Археологичид XIV зууны Алтан ордон улсын долоон сүм, хийдийг Казахстанд илрүүлжээ. Эрдэмтдийн мэдээлж буйгаар, тэдгээр сүм, хийд нь Чингис хааны ууган хүү Зүчийн хаант улсын төлөөлөгчдөд харьяалагдаж байсан гэв.

Холбоотой мэдээ

НЭГ СЭДЭВ, НАЙМАН ЭХ СУРВАЛЖ: ЗҮЧИЙН УЛС БУЮУ АЛТАН ОРДОН

2019-03-22

Хойд Казастаны бүс нутгийн албан ёсны сайтад мэдээлж буйгаар, дээрх сүм, хийдийг ОХУ-ын Омск мужтай хиллэдэг Уалинхановск тойрогт илрүүлсэн байна. Булшнуудад алтан гоёл чимэглэл, уран дархдуудын зуух, шавар сав, суулга болон усалгааны сувгийн ул мөр байсан ажээ.

Академик Алкей Маргулан энэхүү нээлт нь Хойд Казахстаны бүс нутгийн нутаг дэвсгэрт оршиж байсан дундад зууны үеийн хотын соёлын өв, дурсгал болохыг тогтоожээ.

Казахстанчууд энэ жил Алтан ордон улс байгуулагдсаны 750 жилийн ой тохиож байгаа гэж үздэг. Учир нь, тэд 1269 онд Зүчийн улс Монголын эзэнт гүрнээс албан ёсны хамаарлаа хадгалан бүхэлдээ бие даасан улс болсон гэж үзэж байгаа юм.

Эх сурвалж: РОССИЙСКАЯ ГАЗЕТА