Казахстаны Астана хотноо өнөөдөр жүдо бөхийн ДАШТ эхэллээ. Дэлхийн аваргын эхний өдөр эрэгтэйчүүдийн 60 кг, эмэгтэйчүүдийн 48 кг-ын жингийн аваргууд тодорно.

Манай улсаас энэ өдөр барилдсан бөхчүүдээс эрэгтэйчүүдийн 60 кг-ын жинд дэлхийн аварга Г.Болдбаатар медалийн төлөө барилдахаар ганцаараа үлдээд байна. Тэрээр мөнгөн медалийн төлөө Казахстаны Рустав Ибраевтай барилдаж, юүко үнэлгээ алдсанаар дэвжээн дээр нь дийлдлээ. 

2014 оны дэлхийн аварга Г.Болдбаатар одоо хүрэл медалийн төлөө БНСУ-ын Ким Вон Жинтэй барилдах юм. БНСУ-ын жүдоч гуравдугаар тойрогт манай залуу бөх Ц.Цогтбаатарыг ялж, шөвгийн наймд үлдсэн ч Японы Ш.Торид дийлджээ.

Энэ жингийн аваргын төлөө Казахстаны хоёр бөх үлдээд байна.

ДАШТ-ий шигшээ барилдаан Улаанбаатарын цагаар 20.00 цагаас эхэлсэн бөгөөд МҮОНТВ, ETV, SPORTBOX, C1 телевизүүд шууд дамжуулан үзүүлж байна.

Ч.БОЛОР