У.Хүрэлсүх : Мэргэжилтэй ажилчид ус, агаар мэт хэрэгтэй байна | News.MN

У.Хүрэлсүх : Мэргэжилтэй ажилчид ус, агаар мэт хэрэгтэй байна

Хуучирсан мэдээ: 2019.10.03-нд нийтлэгдсэн

У.Хүрэлсүх : Мэргэжилтэй ажилчид ус, агаар мэт хэрэгтэй байна

У.Хүрэлсүх : Мэргэжилтэй ажилчид ус, агаар мэт хэрэгтэй байна

Монгол Улсын Ерөнхий сайд У.Хүрэлсүхийн санаачилгын дор Мэргэжлийн боловсрол, сургалтын салбарын багш нарын улсын анхдугаар зөвлөгөөн Төрийн ордонд эхэллээ.

Зөвлөгөөнөөр энэ салбар болон багштай холбоотой асуудлыг өргөн хүрээнд, эдийн засаг, нийгэм, ажиллах хүчний хөгжил, хандлагад суурилан авч үзэн, аж үйлдвэрийн IY хувьсгал, инноваци, бүтээмжтэй уялдсан зах зээлийн эрэлт, мэргэшлийн ур чадварыг хангах зорилт зэргээ ярилцаж, цаашдын бодлого, чиглэлээ тодорхойлох юм.

Монгол Улсын Ерөнхий сайд У.Хүрэлсүх зөвлөгөөнийг нээж үг хэллээ. Тэрээр Засгийн газар эрэлтэд нийцсэн мэргэжилтэй ажилтан бэлтгэх тогтолцоог хөгжүүлэх, багш, суралцагчдын ур чадварыг дээшлүүлэх, төр, хувийн хэвшлийн түншлэлийг үр өгөөжтэй болгох, төгсөгчдийг байнгын ажлын байраар тогтмол хангасан аж ахуйн нэгжүүдийг дэмжих зэргээр ажиллаж байгааг хэлэв.

Газрын тос боловсруулах үйлдвэр, дулааны цахилгаан станц, цэвэрлэх байгууламж, сайжруулсан түлшний үйлдвэр, эмнэлэг, сургууль, цэцэрлэг, “Чингис хаан” музей, Байгалийн түүхийн музей, Үндэсний урлагийн театр, орон сууцны хороолол, Улаанбаатар хотын усны хангамжийг нэмэгдүүлэх, уул уурхай, авто зам гээд томоохон бүтээн байгуулалтад оролцох мэргэжилтэй ажилчид ус, агаар мэт хэрэгцээтэй байгааг Ерөнхий сайд тэмдэглэв.  Цаашид аж ахуйн нэгжүүд, ажил олгогчид  Мэргэжлийн боловсрол, сургалтын байгууллагуудтай хамтран ажиллах,  ажил,  мэргэжлийн чиг баримжаа олгох төвүүд байгуулах, хөгжлийн бэрхшээлтэй залуусыг сургах зэргээр идэвхтэй ажиллах шаардлагатай байна гэв.

Хөдөлмөр нийгмийн хамгааллын сайд С.Чинзоригийн илтгэлээс үзвэл мэргэжлийн боловсрол, сургалтын түншлэл, салбар дундын зохицуулалт хангалттай биш байна. Ажиллах хүчний эрэлт, нийлүүлэлтийг бодитой тодорхойлох, зохистой нийцлийг хангах нь тулгамдсан асуудлын нэг болжээ. Мөн сургалтын агуулга, арга зүйн шинэчлэлийг өргөжүүлж гүнзгийрүүлэх, санхүүжилтийн тогтолцоог шинэчлэх нь чухал байна.

Засгийн газар мэргэжлийн боловсролын багшийн цалинг сүүлийн хоёр жилд 40 орчим хувиар нэмж, албан тушаалын ангилал, зэрэглэлийг хоёр шат ахиулан, олгодогггүй байсан үр дүнгийн урамшууллыг сэргээн 10 хувьд хүргэсэн.  Мөн  багш, ажиллагсадыг тэтгэвэрт гарахад нь төрийн жинхэнэ албан хаагчийн адил 36 хүртэл сарын нэг удаагийн буцалтгүй тусламж олгохоор болсон юм. Цаашид ч ажиллах нөхцөлийг нь сайжруулж, цалинг нь нэмэн, орон сууцаар хангах, түрээсийн болон хөнгөлөлттэй нөхцөлөөр орон сууцны зээлд хамруулахаар ажиллаж байна. Мэргэжил сургалт үйлдвэрлэл, политехник коллежийн оюутнуудад  энэ оноос сар тутам 100 мянган төгрөгийн тэтгэлэг олгож байгааг ирэх жил 200 мянга болгон нэмнэ.

Өнөөдрийн байдлаар улсын хэмжээнд мэргэжлийн боловсрол, сургалтын 84  байгууллага үйл ажиллагаа явуулж байгаагийн 51 нь төрийн, 33 нь төрийн бус өмчийнх юм. 39 мянга орчим оюутан аж үйлдвэр, барилга, тээвэр, уул уурхай, үйлчилгээ зэрэг 16 салбарт 230 гаруй мэргэжлээр суралцаж байна гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Энэ мэдээнд өгөх таны сэтгэгдэл?
5
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

О.УРАНЧИМЭГ 2019-10-03 124.158.113.3

МУ-ЫН ЕРӨНХИЙ САЙД АА.. ТА ТӨРД МЭРГЭЖЛЭЭ САЙН МЭДДЭГ МЭРГЭЖИЛТЭН УС АГААР ШИГ ХЭРЭГТЭЙ БАЙНА ГЭЖ ӨГҮҮЛЖЭЭ.. ХЭРВЭЭ ЭНЭ ҮНЭН Л ЮМ БОЛ ЭРҮҮЛ МЭНДИЙН ЯАМНЫ ТӨРИЙН НАРИЙ БИЧГИЙН ДАРГАД ТӨРИЙН АЛБАНЫ СОНГОН ШАЛГАЛТААР ӨНДӨР ОНОО АВСАН ДАРААГИЙН МЭРГЭЖИЛТЭНГ СУДАЛЖ ҮЗЭЭРЭЙ. ТЭР ЭМЭГТЭЙ ЭМЧ БОЛ ЖИНХЭНЭ ЭРҮҮЛ МЭНДИЙН САЛБАРТАА ҮНЭН ШУДРАГА, САЙН АЖИЛЛАХ ЗАЛУУ ҮЕИЙН ТӨЛӨӨЛӨЛ ШҮҮ. ТА САЙН СУДАЛЖ ҮЗЭЭРЭЙ. ТӨРИЙН АЛБАНЫ ТОМИЛГОО ЗӨВ ШУДРАГА БАЙГААСАЙ..

Avatar

Зочин 2019-10-03 202.21.108.220

Худлаа шаахаас өөр юм энэд ер байдаг юм уу. Угаасаа хэрэгтэй гэдгийг нь бүх Монголчууд л мэдэж байгаа штэ. Ойлгомжтой юмыг гэнэт олоод нээчихсэн юм шиг ш*** юм.

Avatar

Зочин 2019-10-03 192.82.65.224

Хүрэлсүх сайд зөв юм ярьж байна Үнэхээр мэргэжлийн мэргэшсэн ажлаа мэддэг хүмүүс ховор болсон байна ихэнх нь юм болгоныг зоосны нүхээр л харах болсон байна. Тэрнээс биш мэргэжилдээ эзэн болдог нь ховор ялангуяа залуучууд ийм байгаад харамсаж байна

Avatar

Зочин 2019-10-03 64.119.18.167

Сайн нүдээ нээ? Тархиараа бод ? Ярих нь яах вэ? Худлаа лоозон ч хэрэггүй ? Наад Энхамгалан гээч юу ойлгохгүй мангар нөхөр мөн Сарангэрэл гээч салаачээ? Худлаа лоозон дэвшүүлэх хэрэггүй

Avatar

Зочин 2019-10-03 103.111.68.3

МЭРГЭЖИЛТЭЙ ЧАДАЛТАЙ ХҮМҮҮС 60 ТЭРБҮМ, ЦҮНХ БАРИГЧДЫН ДООР АЖИЛЛАЖ ЧАДАХ УУ? МАНАН-гийн ТАВИУЛУУДЫГ ЦЭВЭРЛЭЭЧЭЭ,

Avatar

Зочин 2019-10-03 103.68.107.22

Pop-iin haan

Avatar

зочин 2019-10-03 202.21.97.90

хүрэлсүх сайдаа зорилгоо биелүүлэхийн тулд нас хүйс хамаагүй сайн мэргэшсэн нөхдийг ажилд авах хэрэгтэй авилга горьдсон нөхдийг ажлаас нь хал

NewsMN Гар утасны хувилбар Татах
NEWS.mn

Мэдээллийн эх сурвалж