Казахстаны нийслэл Астана хотод болж буй жүдо бөхийн ДАШТ-ий хоёр дахь өдрийн барилдаан үргэлжилж байна. Эрэгтэйчүүдийн 66 кг-д 60 бөх барилдаж байгаагаас дэлхийн аварга Х.Цагаанбаатар Аргентинийн П.Гонзалесг дарах мэхээр цэвэр хожсон ч хоёрдугаар тойрогт ОХУ-ын Х.Камалд цэвэр ялагдлаа.

Мөн энэ жингийн босоо аварга болох Японы Эбинүма Масаши гуравдугаар тойрогт Узбекстаны Ришод Собировд 1 миунт 31 секундэд цэвэр хожигдож, тэмцээнээ өндөрлүүллэээ.

Эбинүма Масаши 2011, 2013, 2014 оны дэлхийн аваргад түрүүлсэн бөгөөд "Лондон-2012" олимпийн наадмаас хүрэл медаль хүртсэн. Харин Узбекстаны Ришод Собиров дэлхийн хошой аварга, олимпийн наадмын хошой хүрэл медальт бөх юм.

Ч.БОЛОР