Эрүүгийн хуульд орж байгаа гол өөрчлөлтүүд юу вэ? | News.MN

Эрүүгийн хуульд орж байгаа гол өөрчлөлтүүд юу вэ?

Эрүүгийн хуульд орж байгаа гол өөрчлөлтүүд юу вэ?

Эрүүгийн хуульд орж байгаа гол өөрчлөлтүүд юу вэ?

News агентлаг долоо хоног бүрийн Пүрэв гаригт "Яам агентлагаар сонин юу байна вэ" буланг хүргэдэг билээ. Бид энэ удаад Хууль зүй, дотоод хэргийн яамнаас өргөн баригдсан хуулийн төслүүдийг онцолж байна. Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай, Шүүхийн шийдвэр гүйцэтгэх тухай хуульд нэмэлт, өөрчлөлт оруулах тухай болон холбогдох бусад хуульд нэмэлт, өөрчлөлт оруулах тухай хуулиудын төслийг Хууль зүй, дотоод хэргийн сайд Ц.Нямдорж өргөн барьж, өнгөрөгч баасан гаригийн чуулганы хуралдаанаар хэлэлцэх эсэхийг нь дэмжсэн билээ.

Энэ удаагийн Эрүүгийн хуулийн нэмэлт, өөрчлөлтөөр нийгэмд маргаан дагуулж буй гэмт хэргийн хөөн хэлэлцэх хугацааг өөрчлөх боломжтой гэдгийг зарим УИХ-ын гишүүн хэлж байгаа. Тодруулбал, гэмт хэргийг хөөн хэлэлцэх хугацаа тоолох зохицуулалтыг зөрчлийн хугацаа тоолох зохицуулалттай уялдуулах, улмаар зарим гэмт хэрэгт хөөн хэлэлцэх хугацаа тоолох зохицуулалтыг боловсронгуй болгоно гэж хуулийн төсөлд тусгажээ.  Үүнээс гадна өөр ямар өөрчлөлтүүд Эрүүгийн болон Зөрчлийн хуулиудад орж байгааг дэлгэрэнгүйгээр хүргэж байна.


ХӨӨН ХЭЛЭЛЦЭХ ХУГАЦААТАЙ ХОЛБООТОЙГООР:

-Татвараас төлөхөөс зайлсхийх гэмт хэргийг хөөн хэлэлцэх хугацаа  гэмт хэрэг үйлдсэн өдрөөс хойш таван жил байх ба гэмт хэрэг үйлдсэн өдрөөс эхлэн яллагдагчаар татах хүртэл хугацааг тоолно.

-Хуулийн этгээдийн нэрийн өмнөөс, хуулийн этгээдийн ашиг сонирхлын төлөө гэмт үйлдэж энэ хуулийн тусгай ангид хуулийн этгээдэд эрүүгийн хариуцлага хүлээлгэхээр заасан бол тухайн зүйл, хэсэгт заасан гэмт хэргийн хөөн хэлэлцэх хугацаатай адил байдлаар хөөн хэлэлцэх хугацааг тоолно.

БИЕЭ ҮНЭЛЭХИЙГ ЗОХИОН БАЙГУУЛАХ:

-Бусдыг биеэ үнэлэхэд зуучилсан, татан оролцуулсан бол зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.

-Биеэ үнэлэх газар байгуулсан, санхүүжүүлсэн, биеэ үнэлэхийг зохион байгуулсан, тээврийн хэрэгсэл, орон байр, бусад зүйлээр үйлчилсэн бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.

-Энэ гэмт хэргийг зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар  хорих ял шийтгэнэ.

ГҮТГЭХ:      

2017 оноос өмнө нь гүтгэх үйлдлийг Эрүүгийн хуулиар зохицуулж байсныг хасч, Зөрчлийн тухай хууль руу оруулсан ч энэ удаад Эрүүгийн хуульд гүтгэх үйлдлийг буцааж оруулжээ.

-Хүний нэр төр, алдар хүнд, хуулийн этгээдийн ажил хэргийн нэр хүндэд халдаж илт худал мэдээллийг нийтийн сүлжээгээр тараасан бол дөрвөн зуун тавин нэгжээс нэг мянга гурван зуун тавин нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ.

-Хүний нэр төр, алдар хүнд, хуулийн этгээдийн ажил хэргийн нэр хүндэд халдаж илт худал мэдээллийг хэвлэл мэдээллийн хэрэгслээр тараасан бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ.

ТАЙЛБАР:ЭНЭ ГЭМТ ХЭРГИЙН ХОХИРОГЧИД ТӨРИЙН БАЙГУУЛЛАГА ХАМААРАХГҮЙ.

“ҮЗЭЛ БОДЛОО ИЛЭРХИЙЛЭХДЭЭ УЛС ТӨРД НӨЛӨӨ БҮХИЙ ЭТГЭЭДИЙГ ГЭМТ ХЭРЭГТ ХАРДСАН, СЭРДСЭН БОЛ ЭНЭ ГЭМТ ХЭРГИЙГ ҮЙЛДСЭНД ТООЦОХГҮЙ” 

МӨРИЙТЭЙ ТОГЛООМ ЗОХИОН БАЙГУУЛАХ:

-Олон нийтийн газар ашиг олох зорилгоор шоо, хөзөр, бусад эд зүйл ашиглан үр дүнг нь урьдчилан төсөөлөх боломжгүй, аз туршиж тоглодог мөрийтэй тоглоом зохион байгуулсан бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ.

-Үр дүнг нь урьдчилан төсөөлөх боломжгүй, аз туршиж тоглодог хуулиар хориглосон мөрийтэй тоглоомын газар байгуулсан, эсхүл ажиллуулсан бол дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас нэг жил хүртэл хугацаагаар зорчих эрхийг хязгаарлах ял шийтгэнэ.”     

БЭЛГИЙН ДУР ХҮСЛЭЭ ЁС БУСААР ХАНГАХ:

-Хохирогчийн хүсэл зоригийнх нь эсрэг хүч хэрэглэж, эсхүл хүч хэрэглэхээр заналхийлж, эсхүл биеэ хамгаалж чадахгүй байдлыг далимдуулж  бэлгийн дур хүслээ ёс бусаар хангасан нь хүчиндэх гэмт хэргийн шинжгүй бол зургаан сараас гурван жил хүртэл хугацаагаар хорих ял шийтгэнэ.

-Энэ гэмт хэргийг арван дөрвөөс дээш арван найман насанд хүрээгүй хүний эсрэг үйлдсэн бол нэг жилээс таван жил хүртэл хугацаагаар хорих ял шийтгэнэ.

-Энэ гэмт хэргийг бага насны хүүхдийн эсрэг үйлдсэн бол хоёр жилээс найман жил хүртэл хугацаагаар хорих ял шийтгэнэ.

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-10 66.181.181.243

хүн худалдах шинжтэй үйлдэлийг

Avatar

Зочин 2019-10-10 66.181.181.243

хохирогч гомдолгүй бол ялаас чөлөөлнө

Avatar

Зочин 2019-10-10 66.181.181.243

энгийн иргэнийг түлхүү хэлмэгдүүлнэ хар ухаанаар

Avatar

Ziko berd 2019-10-10 202.126.89.233

Nyamdorjiig huuliig neeree zavharuulj baina aa..yamarch gemt hereg uildsen aihaargui boljee..huchin hiigeed torguulaad ongorch bolno..kazino baiguulaad torguulaad dahiad hiigeed yavna..unen teneg huuli baina

Avatar

БЗД-ийн Батаа, ХУД-ийн Эрхэмээ нар найзуудын хамт 2019-10-10 202.72.245.122

Үхсэнийх нь өөрчлөлт оруулах гэж. Нөгөө хөөн хэлэлцэх хугацаа хэвээрээ. Хүчин, түүн дотор бага насны хүүхэд хүчиндэгчдэд дэндүү бага ял оноож өөгшүүлсэн юм бишүү. Энэ УИХ, ЗГ-аас сайн юм хүлээх хэрэггүй болжээ. МАН АН улс төрөөс үтэр зайлж долоон уулын цаагуур далдарсугай

Avatar

зочин 2019-10-10 202.179.24.8

Одоо яригдаад, шүүмжилэл дагуулаад байгаа хөөн хэлэлцэх хугацаа хэвээрээ байх юм уу. Хууль зүйн Сайдаа.

Avatar

Зочин 2019-10-10 202.21.110.38

Ашиг сониролын зөрчилтэй хуулийн төсөл байна.
Бие үнэлэхийг з/б:
-зургаан сараас гурван жил хүртэл хугацаагаар зорчих эрхийг хязгаарлах гэдэг нь танил тал, эрх мэдэл, албан тушаалтнуудад зориулсан
-зургаан сараас гурван жил хүртэл хугацаагаар хорих ял шийтгэнэ гэсэн нь дээрхээс бусадад нь зориулж
Гүтгэх: Мөнгөтэй нь мөнгөө төлөөд /луйварчид, авилгачид/ мөнгөө төлөөд бусад нь хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийх юм байна.

Avatar

erguu 2019-10-10 106.129.88.177

Бэлгийн дур хүслээ ёс бусаар хангасан нь хүчиндэх гэмт хэргийн шинжгүй бол …. гэж бичсэн байна. ….
Энэ юу гэсэн утга агуулах гээд эргүүтээд байгаагаа тайлбарлах хэрэгтэй ‼️

Avatar

зочин 2019-10-10 202.21.127.170

сайдаа! авилга албан тушаалын гэмт хэргийн хөөн хэлэлцэх хугацаагаа яах гэж байна? асуудлаа битгий алагчилж байгаач! хувь хүний үзэл бодол улс оронд ямар их гай хохирол дагуулж байгааг ойлгож байна уу тa!

Avatar

Эма 2019-10-10 192.82.65.88

Авилга, албан тушаалын гэмт хэргийн хөөн хэлэлцэх хугацаа хэвээрээ юу?

Avatar

Иргэд 2019-10-10 103.9.89.18

Хөөн хэлэлцэх хугацааг хуулиасаа авч хаяж гэмт хэрэг үйлдсэн л бол ялаа эдэлдэг болох, хулгайч хохиролоо барагдуулаагүй бол албадан хөлмөрлөдөг шорон байгуулж хохиролоо ажиллаж байж төлөөд шоронгоос гардаг болох, хүчин, санаатай аллагыг цаазын ялтай болгох зэрэг заалтуудыг оруулах шаардлагатай байна.

Avatar

Зочин 2019-10-10 64.119.23.124

Авилгалын хэрэг яаваа нэгииг н засаж байгаа нэртэй бас л нэг гарц гаргаж байгаа авилгалчиддөө

Avatar

хөөн 2019-10-10 103.57.92.149

ХӨӨН ХЭЛЭЛЦЭХ ХУГАЦААНД ХАМРАХ ГЭМТ ХЭРЭГ ЗӨВХӨН ТӨТВАРААС ЗАЙЛСХИЙСЭНЭЭР ХЯЗГААРЛАГДАХ ЮМ УУ) НӨГӨӨ ХЭЭЛ ХАХУУЛЬ, АЛБАН ТУШААЛЫН ХЭРГҮҮД, УЛСЫН ӨМЧ ШАМШИГДУУЛАХ ХЭРГҮҮД ХААНА ЯВНАА

NewsMN Гар утасны хувилбар Татах
NEWS.mn

Мэдээллийн эх сурвалж