Гадаадын иргэн, харьяатын газраас мах, махан бүтээгдэхүүн үйлдвэрлэлийн чиглэлээр үйл ажиллагаа явуулдаг иргэн, аж ахуйн нэгж, байгууллагад ажиллаж буй гадаадын иргэдэд хяналт шалгалт хийжээ. Тодруулбал, энэ сарын 4-нөөс 6-ны өдрүүдэд тус байгууллагын даргын баталсан удирдамжийн дагуу Сонгинохайрхан дүүргийн 32 дугаар хороо, Эмээлтийн мах, махан бүтээгдэхүүн үйлдвэрлэл, худалдааны чиглэлээр үйл ажиллагаа явуулдаг 17 аж ахуй нэгж, байгууллагад шалгалт хийсэн байна.
Шалгалтад БНХАУ-ын нийт 69 иргэн хамрагдсанаас “Монгол туйвар транс” ХХК-д хөдөлмөр эрхэлж байсан БНХАУ-ын нэг иргэнийг оршин суух зөвшөөрлийн хугацаа хэтрүүлсэн зөрчлийн дагуу торгууль ногдуулж, албадан гаргахаар болсон байна. Мөн Засгийн газрын тогтоолоор болон Хөдөлмөр, халамжийн үйлчилгээний ерөнхий газрын зөвшөөрөлд заагдсан аж ахуйн нэгж, байгууллагад бус өөр байгууллагын нэр дээр оршин суух зөвшөөрөлтэй “Оюундалай” ХХК, “Энх эрдэнэ мөнх” ХХК-д хөдөлмөр эрхэлж байсан БНХАУ-ын 11 иргэний оршин суух зөвшөөрлийг цуцалж, хуулийн хугацаанд Монгол Улсаас гаргахаар шийдвэрлэжээ.
Э.БУРАМ
мгл 2019-10-08 202.179.11.230
Сайн бна. Хууль бусаар оршин сууж байгаа л бол гаргаад бай.
Зочин 2019-10-08 64.119.24.142
11 хятад гаргажээ гүэ мөн мундаг их ажил хийжээ их сайн байна ард түмэн маш их баярлалаа шагная гэх юмуу хайшаа юм бэ юуний нь мэдээлээд байгаан
Зочин 2019-10-08 64.119.24.142
11 хэн үү яасан цөөхөн юмбэ 110 бишүү
Зочин 2019-10-08 112.72.12.7
БҮГДИЙГ НЬ ЗАЙЛУУЛААЧ