АНУ-ын Худалдааны яам БНХАУ-ын 28 байгууллагад хориг тавилаа. Хориг тавих болсон шалтгаанаа тэд уйгарчуудтай холбоотой нөхцөл байдлаас болсон гэж тайлбарлажээ. Энэ тухай АНУ-ын Холбооны бүртгэлийн цахим баазад даваа гаригт нийтлэгдсэн баримтад дурдсан байна.

Тус баримтад дурдсанаар "АНУ-ын Засгийн газраас БНХАУ-ын 28 байгууллагыг АНУ-ын гадаад бодлогын ашиг сонирхлын эсрэг үйл ажиллагаа явуулдаг гэж үзэж байна. Дээрх байгууллага нь хүний эрх, тэрдундаа Шиньжян – Уйгурын өөртөө засах орон дахь муслим үндэстний цөөнх болсон уйгур, казах зэрэг иргэдийн эсрэг үйл ажиллагаа явуулдаг гэв. Тэдгээр байгууллага нь бүгд БНХАУ-ын нутаг дэвсгэрт үйл ажиллагаа явуулдаг" гэв.

Хориг эдгээр байгууллагын объектуудтай холбоотой экспорт болон дахин экспортлох асуудал мөн хангамжийн тусгай зөвшөөрөл олгохоос татгалзах зэрэг асуудлыг хөнджээ.

Шиньжян – Уйгурын өөртөө засах орон нь БНХАУ-ын баруун хойд хэсэгт байрладаг бөгөөд лалын шашинтай уйгурчууд хүн амынх нь ихэнхийг бүрдүүлдэг аж. Бээжингийн албан ёсны мэдээлэлд тус нутагт олон улсын террорист бүлэглэлтэй холбоотой салан тусгаарлах бүлэглэл үйл ажиллагаа явуулдаг гэв. 2018 оны сүүлээр БНХАУ-ын Засгийн газар тус газарт терроризм болон хэт туйлшралын үзэл санаанд хүмүүсийг автуулах зорилгоор сургадаг мэргэжлийн болон боловсролын төв ажилладаг болохыг баталгаажуулжээ.

Эх сурвалж: TASS