Хятадын засгийн газраас Бээжингийн эсрэг чиглэсэн үйл ажиллаагаа явуулдаг бүлэглэл, байгууллагатай харилцаатай АНУ-ын иргэдэд визний хориг тавихаар төлөвлөж байна. Хятадын олон нийтийн аюулгүй байдлын яамнаас мэдээлснээр АНУ-ын тагнуулын алба, хүний эрхийн байгууллагуудаас санхүүждэг эсвэл ажилтныг Хятадад хөл тавихыг хязгаарлахаар ажиллаж байгаа аж.

Өмнө нь өнгөрсөн тавдугаар сард АНУ-аас Хятадын “Huawei” компани болон түүний 70 охин компанийг хар жагсаалтад оруулж, албаныханд визний хориг тавьсан юм. Дараа нь өнгөрсөн долоо хоногт Шинжаан-Уйгур дахь Бээжингийн үйл ажиллагааг эсэргүүцэн АНУ-аас Хятадын аюулгүй байдлын албаны 20 хүнийг визний хоригт оруулжээ.

АНУ-ын иргэд Хятадад очихдоо виз авдаг бол Хонгконг руу визгүй зорчдог аж.

Эх сурвалж: Reuters