Нэр бүхий зургаан сайдыг ирэх есдүгээр сарын 6-ний дотор багтаан нөхөн томилох хуулийн хугацаа байгааг сануулсан албан тоотыг УИХ-ын дарга З.Энхболд Ерөнхий сайд Ч.Сайханбилэгт өнөөдөр хүргүүлжээ.

Хуульд зааснаар Ерөнхий сайд, Засгийн газрын гишүүн орон гарсан тохиолдолд УИХ 30 хоногийн дотор түүнийг нөхөн томилно хэмээн заасан байдаг аж. Тиймээс УИХ-ын дарга бүрэн эрхийнхээ хүрээнд ээлжит бус чуулганыг есдүгээр сарын 6-наас өмнө зарлах болоод байна.

Ээлжит бус чуулган зарлагдсан нөхцөлд зургаан сайдыг нөхөн томилохоос гадна Өршөөлийн хуульд тавьсан Монгол Улсын Ерөнхийлөгчийн хоригийг мөн хэлэлцэнэ.

Г.ДАРЬ