ЗХЖШ-ын даргаар бригадын генерал Д.Ганзоригийг томиллоо | News.MN

ЗХЖШ-ын даргаар бригадын генерал Д.Ганзоригийг томиллоо

Хуучирсан мэдээ: 2019.10.04-нд нийтлэгдсэн

ЗХЖШ-ын даргаар бригадын генерал Д.Ганзоригийг томиллоо

ЗХЖШ-ын даргаар бригадын генерал Д.Ганзоригийг томиллоо

Зэвсэгт хүчний Жанжин штабын дарга хошууч генерал А.Ганбат өнгөрсөн долоо хоногт эрүүл мэндийн шалтгааны улмаас ЗХЖШ-ын даргын үүрэгт ажлаасаа чөлөөлөгдөх хүсэлтээ өгсөн. Ийнхүү өчигдөр УИХ-ын Аюулгүй байдал, гадаад бодлогын байнгын хорооны хуралдаанд Монгол Улсын Ерөнхийлөгч Х.Баттулга Зэвсэгт хүчний Жанжин штабын даргад бригадын генерал Д.Ганзоригийг томилуулахаар нэр дэвшүүлж буйгаа мэдэгдсэн. Тэгвэл өнөөдөр /2019.10.04/ УИХ-ын чуулганы хуралдаанаар ЗХЖШ-ын даргыг томилох саналыг зөвшилцөж, тус албан тушаалд бригадын генерал Д.Ганзоригийг томиллоо.

Ийнхүү хошууч генерал А.Ганбат, шинээр томилогдож буй ЗХЖШ-ын дарга бригадын генерал Д.Ганзориг нарт Ерөнхийлөгчийн Тамгын газрын дарга З.Энхболд Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулгын зарлигыг уншиж танилцуулав. Үүний дараа тэд Зэвсэгт хүчний Жанжин туганд хүндэтгэл илэрхийллээ. Мөн  хошууч генерал А.Ганбат амжилт хүсээд тамгаа гардуулан өглөө.

ЗХЖШ-ын дарга бригадын генерал Д.Ганзориг нь ОХУ-д цэргийн дээд сургууль төгссөн. АНУ-д явган цэргийн офицерийн хоёр шатны дамжаа дүүргэсний зэрэгцээ Зэвсэгт хүчний 150, 311 дүгээр ангид Энхийг сахиулах ажиллагааны удирдагч, Зэвсэгт хүчний жанжин штабт мэргэжилтэн, ҮАБЗ-д мэргэжилтэн, Зэвсэгт Жанжин штабын орлогч, Ажиллагааны удирдлагын газрын дарга зэрэг албан тушаал эрхэлж, Зэвсэгт хүчний салбарт тасралтгүй 29 жил алба хаасан байна.

ГЕНЕРАЛ Д.ГАНЗОРИГ ГЭЖ ХЭН БЭ?

Д.Ганзориг нь 48 настай, 1980-1990 ЗХУ-ын 8 дугаар дунд сургууль, 1990-1995 онд ОХУ-ын Тамбов хотын Цэргийн дээд сургууль, 1999-2000 онд БНХАУ-ын Тусгай хүчний сургууль, 2001-2002 онд АНУ-ын Явган цэргийн офицерын дамжаа, 2007-2008 онд АНУ-ын Команд штабын коллеж, 2011-2012 онд АНУ-ын Армийн дайны коллежийг тус тус төгссөн.

Тэрбээр 1995-1997 онд Зэвсэгт хүчний 119 дүгээр ангийн салааны захирагч, 1997-2002 онд Зэвсэгт хүчний 150 дугаар ангид албаны дарга, сургагч багш, 2002-2003 онд Зэвсэгт хүчний 311 дүгээр ангид Энхийг дэмжих сургалтын төвийн орлогч дарга, 2003-2007 онд Зэвсэгт хүчний жанжин штабт мэргэжилтэн, 2008-2010 онд Зэвсэгт хүчний 311 дүгээр ангид Энхийг дэмжих ажиллагааны сургалтын төвийн дарга, 2010-2011 онд ҮАБЗ-ийн ажлын албанд референт, 2012-2014 онд Зэвсэгт хүчний жанжин штабт газрын орлогч дарга, 2014 оноос Зэвсэгт хүчний жанжин штабын Ажиллагааны удирдлагын газрын даргаар ажиллаж байсан.

Э.АРИУН 

Энэ мэдээнд өгөх таны сэтгэгдэл?
3
ЗөвЗөв
2
ГайхмаарГайхмаар
2
БурууБуруу
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Жанжин штаб 2019-10-04 202.9.45.155

Орчин үеийн байлдааны Онол тактик их өөр болсон энэ үед хамгийн зөв хүн сонгогдожээ, Даваацэрэн нтр бол А ийнхаа ч хаана ч хүрэхгүй одоо өөрөө зайлна биз

Avatar

Зочин 2019-10-04 150.129.143.229

РЕЙНЖЕР ЗХЖШ-ЫГ УДИРДАХ ЧАДВАРГҮЙ.ЗХЖШ-ЫН ДАРГЫГ ОПЕРТИВ-ТАКТИКИЙН ӨНДӨР МЭДЛЭГТЭЙ БАС АНГИ НЭГТГЭЛ УДИРДАЖ ЦЭРГИЙН ДАРГЫН ХАТ СУУСАН, ОРЧИН ЦАГЫН ДАЙН БАЙЛДААНЫ ОНОЛ ТУРШЛАГЫГ СУДАЛЖ ӨӨРИЙН ОРНЫ НӨХЦӨЛД ХЭРЭГЛЭЖ ЧАДАХ ЧАДВАРТАЙ ЦЭРГИЙН ХЭРГИЙН ӨНДӨР БЭЛТГЭЛТЭЙ ХҮНИЙГ МАШ ӨНДӨР ШАЛГУУРААР УРЬДААС БЭЛТГЭЖ ТОМИЛОХ ЁСТОЙ .ГЭТЭЛ МАНАЙ ЦЭРГИЙН ХЭРГИЙН "А"-ГҮЙ ЕРӨНХИЙ КОМАНДЛАГЧ МААНЬ НАЙРААНЫ "ГЕНЕРАЛ ХҮҮХЭЛДЭЙ" НАР ИХ ХУРЛААР ХЭЛЭЛЦҮҮЛЖ, ЦЭРГИЙН ТАЛААР БАРУУН ЗҮҮНЭЭ МЭДЭХГҮЙ ГИШҮҮД НЬ ДЭМЖСЭН БОЛЖ

Avatar

Иргэн 2019-10-04 66.181.161.94

Генералууд дуртай үедээ ажил авдаг дургүй нь хүрхээр өгдөгөө больмоор юм

Avatar

ха 2019-10-04 202.9.45.218

зэвсэгт хүчний удирдлагын төвшинд дараа үеэ бэлтгэж сургаагүй, зөвхөн өөрөө албан тушаал, цолны төлөө ажиллаж ирсэн даваацэрэн мэтийн архичин юмнуудыг одоо зайлуул, залуу үе, залуу хүмүүсдээ халгаатай новшнууд хэрэггүй

Avatar

ЗОЧИН 2019-10-04 202.21.120.42

ГЕНЕРАЛ Х.ДАВААЦЭРЭНГИЙН ХҮРЭЭНД СЭТГЭЖ АЖИЛЛАХ МЭДЛЭГ БОЛОВСРОЛТОЙ ХҮН ОДООГООР ЖАНЖИН ШТАБТ БАЙХГҮЙ, ШААРДЛАГА ТАВЬДАГ ХҮНИЙГ АД ШОО ҮЗЭХ ХЭРЭГГҮЙ Л БОЛОВ УУ,

Avatar

Жанжин штаб 2019-10-04 202.9.45.155

Даваацэрэн нтр бол одоо үнэхээр болно архи уухаас өөр юу мэддийн? Яг соу үеэрээ яваа хэдэн хөгшин өнөө цагт зүгээр Буг болж бна А тайгаа цуг явсан нь дээр Ганзоригт бол гологдоно

Avatar

007 2019-10-04 66.181.161.35

Таньд амжилт хүсье таньтай мөр зэрэгцэн ажиллаж бгаа ачааны хүндийг үүрч явдаг ахлагч нараа харж хайрлаж яваарай .

Avatar

Биеэ тоовоо!!! 2019-10-04 202.126.89.7

алх барьсан хүнд хүн бүхэн хадаас шиг харагддаг гэж ерөнхийлөгч Х.Баттулга сайд байхдаа хэлсэн. Эрх мэдэлд хүрлээ гээд биеэ тоовоо. Нүүр луу чинь харж инээсэн зусарч нар чамаар хууль зөрчүүлж ажлаа бүтээчихээд дараа нь хаяна шүү. Үнэнийг хэлсэн хүнд битгий эмзэглээрэй. Ерөнхийлөгчийн тамгын газрын дарга чамаар хууль бус томилгоо хийлгэх гэж дарамт үзүүлнэ шүү. Ганбат генералыг яг үнэндээ тийм л шалтгаанаар сольсон шүү. З.Энхболд өөрийн хаматаан архичин авлигач хурандаа Ц.Ж-г ЗХЖШ-ын орлогчоор

Avatar

Болжээ 2019-10-04 202.179.27.152

Сайн залуу, америкийн рейнжер

NewsMN Гар утасны хувилбар Татах
NEWS.mn

Мэдээллийн эх сурвалж