрэн (Баянхонгор), 68 кг-д Э.Дэлгэрмаа (Хасу-Мегастарс), 72 кг-д Э.Даваанасан, 76 кг-д Г.Ариунжаргал (хоёул Алдар) жин тус бүртээ түрүүлж Будапештийн дэвжээнд зодоглох эрхтэй боллоо.

Эх сурвалж: МОНГОЛЫН ЧӨЛӨӨТ БӨХИЙН ХОЛБОО

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-10 66.181.161.26

Залуу жуулчид газар узэхээр явж байгаа юм биз дээ, хурдхан шалаа арчичихаад л гадуур тэнэх беен хусэл улс л байгаа биз дээ

Avatar

Батсайхан 2019-10-10 103.10.22.102

Дэлхийн аваргад явахаар маргаантай байсан 53 кг-ийн М.Пүрэвтунгалаг энэ тэмцээнийг өнжсөн үү? Сорилд оролцсон юм уу? Энэ жинд Хилчингийн Анударь явахаар болсон байна.

NewsMN Гар утасны хувилбар Татах
NEWS.mn

Мэдээллийн эх сурвалж