Иргэд шахмал түлшинд угаартаж амь насаа алдсантай холбогдуулан Ерөнхийлөгч эмгэнэл илэрхийллээ | News.MN

Иргэд шахмал түлшинд угаартаж амь насаа алдсантай холбогдуулан Ерөнхийлөгч эмгэнэл илэрхийллээ

Сайжруулсан түлшний эргэн тойронд

Иргэд шахмал түлшинд угаартаж амь насаа алдсантай холбогдуулан Ерөнхийлөгч эмгэнэл илэрхийллээ

Иргэд шахмал түлшинд угаартаж амь насаа алдсантай холбогдуулан Ерөнхийлөгч эмгэнэл илэрхийллээ

Сүүлийн өдрүүдэд иргэд шахмал түлшинд угаартаж хордсон хэрэг гарсантай холбогдуулан Монгол Улсын Ерөнхийлөгч Х.Баттулга эмгэнэл илэрхийллээ.

Монгол Улсын Ерөнхийлөгчийн эмгэнэлд:

“Өнгөрсөн өдрүүдэд эмгэнэлт явдал тохиолдож, Улаанбаатар хотын 6 иргэн амь насаа алдаад байна. Нийслэлийн 48 хорооны 61 өрхийн 122 иргэн шахмал түлшинд угаартаж хордсоноос 58 иргэн эмнэлэгт хэвтсэн гэсэн мэдээ авлаа.

Нас барсан иргэдийн ар гэр, төрөл төрөгсдөд гүн эмгэнэл илэрхийлье.

Энэ эмгэнэлт үйл явдлын шалтгаан, нөхцөлийг бодитойгоор судалж тогтоон цаашид ийм харамсалтай хэрэг гаргуулахгүй байх, урьдчилан сэргийлэхэд холбогдох төрийн болон орон нутгийн байгууллага, албан хаагчид онцгой анхаарч, шуурхай ажиллах шаардлага тулгарч байна.

Иргэд өөрийнхөө гэрт амь насаа алдах, хордох нөхцөл байдал үүссэн нь эрүүгийн хариуцлага хүлээхүйц гэмт хэрэг юм. Шахмал түлшинд угаартаж хордсон цар хүрээ нь хэвийн гэж үзэх боломжгүй хэмжээнд байна.

Мэргэжилтнүүдийн гаргасан урьдчилсан дүгнэлтүүдээс харахад сайжруулсан шахмал түлшинд хэрэглэх нүүрсийг Ухаа худгийн уурхайн угаасан нүүрсний хаягдлаар бүрдүүлжээ. Эндээс юу харагдаж байна гэхээр жил бүрийн өвөл Улаанбаатар хотын агаарын бохирдлыг шийдэх нэрээр зүсэн зүйлийн арга сэддэг, иргэдийн эрүүл мэндээр ашиг олдог бүлэглэл бодитойгоор байсаар байна. Энэ бүлэглэл агаарын бохирдлыг арилгах дорвитой, бодитой, үр дүнтэй арга сэдэхийн оронд утаагүй зуух, дулаан бүрээс, цахилгаан халаагуур, агаар шүүгч гэх мэт элдэв тоног төхөөрөмж улсад шахаж ашиг олох атгаг санаагаа л олон жилийн турш амжилттайгаар хэрэгжүүлж ирлээ. Утаагүй зуух, шахмал түлшээр агаарын бохирдлыг шийдвэрлэсэн нэг ч улс дэлхий дээр алга. Орон сууц барьснаар шийдэж байсан туршлага байна. Жил бүр шинэ луйвар сэдэж, хэрэгжүүлдэг энэ байдлаасаа эрс шийдвэртэй салаач гэж Засгийн газраас шаардах байна. Иргэдийн зовлонгоос ашиг унагадаг байдлыг таслан зогсоогооч!

Яагаад анх төлөвлөж байснаараа “Эрдэнэс Тавантолгой” ХК-ийн эрчим хүчний нүүрсийг шахмал түлшний түүхий эд болголгүй “Энержи ресурс” ХХК-ийн угаасан нүүрсний хаягдлыг сонгов? Барьцалдуулагч бодисын үнэ, чанарын асуудал анх танилцуулсан байдлаасаа яагаад зөрөв? Шахмал түлш үйлдвэрлэх үйл явцад “Эрдэнэс Тавантолгой” ХК-иас бүрдүүлсэн Ажлын хэсгийг яагаад сольж, халах болов? Эрдэнэс Тавантолгой ХК-ийн эрчим хүчний нүүрсэн дэх хүхрийн хэмжээ “Энержи ресурс” ХХК-ийн хаягдлаас 1.9 дахин бага хэмжээтэй байгаа юм. Гэтэл яагаад гэнэт илүү их хүхэртэй, хаягдал нүүрсийг ашиглахаар шийдвэрлэв? Энд хэний, ямар ашиг сонирхол нуугдаж байна гээд хууль хяналтын байгууллагын олж тогтоох ёстой олон асуултууд хариултаа хүлээсээр л байна.

Гэмт үйлдэл хийсэн, холбогдсон хэн ч хуулийн хариуцлагаас мултрах ёсгүйг анхааруулж байна. Хүний амь нас, эрүүл мэндээс үнэтэй зүйл үгүй. Хэн нэгэн албан тушаалтан, хэсэг бүлэг олигархийн ашиг олох хүсэлд жирийн иргэд амь насаараа өртөн хохирч байгааг хэрхэвч зөвтгөж, булзааруулан өнгөрөөж болохгүй. Хариуцлага алдсан, үүрэгт ажилдаа хайхрамжгүй хандсан үйлдвэрлэгчид болон түүхий эд нийлүүлэгчид, төрийн албан хаагчдад хуулийн хариуцлага хүлээлгэх нь шударга ёсонд нийцнэ.

Хүйтний улирал тулж ирсэн үед ийм хэрэг олноор гарч байгаа тул нийслэлийн болон төрийн байгууллагуудаас яаралтай, оновчтой шийдэл олж, иргэд дулаан, эрсдэлгүйгээр өвөлжих нөхцөлийг хангахад онцгой анхаарах ёстой болж байна.

Иргэдийн эрүүл, аюулгүй амьдрах орчинг бүрдүүлэх нь орон нутгийн болон төрийн байгууллагуудын хэнтэй ч хуваалцахгүй үүрэг, хариуцлага мөн. Тийм учраас эрүүл мэндэд хоргүй, амь насанд эрсдэл үүсгэхгүй түлшээр иргэдийг яаралтай хангахыг нийслэлийн удирдлага, төрийн холбогдох байгууллагуудын дарга нарт үүрэг болгож байна.

Хүхрийн агууламж, үнслэг ихтэй хаягдал нүүрс ашиглахад хүргэсэн, стандарт бус барьцалдуулагч нийлүүлсэн хүмүүсийн гэм бурууг хаацайлахын тулд “жилд 13-19 хүн шахмал түлшинд угаартаж нас бардаг, цочирдохоор зүйл биш” гэх утга агуулгатай мэдээлэл хийж суугаа орон нутгийн удирдлагуудад ёс зүйн болон хуулийн хариуцлага хүлээлгэхээс өөр арга байхгүй. Албан тушаалтнууд алдаагаа өөрсдөөсөө зайлуулах гэж элдэв тоо баримтаар халхавчлах ёсгүй. Нэг ч хүн ахуйн ослоор амь үрэгдэх нөхцөл гаргуулахгүй байхад илүүтэй анхаарч, хичээж ажиллахын оронд иргэдэд бурууг чихчихээд сууж байж хэрхэвч болохгүй.

Эрдэнэт хүний амь нас сүйдсэнд дахин эмгэнэл илэрхийлье” гэжээ.

Эх сурвалж: PRESIDENT.MN

"Болор дуран"-аар шалгав.
Энэ мэдээнд өгөх таны сэтгэгдэл?
4
ЗөвЗөв
1
ГайхмаарГайхмаар
1
ХарамсалтайХарамсалтай
1
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-09 103.229.121.106

Урьд нь утаанаас болж жилд 2700 гаруй хүн хохирдог байсан гэсэн тэр үед хаана байсан хүн бэ. Та.

Avatar

Зочин 2019-10-09 202.21.126.238

2 companyны өрсөлдөөн бол тусдаа асуудал

MCS management тогтолцоо жинхэнэ утгаараа гүйцэтгүүлсэн бүтэц
MCS: энд хүмүүс өсөн дэвшиж бүр болоогүй өөрсдийн company-иа үүсгэн байгуулаад амжилттай ажиллан нийгэмдээ нэмүү өртөг үүсгэн ачааг үүрэлцэн явна

Jenco:д харин ийм дүрслэл бүтэц байх уу

Компани нэрээр л бараг хэн нь хэн бэ гэдэгийг тодорхойлж болмоор!!

Avatar

Насаа 2019-10-09 202.21.126.238

Энэ арай дэндэнэ ээ

Энэ чинь одоо хүчин төгөлдөр хугацаандаа байгаа монгол улсын ерөнхийлөгч биз дээ!

Avatar

Зочин 2019-10-09 202.126.89.207

Ядуу, хууль дүрэмгүй орны иргэн байна гэдэг хөөрхийлөлтэй, гутамшигтай шүү дээ. Хөөрхий тэр үхэж үрэгдсэн улсын ар гэрт зааваргүй, хор аюултай нүүрс өгсөн, борлуулсан байгууллага, газрууд өндөр хэмжээний нөхөн төлбөр төлөх ёстой. Нэгдэж байгаад нэхэж ав.

Avatar

Доржсамбуужаргал 2019-10-09 202.179.31.50

Шахмал түлшийн химийн найралгыг гадаадад шинжлүүлж, шинжилгээний дүнгээр шахмал түлшийг ашиглаж болох эсэхийг мэдэж байж ашигласан нь дээр.

Avatar

Зочин 2019-10-09 149.202.190.234

Засгийн газар өөрсдөө гуйж байгаад энержи ресурсаас 800 тонн нүүрс үнэгүй авсан гээд жиргээн дээр байж л бн. Энэ муу үхэж байсан Төвд сарлаг өөрөө юу болсоныг мэдэхийн дээдээр мэдэж байж юугаа хуцаад байгаа хар л***р вэ. Оджаргалыг барахгүй болхоороо дандаа ингэж нохойтдог хөгийн муу мафи царайлсан с**.

Avatar

Зочин 2019-10-09 103.212.118.43

Оджаргалыг барьж шалгаачээ.

Avatar

Зочин 2019-10-09 202.55.188.35

MCS шүү дээ….Монголын төрийн мөнгийг сэгсрээд сурцан хужааа компанийг зайлуулаач.

Avatar

G 2019-10-09 202.126.89.157

Ugaasan nyyrsnii jijig ni yum bish yy? 5 tolgoid ugasan nyyrs bkhgyi dee? Manai darga 3 ysegtei kompaniig l muulj bval yu ch gej medekhnee?

Avatar

Zochin 2019-10-09 66.181.186.176

Tom unelgee avlaa shuu,

Avatar

Yana daa 2019-10-09 103.26.192.22

Ene jonkhuu MCS-iig l muulj bval boldog bololtoi umaa!!!! Ene middling bol hayagdal nuurs bish buguud nuurs ugaakh process-iin yed uusekh zavsriin mash sain chanartai daivar buteegdekhuun bolno!!!!

Avatar

Зочин 2019-10-09 163.172.29.22

Манайхаас өөр оронд хохирлыг төлдөг юм шүү

Avatar

Зочин 2019-10-09 194.230.158.137

Za Eronhiilogchid bayarlalaa. Arai heterch bna. Hurelsuhiin buzness shuu

Avatar

Зочин 2019-10-09 64.119.17.217

MCS гэж гурван үсэгтэй гадны тагнуулын компани хичнээн монголчуудыг хортой кола архиар аллаа одоо нэмээд бүгдийг нь гэрт нь угаартуулж алж байна Хаягдал нүүрс гэхээр хамгийн их химийн хортой хүхэр ихтэй хогоо шахжээ

NewsMN Гар утасны хувилбар Татах
NEWS.mn

Мэдээллийн эх сурвалж