Энэтхэгийн тусгаар тогтнолын төлөөх үндэсний эрх чөлөөний хөдөлгөөний удирдагч, аугаа тэмцэгч, хүч үл хэрэглэх онолын “эцэг” Махатма Гандийн мэндэлсний 105 жилийн ойн өдөр аравдугаар сарын 2-нд болсон. Тэгвэл энэ өдөр Махатма Гандийн чандрыг хулгайд алджээ. Махатма Гандийг 1948 онд хинди хэт аврагчийн гарт амиа алдсанаас хойш чандрыг нь Энэтхэгийн төв хэсгийн дурсгалын газарт хадгалж байсан аж.

Хулгайчид түүний зургууд дээр “урвагч” хэмээн ногоон өнгөөр бичсэн байжээ. Хинди шашинтан зарим хүмүүс түүнийг хинди-мусульман шашинтнуудын эв нэгдлийг хичээснийх нь төлөө урвагч гэж эсэргүүцдэг байна. Гэсэн ч Энэтхэгийн олонх хүмүүс “эцэг” гэж хүндэлдэг Махатма Ганди нь өөрөө хинди шашинтан байсан юм.

Энэтхэгийн Мадхя Прадеш мужийн Рева хотын цагдаагийн газраас хулгайчдыг эрэн сурвалжилж, үндэсний эв нэгдэл, энх тайвны эсрэг хэрэг үйлдсэнд буруутган хэрэг нээжээ.

Эх сурвалж: ВВС