Дархан хот дахь төмөрлөгийн үйлдвэрт осол гарч, нэг ажилтан амь насаа алдсан хэрэг гарчээ. Тодруулбал, энэ сарын 4-ний өдөр баяжуулах үйлдвэрийн далан хариуцсан мэргэжилтэн 48 настай Ш нь хаягдлын даланд живж нас барсан байдалтай олдсон байна.

Талийгаач тодорхой хугацаагаар гэртээ ирэхгүй удсан учир гэр бүлийнх нь хүмүүс сураглаж ирэхэд машин нь ажлын байрны гадаа байсан гэх бөгөөд, улмаар үйлдвэрийн ажилчид талийгчийг эрэн хайж эхэлсэн байна. Ийнхүү Онцгой байдлын газрын алба хаагчид ирж ажиллан, цогцсыг гарган авсан бөгөөд хэрэг Дархан-Уул аймгийн цагдаагийн газар шалгагдаж байна.

Э.БУРАМ