Махны үнэ буурсан нь Хятадуудтай холбоотой юу? | News.MN

Махны үнэ буурсан нь Хятадуудтай холбоотой юу?

Махны үнэ буурсан нь Хятадуудтай холбоотой юу?

Махны үнэ буурсан нь Хятадуудтай холбоотой юу?

Махны үнэ энэ хавар тэнгэрт хадаж иргэдийг сөхрүүлэх шахав. Хавартай харьцуулахад махны үнэ нэлээд буурчихжээ. Цаашаа лангуунд нь махны үнэ 200 төгрөгөөр хямд байна. Бид чинь ямар гулуузаар нь мах авах биш байгаа мөнгөндөө тааруулан мах авахаар ирсэн хэмээн иргэн Б.Дашдаваа бидэнд учирлав. Түүнтэй “Хүчит шонхор” захын хонины махны лангуунд  таарсан нь энэ юм.  Тэрбээр шинэ мах авахаар ирсэн бөгөөд өглөө эрт ирвэл, амт шүүс сайтай, шинэ мах байдаг талаар хэлэв. Харин худалдагчид махны худалдагчид  “шинэ мах ирсэн, доошоо долоон мянгаар ав, зөөлхөн мах байна” гэсээр ам булаалдан ярилцана.

“Хүчит шонхор” захад өглөөний 08.30 цагийн байдлаар жижиглэнгийн хонины цул мах 7000-7800, адууны мах 8000-8500, үхрийн мах 9500-11500, ямааны мах 7500-9000 төгрөг байна. Харин бөөний үнээр хонины цул мах 5100-5600, адууны мах 6000-6300, ямааны мах 6000-6500 төгрөгийн хооронд байна.

Махны үнэ долоо хоног бүр өсөлттэй байгааг Нийслэлийн статистикийн газраас мэдээллээ. Тухайлбал, аравдугаар сарын эхний долоо хоногт хонины ястай мах нэг килограмм нь дунджаар 9549 төгрөг, үхрийн ястай мах нэг килограмм нь дунджаар 11252 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 101 төгрөгөөр буурч, харин үхрийн цул махны үнэ 58 төгрөгөөр өссөн байна. Энэ долоо хоногт үхрийн ястай мах “Хархорин” хүнсний захад хамгийн хямд буюу 9800 төгрөг, Харин “Меркури” хүнсний захад хамгийн өндөр үнэтэй буюу 12500 төгрөг байна. Мөн  хонины ястай мах “Хүчит Шонхор”, “Хархорин” хүнсний захуудад хамгийн хямд буюу 8500 төгрөгөөр, харин “Меркури” хүнсний захад хамгийн өндөр үнэтэй буюу 10500 төгрөгөөр худалдаалж байгаа юм.

МАХНЫ ҮНЭ БУУРСАН НЬ ХЯТАДУУДААС ШАЛТГААЛЖ БАЙГАА 

Махны үнэ тогтвортой байгааг худалдаачид ийнхүү тайлбарлаж байна. Махны лангууны худалдагч Б.Батсайхан “Орон нутгаас махны нийлүүлэлт сайн байгаа нь үнэ хямд байх шалтгаан болж буй. Хүйтрэхээр Хятадууд мах аваад эхэлчихнэ. Иргэд биднийг махны үнэ хөөрөгдүүлдэг гэж ярьж байгаа ч цаана нь Хятадууд их хэмжээний мах авахаар хомсдол үүсчхээд байдаг. Эмээлт, Налайхад Хятад эзэнтэй мах боловсруулах үйлдвэр зөндөө байна. Эднийг төр засаг яагаад шалгаж болдоггүй юм. Бид нар үнэ өсгөлөө гэхэд хэлэн төгрөг л нэмнэ шүү дээ. Одоо Хятадууд их хэмжээгээр мах авах юм бол ирэх хавар Монгол хүн идэх махгүй л болно. Энийг болиулах хэрэгтэй” гэлээ.

МАХНЫХАА ҮНИЙГ НЭМЭЛГҮЙ ЭНЭ ЧИГЭЭР НЬ ТӨР ЗАСАГ БАРЬЧИХМААР БАЙГАА ЮМ

Иргэдийн зүгээс махны үнэ буурсанд ам сайтай байна. Энэ талаар Баянзүрх дүүргийн иргэн З.Ганбат “Мах ер нь энэ зун үнэтэй байсан. Идэш, уушийн цагаар арай илүү хямдрах байх гэж хүлээж байсан. Гэтэл хавар, намартаа махныхаа үнийг нэмээд байвал бид нар яах билээ. Манайх ер нь голдуу гулуузаар нь мах аваад идшиндээ бэлдээд тавьчихдаг. Монгол хүний хэрэглээ бол яах аргагүй мах учраас одоо махныхаа үнийг нэмэлгүй энэ чигээр нь төр засаг барьчихмаар байгаа юм” гэв.

ӨДИЙД МАХНЫ ҮНЭ ЯГ БОЛОМЖИЙН БАЙНА

Б.Батдэлгэр “Махны үнэ зуныхаас арай дээрдсэн байна. Хонины шулсан мах 8300-гаар авлаа. Махны үнэ цаашдаа нэмэгдэнэ гэж ченжүүд ярьж байна. Ченжүүдийн хэлснээр Хятадууд хэд хоног амарч байгаа болохоор худалдан авалт муу байгаа талаар тайлбарласан. Түүнээс  биш 10 мянга гараад явчихдаг. Өдийд махны үнэ яг боломжийн байна. Жоохон хүйтрээд ирэхээр махны үнэ буцаад тэнгэрт хадчих байх” гэлээ.

МАХ ХЯМДХАН БАЙХАД ЭРТХЭН НӨӨЦӨӨ БЭЛДЭЭД АВАХ ХЭРЭГТЭЙ

Н.Баатар “Хонины шулсан мах 8500, үхрийн мах 9500 төгрөг байна. Махны үнэ ер буурсан харагдаж байна. Төр засгаас махны үнийг яг ингээд барьчихвал иргэдийн ачаа нэг ч гэсэн хөнгөрч байгаа нь тэр. Нөгөөтэйгүүр мах хямдхан байхад эртхэн нөөцөө бэлдээд авах хэрэгтэй” гэж ярилаа.

НӨӨЦИЙН МАХНЫ ҮНЭ ЖИЖИГЛЭНГИЙН ҮНЭТЭЙ ХАРЬЦУУЛАХАД 14-31 ХУВИАР ХЯМД БАЙНА

Махны үнийн хөөргөдлөөс сэргийлж жил бүрийн хавар нөөцийн мах бэлтгэдэг. Энэ жилийн тухайд нийслэлийн хүн амын хэрэгцээнд зориулж жилд дунджаар 12 мянган тонн махыг бэлтгэдэг байсан бол энэ жил өмнөх жилүүдээс гурав дахин бага буюу дөрвөн мянган тонн махыг бэлтгэсэн. Үнийн хувьд нөөцийн махны үнийн хувьд, үхрийн ястай мах 7200, хониных 6000, ямааных 5500 төгрөгийн үнэтэй байна. Нөөцөлж бэлтгэн борлуулж байгаа махны үнийг зах зээл дэх жижиглэнгийн үнэтэй харьцуулахад 14-31 хувиар хямд байна салбар яамнаас мэдээлсэн юм. Жил бүр улсын төсвөөс махны үнийг буулгахаар өчнөөн тэрбум зарцуулдаг боловч ченжүүд, хятад эзэдтэй махны үйлдвэр махны үнийг нэмж, хөөрөгдүүлдэг шударга бус өрсөлдөөн манайд тогтоод удаж байгаа бололтой. Хөөрөгдсөн үнэ, түүнийг дагасан зохиомол махны хомсдолд нийслэлчүүд бид удахгүй дарлуулах вий.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
8
ЗөвЗөв
3
ТэнэглэлТэнэглэл
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

31 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-04 112.72.12.9

Хятадад махаа экспортолж валют орж ирж байгаа нь зөв. Монгол төгрөгийн ханшийг унагахгүй байхад сайнаар нөлөөлнө. Харин тэр малыг эрүүлжүүлэх, худаг ус гаргахаас өөр элдэв татаас малчдад өгөхөө боль. Бас хятадууд бэлчээр мал худалдаж аваад мал маллах, эсвэл дан мал худалдаж аваад монголчуудаар маллуулахыг хязгаарлах асуудлууг одооноос судлаж хууль тогтоомжоо гаргаж байсан дээр. Тэгэхгүй бол африк шиг хятадуудад эзлэгдэж магад

Avatar

бөбө 2019-10-04 202.131.253.66

Махны үнэ өсч болно гэхдээ малчид бага ч гэсэн татвар төлөх хэрэгтэй байна. Бас үхсэн малын махаа УБ руу тээвэрлүүлдэггүй болох хэрэгтэй байна.

Avatar

Зочин 2019-10-04 202.180.220.77

Санал нэг байна. Малчид нэг ч төгрөгний татвар төлөхгүй байж хүүхдээ сургуульд явуулж, эмнэлэгт үзүүлж, төрийн бусад өөр үйлчилгээг авдаг. Энэ бүх юм чинь дандаа татварын мөнгөөр босдог.

Avatar

Зочин 2019-10-04 202.131.242.254

Мал, мах экспортлох нь зөв. Хятад байна уу, Орос байна уу ялгаагүй. Мөнгө бол мөнгө. Мал махны үнэ өсвөл мал маллах нь ашигтай ажил болж хөдөөнөөс хот руу биш хотоос хөдөө рүү нүүдэг болно. Утаа, түгжрэл, уур бухимдал багасна. Малчдын орлого, худалдан авах чадвар нэмэгдэж, эдийн засаг өснө. Ганц уул уурхайн экспортоос хараат байдал багасна. Зөвхөн хэрэглэгчийн ходоодны байр суурьнаас, малчдын хөлсөө асгаруулж үйлдвэрлэсэн бүтээгдэхүүнийг хямд авах гэсэн байдлаар хандаж болохгүй.

Avatar

baba 2019-10-04 202.55.191.130

yavj mal malla

Avatar

Зочин 2019-10-04 202.131.245.243

Тэр махны үнийн өсөлт чинь малчдын биш хятад ченжүүдийн хармайнд ордог юм.

Avatar

Зочин 2019-10-04 202.126.88.202

Mahiig strategiin buteegdehuun gej zarlaad exportod gargahiig hprigloh heregtei

Avatar

Зочин 2019-10-04 195.226.162.225

Мах арай бага ид монголчууд минь.

Avatar

Зочин 2019-10-04 59.153.115.201

Хил хаагдаж, хятад ченжууд амарсантай холбоотой унэ буурч байгаа юм.

Avatar

Мах 2019-10-04 202.55.188.36

МАН махны ченж хийж сонгуулийн мөнгө хийж байгаан

Avatar

Зочин 2019-10-04 139.5.216.103

МАХ ХЯТАДАД ГАРГАХ НЬ ЗӨВ.ЯМАР МАЛ ХЭДИЙ ХЭМЖЭЭТЭЙ ГАРГАХ,ХААНА ХЭН БЭЛДЭХ ЯАЖ БҮРТГЭЖ ХЯНАХ ВЭ ГЭДЭГ НЬ ТӨРИЙН АЖИЛ.ТЭР УЛААН ХИЙЖ ЧАДАХГҮЙ Л БОЛВУУ.ТОМ ХОТЫН ХҮНСНИЙ ЗАХ ДЭЭРЭЭС ЭКСПОРТЫН МАХ БЭЛДЭХИЙГ ХОРИГЛО.ЭКСПОРТЫН МАХЫГ ЗӨВХӨН ҮЙЛДВЭРТ ТӨХӨӨРЧ БОЛОВСРУУЛСАН БОЛ ГАРГА. ХИЛЭЭР ГАРСАН ҮЙЛДВЭРТ ТӨХӨӨРСӨН 2 ТУЛЖ ТАТВАР ТӨЛСӨН БАРИМТААР БАТАЛГААЖИХ ЁСТОЙ.ХҮЧИТ ШОНХОР ЖИЖИГЛЭН ЗАРАХЫГ ХОРИГЛОО.БҮХ ХООЛНЫ ГАЗАР БҮХЭЛ МАХ ТЭНДЭЭСЭЭ АВАХ ЁСТОЙ.ХАВАР ҮНЭТЭЙ НАМАР ХЯМДХАН БАЙХ НЬ ЗӨВӨӨ.ОНЦЛОГ НЬ ЮМ

Avatar

MGL 2019-10-04 103.229.178.2

Махны үнэ өсөж л байвал малчдад маань сайн шүү дээ

Avatar

Зочин 2019-10-04 59.153.115.201

Тэр унийн еселт чинь хятад ченжуудийн хармайнд ордог юм аа.

Avatar

Зочин 2019-10-04 202.21.108.229

Ireh havar, tsagaan saraar yu boldog bol. Muu zasag , popchid ulsaa ***h yum da.

Avatar

Зочин 2019-10-04 202.126.88.216

Мал амьдаар нь гаргахгүй бол болохоо байлаа, бэлчээрийн даац хэтэрсэн гээд Улаан сайд улайхгүй ярьж байсан. Амьдаар нь гаргахаар махны үнэ өсөхгүй биш харин бүр тэнгэрт гарна. Махаа экспортлох нь зөв, энэ бол нахөгддөг баялаг. Нэмүү өртөгөө монголд үлдээгээд мах болгож гаргах нь зөв. Үнэ жаахан өсөх бол асуудал биш

Avatar

Зочин 2019-10-04 202.180.220.77

Өмнө тэгээд яаж 22 сая малтай болоод байсан юм бэ? Одоо 66 сая малтай байж мах хүрэлцэхгүй байна гээд бүгд уйлаад байх юм. 100 сая хүрвэл мах чинь хүрэлцэх үү? Эсвэл дахиад л "хятадууд мах аваад байна, хориод өгөөч" гээд гүйх үү?

Avatar

Зочин 2019-10-04 202.131.242.254

22 сая малтай байхад 1.2 сая хүнтэй байсан. Одоо 3.2 сая хүнтэй, 66 сая малтай. Нэг хүнд оногдох тоо хэвээрээ.

Avatar

Зочин 2019-10-04 202.180.220.77

22 сая малтай байхад 2 сая хүрчихсэн байсан хө. 1989 онд Монгол улс 2 сая хүн амтай болсон.

Avatar

Зочин 2019-10-04 202.180.220.77

Одоо махаа гадагшаа зарчихаа хорьчих. Махны үнэ буурна. удахгүй бэлчээргүй болно. Хэн хожихоо харья.

Avatar

Зочин 2019-10-04 202.180.220.77

Хятадууд авахгүй бол тэгээд манай махыг хэн авах юм бэ? Махаа гадагшаа зарахгүй бол бэлчээрийн доройтол 70% хүрчихсэн байна шүү дэ. Бэлчээргүй бол махгүй, махгүй болбол дахиад л хятадуудыг буруутгаад сууж байх уу?

Сонин ард түмэн юмаа. Өөрсдөө хэзээ ч буруугүй, дандаа бүх юманд хятадууд буруутай.

Avatar

Х.Батсайхан иргэн 2019-10-04 202.131.244.210

Төр ажилаа хийхгүй болохоор хятадууд хийгээд байна шүү дээ харин ард иргэд л хохирох юм даа тэвчээртэй ард түмэн минь эхлээд Амарсайхантай тэгээд Алтан хуягтай болсон одоо Хүрэлсүхтэй болчихлоо хойшдоо битгий л төмөрлантуутай болоосой ээ бурхан минь

Avatar

Иргэн 2019-10-04 202.21.116.78

Бүх л юмыг хятадтай холбох юм. Монголчуудын асуудалд монголчууд л хамаатай, өөр хэн ч биш!!! Хятадууд даварлаа л гэдэг, давруулаад байгаа нь монголчууд өөрснөө л ард нь байж байдаг

Avatar

Зочин 2019-10-04 139.5.217.51

Хардлагатай бсан нь дээрээ хө шоргоолжин түмэн хүн амтай улсаас болгоомжилж хардаж явах нь аминд өлзийтэй байх шүү хө

Avatar

Зочин 2019-10-04 202.21.108.229

Medeej manai tur l buruutai. Hyataduud duraaraa orj irdeggui l bhgui yu.

Avatar

Зочин 2019-10-04 203.91.115.50

Хэзээ махны үнээ өсгөхыг хятадууд л мэдэж байна Монголд маш олон махны үйлдвэр барьж байна Энэ төр засаг хятадуудад дэндүү найр тавьж байна 20 онд МАН д төр бариулахгүй байвал хятад цөөрөх байх

Avatar

o 2019-10-04 202.21.103.54

Honinii tsul mah 5100 yum bol yastai n 2000 bolson gesen ug uu yagaad hudlaa bicheed bnaa , ulger

Avatar

Болдоо 2019-10-04 119.40.99.5

Махны үнэ нэмэгдэх нь зөвөө. Бүх юмны үнэ нэмэгдээд, доллар 2800 болчоод байна. Доллараар тооцсон цалингаа нэмэгдүүлэхээ л бод.

Avatar

Болдоо xyжaa пиздa 2019-10-04 202.131.245.243

Болдоо боорцог, болсон мантуу, xyжaaгийн хуушуур, хулганы нүх.

Avatar

boldoo v2 2019-10-04 27.123.214.2

Boldoogiin zov shuu dee. mahnii une nemegdsen deer ni malchidaas tatvar avaad ulaanbaatart oir mahnii chigleliin ferm hiih heregtei, gahai, uheriin. tegeed bolooshd, malchid zoostoi, irged hooltoi, mongol uls zoostoi

Avatar

цэка 2019-10-04 103.14.38.134

Угаасаа л 10-11 сард буурдаг жамтай ш дээ

Avatar

Зочин 2019-10-04 202.9.44.109

Хятадуудад мах зарахгүй, гаргахгүй бол махны үнэ буурч л таараа Улсын хил гэж байхад мах гаргахыг бүр мөсөн хаах хэрэгтэй Тэгвэл махны үнэ тогтвортой байнах. Хятадын баяр болоод хилээ хаахаар махны үнэ буурч байна шүү дээ

NewsMN Гар утасны хувилбар Татах
NEWS.mn

Мэдээллийн эх сурвалж